عنوان الموضوع : يكرهون أمي مجابة
مقدم من طرف منتديات نساء الجزائر

يكرهون أمي



السلام عليكم ورحمة الله
صباح /مساء الخير للجمييع
شخباركن خواتي ؟؟
والله العظيم ماني عارفة من وين ابدأ
راح أقول لكم مشاكلي وهمومي وأبي منكن الحلول المناسبة بعد الله عز وجل والدعاء لي .
والله ثم والله ثم والله اني بحالة مايعلم به الا رب العباد ..
قصة حياتي مؤلمة محزنة مقرفة بكل ماتحملة الكلمة من معنى ..
ماراح أقولها كلها لانها طويلة وتشيب الراس
ولكن ثقتي بربي فوق كل شي ثم ثقتي فيكن ياخواتي العزيزات والله أن ردودكن لمواضيع قسم مشكلتي تريح البال وتحسسنا أن الدنيا بخير
...................
أنا ياخواتي فتاة توني داخلة بال24 تخرجت من الجامعه السنة هذي بتخصص حلو والحمدلله
أبوي متزوج 3 حريم أمي الثانية لي أخت وحدة بس صغيرة لسا بالابتدائي
و5 أخوان .. الكبير فيهم خذاه ربي عنده بليلة عرفة عسى ربي يرحمة رحمة واسعة توفى بحادث سيارة كان هو أكبر اخواني من أمي وأبوي عمرة 26
ومتزوج قبل سنة طيب القلب جمييل الوجة .. رجل يعتمد علية حكيم ماشاء الله
لكن الله خذاه عنده .. ماأقدر أوصف لكم حياتنا بعده أمي تعبانة تعبانة تعبانة والله العظيم البارح حسبت يصير فيها شي من صياحها كان أغلى شخص بحياتها أغلى مننا كلنا تحبة تموت فيه .. كلنا فاقدينة بس الحمدلله على قضاء الله وقدرة .. زوجتة الحين حامل أول حمل لها .. الله يصبرها ويكون بعونها ويعوضها بكل خير .. كانت مثل أختي طيوبة مرة وعسولة فرحت لما تزوج قلت الحمدلله تبي تصير عندي أخت أسولف معها ونسهر ونضحك وفعلآ كانت أكثر من أخت حسبت الموت جاني يوم طلعت من بيتنا لبيت أخوها .. والله العظيم ياخوات اني محبوسة من داخل ودي أصرخ صرخة توصل لآخر الدنيا بس والله خايفة من غضب ربي ..
أحاول أصبر نفسي بس مادري كيف بترجع لبيتنا وخلاص زوجها توفى ..
أمي ياعمري مرة تعبانة والله العظيم خايفة عليها تكفون أدعولها أن الله يصبر قلبها ويعوضنا بالولد اللي جاي بالطريق أن شاءالله ..
.....
أما مشكلتي وأسأل الله أن ينفع بكن وتساعدني ونلقى الحلول المناسبة بعد الله عز وجل .. أنا عندي خوات من أبوي 7 ماشاءالله و5 أخوان
وكانو يكرهون أمي يمكن عشان أبوي تزوجها على امهم طيب وش دخلها لو على كيفها ماتزوجت على ضرة بس هم حاقدين ويكرهوننا أذكرهم لما كنا صغار مايحبوننا وكبار أكبر منا وكنا ساكنين فبيت واحد بحكم حالة أبوي المادية ماتسمح له يشري بيتين ..
المهم أنا كنت صغيرة وكان واحد من عيال زوجة أبوي الأولى كلب كلب وصخ قذر يكرهنا ..
وأمي كانت طيبة والله ماأمدحها عشان أمي بس والله كانت طيبة وواثقة فيهم عادي تخلينا عندهم .. والله لو بعقلي الحين ماأروح لهم ولااجلس عندهم وأنا أشوف حقدهم
المهم كنت صغيرة مادخلت المدرسة وكان الوصخ يتحرش فيني وانا والله العظيم ماادري وش السالفة وأتحرش فيني أكثر من مرة كلة من الكره ماكنت أدري وش السالفة ولاكان صارخة بأعلى صوت .مع أني صغيرة وناسية كل شي من طفولتي الا هالحادثة اللي عقدتني وكرهتني بنفسي وبالحياة كان يتحرش فيني يمكن 3مرات .. ومرة كان يكذب علينا ويحاول يلاعبنا أنا وأختي من ابوي كبري بالعمر اللي تصير اختة من أمة وأبوة
كان يسكر أبواب الصالة ويحاول يلحقنا الكلب ولما نجلس يدخل صبعة فيني بقوة والله العظيم ماني قادرة أنسى الموقف وأنا اتألم بس ساكتة آه يالقهر ليتني تكلمت .. ومرة ثانية وأنا نايمة وكنا برمضان وأمي وقت السحور كانت تحت تصلح وكنت نايمة مع أخواني ماصحيت الا بالالم الا مدخل صبعه فيني بقوة حسبي الله علية حسبي الله علية يارب تريني فية عجائب قدرتك يارب هو تقوى علي فأرني قوتك عليه ..
ولما نروح لخوالي كان فية واحد من عيال خوالي أوصخ منه وتعدى علي بعد
حسبي الله عليهم كرهوني بحياتي مادري ليش أنا من بد كل هالبنات اللي حولي كرهت نفسي وكرهت الحياة ..
لما جيت المتوسط عرفت أن البنت فيها غشاء بكارة وهالسوالف هذي هنا بدت حياتي تدهور وبديت أعيش المأساة والقلق النفسي والأرق والسهر والصياح ولاأحد يدري ..
طبعآ نقلنا فبيت لحالنا وانا بالمتوسط لما دري أبوي أنه تعدى على اخوي الصغير زعل وضربة وصارت مشكلة وجلست أمي تصيح أنا هنا تجمدت حسبت قلبي يوقف من الخوف نقلنا على طول لبيت لحالنا وتحمل أبوي هم الدين .
بدت حياتي المأساوية .. والله العظيم ياخوات اني عشت بقلق مايعلمة الا الله
لدرجة أن الشيب طلع بشعري من كثر التفكير وقلة النوم عيوني دايمآ هالات سوداء ليومكم هذا
تعبت مرة ولحد يدري وأمي طبعآ مستحيل أقولها مادري وشلون تتفهم لأنه طبعها طبع جاهلي نفس حريم اول ولاعندي خوات ..والله العظيم أني مرة تعبانه وصار فيني القولون العصبي ..
مادري وشلون أحل مشكلتي
وصرت بس أبحث بالمواضيع حول غشاء البكارة وشكل الفرج ..
كرهت الرجال صرت مانام عدل ودايم تعبانة
أنعزلت صرت ماأطلع أبد الا قلييييل ولاأحضر زواجات .
مع العلم أني ولله الحمد بشكل عام حلوة .. أنا ماأحب نفسي ولاأحب أحد يمدحني ولاأشوف نفسي حلوة كل ماوقفت قدام المراية تذكرت الماضي وجلست أصيح .. بس بنات خوالي وخالاتي وصديقاتي دايم يمدحوني ..
والمشكلة الاكبر ان امي ماعلمتني أنه البنت لازم تنتبة لنفسها ولاعلمتني وش علامات البلوغ كذا الله علمني .. الا يوم جتني الدورة قلت له قالت عادي كل البنات كذا وراحت وشرت لي فوط .. حتى ماقالت لي وش آكل ووش ماآكل والمفروض ماأركض ولاأنط لااشيل شي ثقيل ..
مع أنه جابت طفل منغولي لما كنت بأول أبتدائي يعني وعمري 6 سنين وتعلقت فية مرة مرة الحين وأنا جالسة أكتب هو بجنبي يحبني كثير ياعمري هو واانا أموت فيه طبعآ اهلي ماأهتمو فية مو أمي لا أبوي الله يهدية ماوداة ولا شي
الحين عمره 18 بس جسمة جسم صغير جسم ولد برابع أو خامس أبتدائي بس ثقيل شوي كنت أشيلة وأغسلة وأوكلة وينام عندي ليومكم هذا وحتى لما تجيني الدورة أشيلة واغير له بس الشكوى لله لو يقدر ماكان خلى احد يشوف عورتة ويوكلة ويغسلة يارب تكتب لي الاجر وتشفيه وتشفي مرضى المسلمين ..
......................
مشكلتي غشاء بكارتي ..
الحين ياخوات بعد ماقريتن قصتي ويشهد الله علي مازليت ولابحرف ..
عندي كم أستفسار
اتمنى أتمنى وأطلبكن وتكفن أنكن تساعدني باللي تقدرن عليه وصفه دعوة أي شي يساعدني
ماأقدر أقول لأمي اي شي وخصوصآ بعد وفاة أخوي وحالتها النفسية مرة تعبانة ..
أنا بعد البحث بالنت واللي فهمتة أنه كل فتاة لها أشفار داخلية وخارجية ..
الأشفار الخارجية الكبيرة اللي عليها شعر المنطقة الحساسة أمانة سامحني عالألفاظ بس معتبرتكن خواتي وكلنا قلوبنا على بعض
والأشفار الداخلية اللي هي اللحم الداخلي اللي فية فتحة المهبل ..صح ولالا؟؟
طيب هل من الطبيعي تكون الأشفار الداخلية طالعة من بين الأشفار الخارجية للفتاة وحتى لو كنت واقفة ؟؟
والأشفار الداخلية هل هي مسكرة تمامآ من فوق وبس فيها فتحة من تحت حقت مخرج البول
ولا مفتوحة الأشفار الداخلية ؟؟
وكيف أعرف أني بكر أو لا ؟؟؟
................................
بالأخير أشكركن الف شكر لأنك قريتن قصتي كاملة .. جعل ربي يرزقكن الفردوس الأعلى من الجنة ويفرح قلوبكن
أتمنى أتمنى أني الاقي الردود المريحة والمطمنة
والله العظيم أني تعبت
واللي أتعبني أكثر
البارح جاعندنا مؤذن مسجدنا ولد شاب طيب ملتزم يشتغل بهيئة الامر بالمعروف والنهي عن المنكر جا يخطبني
تعبت أكثر ورحمتة ودعيت له بالتوفيق ببنت الحلال اللي تسعدة
رجل طيب مو ذنبة يعيش مع وحدة مثلي
وولد عمي يحبني من وأنا صغيرة وخايفة يجي ويخطبني
والله العظيم تعتب وضاقت بي الحياة
مادري وش أسوي ولاأدري وش أقول ..
بس أملي بالله أكبر من كل شي ..
ثم فيكن ..
أنتظركن على احر من الجمر ..

>>>>> ردود الأعضـــــــــــــــــــاء على الموضوع <<<<<
==================================


لآحول ولآقوة إلآ بالله العلي العظيم
وربي حزنت لحالك الله يفرجها عليك وينتقم لك من كل اللي آذوك ويخلي لك امك ويطول بعمرها
بالنسبه لغشاء البكاره لآزم تروحي لدكتوره نساء تكشفين !
طيب ليه ماتروحي لزوجة اخوك المتوفي إذا إنتي تثقي فيها وقوليلها ع اللي صار لك
وهي تساعدك
الله يفرجها عليك ويرزقك بإبن الحلآل اللي يعوضك عن كل شي


__________________________________________________ __________

أسأل الله أن يفرج همك ويبدلك بدل الحزن سعاده وهناء ويرزقك بإبن الحلال اللي يستر عليك ويخاف الله فيكي ، وكلي أمرك لله فهو حسبك


__________________________________________________ __________

ياعمري والله حزنت عليك

الله يخلي لكم الوالده ويرحم اخوك واخوي ويغفر لهم ياارب

والله ينتقم لك من اللي ضروك .. باالنسبه لمشكلتك ياقلبي

انتي تكلمي مع زوجه اخوك وحاولي تروحين معها دكتورة نساء وتكشفين

وان شااء الله ما يصير الا خير

والله يوفقك ويستر يااارب


__________________________________________________ __________

قصتك مأساة
بس ربي يحبك أكيد مع هاللي مريتي فيه اكيد ربي رايد لك الخير
بالنسبة لوصفك للشفرات في المنطقة الحساسة كلها طبيعي جدا وعادي لا تشيلين هم
ودام الوسخين اخوك وولد خالك سووا فيك كذا وما شفتي دم فهذا والله اعلم يدل انك مازلتي بكر
لانهم يستريحون غشاء البكارة ما يفكه الا شيء صلب وطويل ( اعتذر جدا عن الالفاظ ) ان شاء الله اكون صح
اما الألم فهو طبيعي بسبب عضلات المهبل بس الهم الألم مو يعني فظ الغشاء
نصيحتي توكلي على الله ووافقي على العريس وبإذن الله تكونين بنت أما من ناحية المصارحة فخلاص اللي في أمك يكفيها
واكيد ربي راح يستر عليك امام زوجكلن مالك ذنب بهذا كله
وحسبي الله ونعم الوكيل على هالنفوس الوصخة
واخوك وولد خالك بيجييهم يوم ويجيهم بنات وبيشوفون وقتها (( وسيعلم الظالمون ))
ربي يوفقك
...


__________________________________________________ __________

الله يفرج همك حبيبتي والله أني حاسة فيك .لأني عارفة زين قلة التوجيه والحرص عل الصغار والجهال وش يسوي.تلقين البنت تكبر وتاكل بنفسها من كثر الهم والخوف من أشياء حلها بسيط,مجرد سؤال أومشوار لدكتورة مع الام.
بالنسبة لك أنا أقول مادام ماطلع دم لاتخافين ,ترى غشاء البكارة يحتاج لمجهود حتى ....
بعدين أبي اطمنك بقصة وحدة أعرفها شخصيا وعن قرب تعرضت لامر مريب, يوم عمرها تقريبا 13او 14وهو أنها عملت عملية جراحية بتخدير عام وبعد العملية خرج منها دم قليل لاهو دورة ولاشيء كأنها
ملعوب فيها هي قصتها طويلة يوم تزوجت عملت خطة وهي يكون معها ابرة حتى تطلع م من نفسها والله ستر عليها