عنوان الموضوع : بكتشف انه كل وحده فيهم احقر من التانيه -تم الاجابة
مقدم من طرف منتديات نساء الجزائر

بكتشف انه كل وحده فيهم احقر من التانيه



السلام عليكم

راح احكيلكم مشكلتي او الي بصير معي في هاي الايام يمكن الموضوع راح تحسوه سخيف او مستاهل بس والله ضاق صدري .. انا طالبة جامعية باخر سنه وهاد الفصل راح اتخرج بأذن الله بس المشكله صحباتي الي كنت اعتبرهم اعز من خواتي والي والله اني كنت اتعامل معهم بكل خير واحبهم في الله وكنت انصحهم بالخير والله ثم والله كنت ادعيلهم بصلاتي من كتر ما كنت اعزهم واحبهم وبالاخر بكتشف انه كل وحده فيهم احقر من التانيه وكل وحده بتحكي علي من وراي وبكيدولي ما بعرف ليش كلهم تغيرو خصوصا هاد الفصل حتى انهم بطلعو وبروحو عند بعض وما حد فيهم بحكيلي تعالي معنا وحتى بخبو علي وبس يطلعو ويخلصو بروحو بكتبو على بروفايلاتهم انهم كانو طالعين وانبسطو كتير ومن هالحكي ولا حتى يعبروني وانا زمان ما كان في طلعه او مناسبة الا اكون اول وحده وانا الي الم شملهم وازبط المواعيد وهلا كلهم تغيرو اول شي بنتين منهم بعدين وحده وحده وما بعرف شو السبب ولا حتى صدر مني اي تصرف غلط بحق اي وحده منهم بس الموضوع بلش لما عرفو اني بدي اتخرج هاد الفصل واني اعلى علامه فيهم ما اعجبهم الموضوع لان في منهم كتير متاخرات في دراستهم طبعا من الاهمال .. مابعرف يمكن غيره او حسد وكيد او يمكن هلا انكشفو على وجهم الحقيقي .. انا حاسه انه عم يألفو علي حكي لانه في كتير مواقف صارت صعب احكيها بس بختصار في بنتين بكرهوني منهم وهاد الاشي اكتشفتو متاخر واتوقع انهم همه الي بحكو علي وخلو البنات التانيات يتغيرو طبعا انا مستحيل اروح احكي مع اي وحده فيهم او اسالها ليش متغيره لانهم بوجهي بضحكو معي وكل شي عادي بوجهي بس من وراي الله اعلم حسبي الله فيهم

انا هلا الحمدلله عندي صاحبيتن كتير بحبهم وبوثق فيهم وهمه كمان ملاحظين التغيير من البنات التانيات متلي .. احكولي كيف اتصرف وشو اعمل والله اني تعبت من النفاق ؟؟

>>>>> ردود الأعضـــــــــــــــــــاء على الموضوع <<<<<
==================================


عادي تعاملي معهم زين وماعليك منهم احقريهم وربي الدنيا دواره


__________________________________________________ __________

اتركيهم ولا تزعلي انتبهي لدروسك ومستقبلك خلاص جاء وقت التخرج
وشوفي لك صديقه تانيه مخلصه لك ويجمع بينك الحب في الله
بالتوووفيق


__________________________________________________ __________

خلي علاقتك فيهم سطحية

يعني مايصير اما نفاق او تتركينهم ؟؟


__________________________________________________ __________

اووووف الله يعينك
واضح ياعمري انو بيغاروا منك
يمكن انتي افضل منهم في شئ
محبوبه بين الناس او شاطره بالجامعه او حلووووه
من شان هيك بيعملوا هيدا الحركات


__________________________________________________ __________

المشاركة الأصلية كتبت بواسطة مشكلتي
اتركيهم ولا تزعلي انتبهي لدروسك ومستقبلك خلاص جاء وقت التخرج
وشوفي لك صديقه تانيه مخلصه لك ويجمع بينك الحب في الله
بالتوووفيق