عنوان الموضوع : انا وشغل البيت
مقدم من طرف منتديات نساء الجزائر

انا وشغل البيت



السلام عليكم ورحمه الله وبركااته

انا قربت ادخل بنصف العشرينات مو مخطوبه ولامتزوجه المهم

وكرف البيت والشغل دايم ع راسي لاني الكبيره وعندي اختين وحده بالجامعه والثانيه متوسط وانا دوووم ازعل كل يوووم انظف البيت بالصببااح وابخرره واذا جو اخواتي من الدوام او نمت وقمت بالمغرب الاقي البيت وسخ تعبت حييل معهم كل ماسالت من خرب البيت كل وحده تقول مو انا وارجع انظف كل يوم ويرجع يتوسخ ولاعمره بيتنا جلس نصف يوم نظيف

وحتى خميس وجمعه اذا صحيوا قبلي مايشتغلون مثلا اذا صحيت بالعصر الاقي البيت مثل ماهو والقى اخواتي ع الاب توبات وع النت واجي اتهاوش معهم ليش ماتنظفون يعني لازم اهزائهم عشان يشتغلون والناس دووم يجون بيتنا وهو وسخاان
تعذبت مع خواتي حييل احيان اختي تقول عندنا شغاله تقصدني والثانيه تقول لاتناافخين علينا هم صح مايقصرون اذا هزئتهم يشتغلون بس مايشتغلون من حالهم لازم اكون وراهم
وربي تعذبت امنيتي اصحى او يجي يوم القى بيتنا نظيف من دون ماانظفه
واحيان اسمع كلمات مثل انتي شغالتنا وانتي عاانس وكلام يجرح وانا اسوي نفسي عاتي ماهموني واقولهم اييه شغاله ببيت ابوي مو مثلكم لاشغله ولامشغله وبدري ع العنووسه ومن زين الزواج عاد الي يسمعكم يقول راحه

وانا من جوه محرروقه حييل دوم وانا انظف البيت اقول لو اني متزووجه وهذا بيتي واكررف فيه محد يوسسخه
وساعات ابكي اذا تذكرت كلماتهم اني عاانس لان صدق صديقاتي متزوجات وقريباتي وانا عزباء لا انيس ولا ونيس ولاحتى حافز وماغير اكرف بذا البيت وعندي انيميا اتعب من اي مجهود
والله يرزقني بس
وفي نقطه ثاانيه لون السيراميك ابيض ويتعب حييل ودوم امسحه بس اطراف المربعات لونها اسود كيف انظفها يابنات لاتقولون لي اغسل السيراميك صعبه بس امسحه باايش

ربي يووفقكم سامحوني هذرت عليكم وطولت بالسالفه ويمكن كلامي مخربط بس كنت محتااجه افضفض

>>>>> ردود الأعضـــــــــــــــــــاء على الموضوع <<<<<
==================================


الله يكون بعونك

الافضل تتقاسمون الشغل خواتك مب صغاااار


او على الاقل مايعفسون لك المكان


اما تسوون الشغل مع بعض او كل وحدة يوم


بالنسبة للسيراميك بالكلوركس ينظف حطي بفوطة ومسحيه


قصتك متشعبه لازم تكون شخصيتك اقوى عشان يحترمونك ويتعاونون معك

باين لك راح تكونين ربه بيت شاطره


__________________________________________________ __________

ربي يعوضك ان شاء الله بالزوج الصالح إللي يحبك ويحطك جوات عيونه قولو آمين يابنات

لازم خواتك يساعدونك ويكون عدل في البيت وبالنسبه للأماكن السوداء حطي فلاش وخليه شوي وافركيه


__________________________________________________ __________

اااامين يارب يرزق بالزوج الصالح انا عندي طريقه اسهل لتنظيف السواد بين المربعات اما ان تاخذي نصف حبة ليمون وتدعكيها بين المربعات او رشي ملح الليمون اتركيه قليلا ثم نظفي بالطريقه العاديه بدون اضافة الفلاش او الكلور والله الموفق


__________________________________________________ __________

الله يفرج همك بس لازم امك او ابوك يضغط على خواتك يوم ماكان عندنا شغاله كنا نتقاسم الشغل واذا قمت من النوم اكون مرتاحه لأنهن قامن قبلي ونظفن البيت على الرغم من أنهن صغار بالمتوسط والابتدائي الله يرزقك بالزوج الصالح كثري من الاستغفار


__________________________________________________ __________

الله يكون في عونك ياقلبي ويشفيك ويرزقك زوج صالح يسعدك ..
السواد اللي ع اطراف السراميك ينظف بالفلاش بس اذا حطيتيه لازم تهويه بالغرفه
واذا الفلاش قوي عليكم سوي اي طريقه من اللي قالوا الاخوات ..


...