عنوان الموضوع : ياليتني ماتزوجت...ولا ذقت المراره والذل الطبيب يجيب
مقدم من طرف منتديات نساء الجزائر

ياليتني ماتزوجت...ولا ذقت المراره والذل



مرحبا
انا متزوجه من سنوات زواج تقليدي ..قبل زواجي بليله جات وحده من قرايبنا وقالت للوالده ان زوجي يصير اخوي من الرضاعه وان عقد النكاح باطل لان زمان كنا ساكنين مع اعمامي سوى وانها شافت مرة عمي ترضعني...اتذكر ذيك اليله صار ا نهيار بالبيت امي تبكي وابوي واخواني يهدونها الحمد لله عرفو لسالفه قبل مايصير شيء وانا لما دريت مدري ليش حسيت بفرحه يمكن لان زوجي ماعرف عنه شي غير انه قريبي وولد عمي...وابوي تقريبا اجبرني اوافق عليه واناوافقت عشان ما كسر كلمته...
المهم ابوي اتصل على زوجي واعمامي وحكالهم السالفه وجاو للبيت مع كبار ا لعايله واكدو لبوي ان الموضوع فيه لبس وان اخته بالرضاع بنت عمي بنفس سني واسمائنا متشابهه....وزوجي اصر ان لعقد صحيح
انا لما عرفت جاتني نوبه بكاء وقاموا اهلي يهدوني...مابي اتزوجه وشلون تزوجوني لاخوي مابيه بس كل اللي حولي هاوشوني وسكتوني وقالوا لاتفضحيننا هذا ولد عمك...وتم العرس
وتفاجأت ليلة العرس اني احس بنفور من زوجي ومابين عيوني الا انه اخوي فقط لاغير....صارحته باحساسي بس للاسف ماقدر مشاعري واتهمني بالغباء وان موصاحيه ودلوعه وماتربيت وكلام بشع جدا وما اكتفى بالكلام هاجمني مثل الوحش حسيت بالموت وتخبيت بالحمام وقفلت على نفسي الباب وانا ابكي وما طلعت الا ما نام
ومن بكره راضاني وجاب لي هدية ووعدني انه مايكرر اللي سواه مره ثانيه.... طلبت يوديني بيت اهلي وداني بس جلس معي طول لوقت
وكانوا جداتي موجودين وماقدرت اكلم امي واقولها على للي صار ...
ومن بكره الظهر سافرنا وكان زوجي حنووون جدا معي وعدت الايام والشهور وقلت الحمد لله يمكن اكون ظلمته
مع الايام تعودت عليه وتقبلته كشريك حياتي وصار روتين في حياتي وصار بيننا موده ورحمه صحيح لانخلو من المشاكل اللي تحصل بين اي زوجين بس حياتنا مستقره بشكل عام ...
المشكله وين....ان حد هالوقت يجيني احساس انه اخوي وان زواجنا باطل ...ماقدرت اتخلص من هالاحساس الشنيع....احس بالمراره والذل كل ماقرب مني ...وبمجرد مايخلص اجلس ابكي بصوت واطي ودموعي تملى المخده....مدري ليه يجيني هالاحساس رغم اني متزوجته من سنوات والسالفه ذي صارت في طي النسيان...
لحد هالوقت كل ماطلبني اتحجج واقاوم...لحد هالوقت ما اسلمه نفسي بسهوله....احس انه قاعد يغتصبني برضا كل الي حولي
ياما ترجاني احسن من نفسي واحاول اتجاوب معاه بس ما قدرت...
هددني قبل كم شهر انه بيتزوج علي بس تفاجا لما قلتله بشكل لاشعوري انا موافقه وزعل وكسر الدنيا وطلع من البيت...
قالي ماتوقعت اني رخيص عندك جامليني على الاقل وقولي اني ما استغني عنك وما ابغى احد يشاركني فيك...
لحظتها حسيت اني غلطانه ....بس الغلط مو مني لوحدي من زوجي كمان..ومن كل اللي حولي...ندمت اني تزوجت واغبط كل الي ماتزوجوا من صديقاتي وقريباتي اللي في عمري
وعلى فكره رحت لطبيبه نفسانيه وقالت لي مافيك شي من الناحيه الطبيه والنفسيه
راااااسي بينفجر من التفكير تحملوني اخواتي قلت مشكلتي من باب الفضفضه فقط لاغير يمكن الاقي حل

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممم *.*
لا اللي متزوجة مرتاحة
ولا اللي مب متزوجة مرتاحة
فيه وااااايد زواجات تقليدية ناجحة
هذي كلها وساوس وبتخرب لج بيتج
استغفري الله وحاولي تبدييين صفحة يديدة مع ريلج
موفقة

استغفر الله الذي لا اله الا هو الحي القيوم واتوب اليه


__________________________________________________ __________

صح استغفري ربك
وتعوذي من الشيطان لما يجي زوجك عندك لا تجلسي تذكري شي من الماضي
لانه هذا شيطان يوسوس في صدرك الله يسعد قلبك يارب


__________________________________________________ __________

حبيبتي ...
يمكن المرأة اللي نقلت هالمعلومة نقلته عن جهل
الاخوة ما تصير ابدا إلا بخمس رضعات مشبعات لازم خمس ..
ثانيا : مو ثبت انك بعمر اخته مو بعمره .. والرضاعة لازم تكون في حدود السنتين فقط
ثالثا : امر الرضاعة يأخذ شرعا من المرضعة .. يعني امك او امه هم اللي يحددون هل صار ارضاع او لا .
اخيرا : هذا مجرد وسواس اتركيه لان ابليس يستغل ابسط الثغرات للتفريق بين الزوجين ..
ادعي الله بتفريج همك وان كان هذا زوجك وابن عمك وليس اخوك اسألي الله ان يقرب قلبك منه
وربي يصرف عنك وساوس الشيطان
.


__________________________________________________ __________

حبيبتي
ليه اخذه كلام الحرمه بمحمل الجد يمكن كانت غيرانه
وبتخرب هالزيجه ي كثر الحساد هالايام خاصه لكان عندها بنات
بعدين احمدي ربك ان زوجك حنون وطيب
وماقال بتزوج الا هو يبغى يختبر غلاته عندك
ماكان فيها شي اذا زعلتي وقلتيله اغار لما اشوفك مع غيري


__________________________________________________ __________

الله يهدي اهلك يعني من قله البنات كان بعدوا عن السالفه حتى مايصير شك بس ياله الحين ماينفع الكلام واسمعي نصايح البنات