عنوان الموضوع : بالله عليكم ساعدونى انا تعبت -تم الاجابة
مقدم من طرف منتديات نساء الجزائر

بالله عليكم ساعدونى انا تعبت



السلام عليكم ورحمة الله وبركاته
لو سمحتو انا تعبت من المشاكل اللى مش بتخلص ونفسى تساعدونى فى مشكلتى لانى خايفه اوى
معلش هطول عليكم انا مكتوب كتابى من 9 شهور وزوجى متفق مع والدى ان الجواز بعد سنه او سنه ونص من كتب الكتاب لان انا كتبت كتابى على طول مكنش فى خطوبه المهم جوزى طبعا اول ماكتبنا الجهاز بدا فى الشقه والعفش والطبيعى ان دول بياخدوا وقت طويل لو العفش عموله يعنى واهلى بداوا فى تكمله جهازى من ادوات مطبخ وملابس وغيره من الحاجات اللى بتاخد وقت كبير فى الجهاز ويعتبر مش ناقص الا المطبخ والانتريه لان انا عليا الانتريه (ده اتفاق بين زوجى ووالدى)وهو عليه الصالون وباقى العفش المهم جوزى من اول ما اتكتب كتابنا وهو عوزنى ابدا فى المطبخ لو حتى ربط كلام مع النجار وعوزنى اعمل عند اللى بنعمل عنده العفش عشان نضيف وكويس وكمان بيقارن بين مطابخ نجارين تانيه ومطابخ النجار ده بيقولى احلى وان اخته عامله بتاعها عنده المهم معترضتش وقولتله اوك هقول لبابا بس انشغلت ومقولتش وفى نفس الوقت لقيت ان المده كبيره اوى يعنى لسه سنه عالاقل وكل فتره لما سافر يسالنى قولت لبابا ولا لا وجهزت ولا لا اقوله خلاص هقوله او ان بابا مشغول لان انا عارفه رد فعل بابا ان لسه المده طويله يعنى واخرها اليوم جاى بيسالنى قولت ولا لسه وان النجار خلاص مش هيوافق يعملك لان عنده شغل كتير واكيد مش هتلاقى احسن منه والناس هتتريق على اللى هتعمليه لانهم هيلاقوا العفش احلى والمطبخ وحش قولتله ليه يعنى مافى نجارين كويسين قالى لا مفيش حد هيطلع شغل كويس زى ده وابقى قابلينى لو لقيتى حد يوافق يعملك فى المده الباقيه اللى هيا مثلا 10 شهور قولتله لا هلاقى وهعمله كويس وحلو فضل يتكلم معايا بعصبيه وبعدين قالى كلمه خنقتنى اوى قالى (تحرمى عليا وتبقى زى امى واختى لو قولتى لابوكى او امك عن المطبخ وفكرتيهم بيه لان عارف انهم مش هيعملوه الا قبل ما انزل بشهر او شهرين )وانا مش هقول لاهلك انا نازل امته الا قبلها بشهر وشوفى هيعملوا ايه ولو لقيتهم لسه مجهزوش هفضل مسافر سنه كمان او هقوله خلاص متعملش وخلى بنتك عندك قولتله متقولش كده وهما هيعملوه من نفسهم وبدرى كمان فضل يزعق فيا
المهم انا تعبت كل مشكله يوصلها لحلفان وكلام ملوش لازمه وانا بستحمل عشان عارفه ومتاكده انه بيحبنى وانه وقت عصبيته بيقول كلام ملوش لازمه وهيهدا وخلاص الموضوع ينتهى بس انا تعبت من كده وان مش عارفه اعمل ايه اقول لاهلى ازاى وهو حالف عليا بالشكل ده وانا عارفه ان اهلى الوقتى مشغولين بمشاكل تخص عيلتى ومينفعش اقول لجوزى عليها وكمان ان والدتى تعبانه وبردوا مش عارفه اتكلم معاهم فى حاجه زى دى مع ان الحمدلله مش مقصرين معايا فى حاجه بس اعمل ايه فى الموقف اللى حطنى فيه ده عوزه اعرفهم ان احتمال جوزى ينزل قبل معاده وانهم يبداوا فى المطبخ بس مش عارفه ازاى اقولهم وهو حالف عليا وكمان مش عارفه اعمل ايه فى المقارنات اللى بيحوطنى فيها مع اخواته وجهاز اخواته وبردوا برغم ان الحمدلله والدتى مش مقصره من الناحيه دى ربنا يخليهم ليا يارب بس اقوله ايه هو دايما بيقارن وفى اى حاجه
جوزى مش وحش بس عيبه العصبيه الزايده جدا والمقارنه وانه عاوز اللى يقول عليه هو اللى يتعمل ميختلفش ولو مش عجباه حاجه ممكن يرميها فده حاجه مخوفانى اوى مخليانى ان اخد رايه فى كل حاجه فى جهازى مع ان ماما قالتلى بلاش عشان تبقا برونقها وهيا جديده عليه لما يشوفها فى الشقه بس انا بخاف من رايه

بالله عليكم ساعدونى وادعولى بظهر الغيب
انى عوزه اقول لاهلى عن المطبخ وفى نفس الوقت خايفه من اليمين بتاع جوزى
يارب اللى تساعدنى ربنا يجازيها عنى كل خير
وادعولى ان ربنا يتمملى على خير ويهديلى جوزى ويبعد عننا المشاكل يارب انا وكل المسلمين يارب
اسفه انى طولت عليكم

>>>>> ردود الأعضـــــــــــــــــــاء على الموضوع <<<<<
==================================


لازم تخبري اهلك بحلفانه لان حلفانه جدا عظيم ومش هين

والحلف الي حلفه مش سهل جدا لالاتهاوني بسالفة الحلفان الي حلف عليكي فيه

لانك ممكن يكون عليه كفاره لابد تقولي لااهلك ومسالة الحلفان لازم تسئلي الشيخ

ولا تتهاوني فيها لجل لا يكون عليكي ذنب وانتي ماتدرين

الله يصلح لك الحال


__________________________________________________ __________

أختي اول شيئ الله يكمل عليكم بالخير والبركة ويهدي زوجك لاني ارى فيه عيب كبير ارجو انك ما تستصغرينه الا وهو الحلفان بالطلاق والتحريم فلايجوز له الحلف هكدا وانتم لسا ما سكنتمنم في بيت واحد ما بالك ادا كنتم عايشين مع بعض على اتفه الاسباب بيطلقك اظن ان المشكلة ما هو نجار او غيره المشكلة اللي ستخرب عليكم العيشة هي العصبية الزايدة حاولي ان تحسينه بالثقة في اقواله واعماله ولاحاجة لليمين لانه سيقع في النتائج الغير محمودة واسأل الله له التوفيق والهداية وان يجعل حياتكم هنيئة


__________________________________________________ __________

(تحرمى عليا وتبقى زى امى واختى لو قولتى لابوكى او امك عن المطبخ وفكرتيهم بيه لان عارف انهم مش هيعملوه الا قبل ما انزل بشهر او شهرين )

}الَّذِينَ يُظَاهِرُونَ مِنكُم مِّن نِّسَائِهِم مَّا هُنَّ أُمَّهَاتِهِمْ إِنْ أُمَّهَاتُهُمْ إِلَّا اللَّائِي وَلَدْنَهُمْ وَإِنَّهُمْ لَيَقُولُونَ مُنكَرًا مِّنَ الْقَوْلِ وَزُورًا وَإِنَّ اللَّهَ لَعَفُوٌّ غَفُورٌ} (2) سورة المجادلة

{وَالَّذِينَ يُظَاهِرُونَ مِن نِّسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِّن قَبْلِ أَن يَتَمَاسَّا ذَلِكُمْ تُوعَظُونَ بِهِ وَاللَّهُ بِمَا تَعْمَلُونَ خَبِيرٌ} (3) سورة المجادلة


__________________________________________________ __________

ميرسى ربنا يخليكم على ردودكم عليا بس ازاى اقول لاهلى وهو حالف عليا لو قولتلهم اى حاجه عن كده وللاسف دى مش اول مره يهددنى بالانفصال لاقدر الله لان حصل مشاكل كتير بينا وكل مره يقول انه عاوز يسيبنىواهلنا يتدخلوا والموضوع يتحل الحمدلله مع ان والله العظيم اكتر المشاكل بتكون مش مشكله يعنى يتكون اختلاف فى الراى بينى انا وهو لكن هو بيكبرها وبيعمل عليها مشكله وبيجيب الغلط عليا كل مره وعمره ماطلع نفسه غلطان
انا عارفه ومتاكده انه بيحبنى بس مش عارفه ليه على طول السيره دى بتيجى والحلفان بتاعه ده
ارجوكم شوفولى حل


__________________________________________________ __________

[quote=نظرة شرود;9009678](تحرمى عليا وتبقى زى امى واختى لو قولتى لابوكى او امك عن المطبخ وفكرتيهم بيه لان عارف انهم مش هيعملوه الا قبل ما انزل بشهر او شهرين )

}الَّذِينَ يُظَاهِرُونَ مِنكُم مِّن نِّسَائِهِم مَّا هُنَّ أُمَّهَاتِهِمْ إِنْ أُمَّهَاتُهُمْ إِلَّا اللَّائِي وَلَدْنَهُمْ وَإِنَّهُمْ لَيَقُولُونَ مُنكَرًا مِّنَ الْقَوْلِ وَزُورًا وَإِنَّ اللَّهَ لَعَفُوٌّ غَفُورٌ} (2) سورة المجادلة

{وَالَّذِينَ يُظَاهِرُونَ مِن نِّسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِّن قَبْلِ أَن يَتَمَاسَّا ذَلِكُمْ تُوعَظُونَ بِهِ وَاللَّهُ بِمَا تَعْمَلُونَ خَبِيرٌ} (3) سورة المجادلة[/quote
امنت بالله
يا اختي انتي ليش ماتفقتي معه وريحتي راسك يمكن النجار بيراعيكم بس عمومن الله يعينك