عنوان الموضوع : مديري عرض على الزواج اش رايكم
مقدم من طرف منتديات نساء الجزائر

مديري عرض على الزواج اش رايكم



السلام عليكم ورحمة الله وبركاته

اسعد الله اوقاتكم بالخير والمسرات
اولا رجاء مابي تجريح ابدا انا دخلت استشيركم وحطو نفسكم بمكاني قبل تحكمون وتردون انا يتيمة ومالي احد محتاجه لرجل يوقف معي ويكون سندي بهالحياه وخايفه ع نفسي من الحرام لذالك فكرت بالموضوع وطرحته عليكم
انا بنت طموحة ولله الحمد
انا موظفة براتب يمشي الحال اشتغل بالقسم النسائي لاكن المدير يجي ويشوف الوضع من اول مره كان مهتم فيني كثير وانا كنت متوقعة انه يعامل كل الموظفات بنفس الاسلوب
بالرغم اني محترمة نفسي الحمدلله وفيه كثير بنات يخرجون عنده فاتحات وجيههم والي متلثمة بس الفم مغطاء
لاكن انا لازم اللبس نقابي واتستر وماتكلم معه الا بموضوع الشغل لا اكثر
ومره صارت مشكله بيني وبين المشرفه وهي اتصلت فيه وجاء حلها وبعد ماخرجت اتصل فيني واعتذر عن الي صار
انا اخذت الموضوع بحسن نيه بعدها عرض علي اخرج معه لكوفي شوب بس انا رفضت
وفي اليوم التالي قدمت استقالتي وقلت له انا مو بنت شوارع تفكر فيني بهالطريقة
اعتذر مني وقال انا بختبرك ابي اخطبك وابيك حلالي وحددي موعد اجي اقابل ابوك
ع فكره هو عمره 45 متزوج وعنده اولاد بس مو باين عليه انا توقعت عمره مايتعدا 30 او 35 وانا في منتصف العشرينات
بصراحه خايفه ومتردده كثييير
دايم ارفض اي احد متزوج بس هو شغل تفكيري وبالي وحسيته صادق ويبي يتزوج بسرعه
قلت له بفكر بس هو كل شوي يقلي هاه فكرتي ولا لسا
اخاف ارفضه ما يتقدملي غيره واخاف اخذه واظلم نفسي واظلمة معي
انا الشي الي مقنعني انه هو طلبني بارادته بدون ضغوط وهو طلب الزواج

لان تعرفون مجتمعنا الخطبه تتم عن طريق الاهل وكثير من الاحيان الشاب يوافق على البنت لانه مايبي اهلها او اهله ينحرجون
انا محتاره قلولي اش اسوي
وهل الزواج بهالطريقة راح تحصل فيه مشاكل ولا لا

بقلكم الاجابيات
1- هو متمسك فيني
2- اختارني بارادته من بين كل الموظفات وفيه كثير جميلات جدا
3- هو وسيم جدا وانا عاديه
4- مستوانا التعليمي واحد ونفس التخصص
وشايفه كل البنات يحبونه وكلهم يتمنون يعطيهم وجه

السلبيات
1- متزوج
2- اكبر مني بقرابه 20 سنه او اقل


اعطوني رايكم لا هنتو

>>>>> ردود الأعضـــــــــــــــــــاء على الموضوع <<<<<
==================================


الله يكتب لك الخير وين ماكان

استخيري ياقلبي والله يسعدك بحياتك


__________________________________________________ __________

الله يقدم اللي فيه الخير
وان شاء الله الاخوات يفيدوك


__________________________________________________ __________

استخيري ياقلبي بعدين كيف بيتقدم لبوك مو متوفي !!؟
بعدين اختي انتي صغيره وغير كذا يمكن قال بخطبك عشان خاف تسويله شوشره في العمل وخاف انهم يسألونك عن سبب تقديم الاستقاله وتورطينه
لله يعينك ويكتب لك
الخير ،،


__________________________________________________ __________

انا شايفة انه العمر قدامك ليش مستعجلة وااي باع ام ولاده ببيعك انتي بس اختي استخيري احسن


__________________________________________________ __________

يمكن لانه اضطر يعرض عليك الزواج حتى يوراي سواته
بعدما عرض عليك الذهاب الى الكوفي
والرجال مالهم اي امان ان وقعوا وانفضحوا قالوا كنت اختبرك عذر اقبح من ذنب
استخيري واستخيري واستخيري واسالي عنه وعن اخلاقه خارج دائرته
ربي يوفقك