عنوان الموضوع : انـآ مجروحه ... من تزووجت اختها الصغيره قبلها ؟؟؟ -لصحتك
مقدم من طرف منتديات نساء الجزائر

انـآ مجروحه ... من تزووجت اختها الصغيره قبلها ؟؟؟



مرحبا بنات .... ابي افضفض حااسه اني مكتوومه ومحد حااس فيني والله // انا عمري 28 سنه وماتزوووجت كان يجيني خطااب كثييير بالشهر احيانا 3 مرات انخطب وكان ينتهي الموووضوع بدون سبب او ارفض انا او يرفض العريس وبرضووه بدون سبب للرفض كذا ينتهي من حاله وبعد ماتخرجت من الجامعه صارو قليل اللي يخطبوون وانا جميله جدا جدا وجامعيه ومن قبيله معرووفه اخواتي تزوجوا اللي اكبر واللي اصغر وفي وحده اللحين مخطووبه وزواجها قريب استمريت على الرقيه والاذكار والحمدلله مافيني شئ طبعا انا ماذبحني الا التعليقاات من اختي المخطووبه ومن اخووي الصغير حتى الصغارر صاروا يعلقون داايم اخووي يقوولي انتي محد يبيك انتي مارااح تتزوجين انتي صرتي كبيره خلااص واخرتها قبل امس يقوولي حتى البنقاليه مايبوونك اهلي يفكرووني ماتضاايق من كلامه لانه صغير وانا بموووت من الهم لانه صغير وشااف وضعي فما بالكم بالكبارر وش يقولون واختي المخطووبه الله يسامحها ترمي عليه كلاام بين فتره وفتره مره شاافتني اشتريت اغرااض للبيت لوحات وتحف وقالت لي بإستهزاء وين بتحطينها في بيتك وتضحك عليه انا ماعلقت بس بعد مارااحت بكيت بحررقه ومره كنت اسولف اني ابي اشتري لبس كشخه للعيد قامت قالت لي ليش تشترين ترى محد درى عنك ولا احد بيطالع فيك اهم شئ انا لاني مخطووبه والعيوون عليه يالله يااهذاك اليوم بكيت من القهر ومرره قالت لي انا ربي يحبني ومووفقني والدليل تزووجت وانا لسى صغيره وانتي لسى قصدها انا مو موفقه لاني ماتزوجت وصرت كبيره ومره بزوواج كنا جالسين جنب الممر حق العروسه ووقت الزفه ولعوا النافوره الناريه المهم قامت قالت لي اختي هيه وبنت خالي المتزوجه تعالي واجلسي جنب النافوره انتي قلت انا ليش قالت اختي عشاان انا مخطووبه ومابي يصير فيني شئ او اتشووه خطيبي يبيني ولسى وراايه زواج وبنت خالي قالت وانا متزووجه وزوجي يبيني ارجع له بخير لكن انتي محد ورااك ينتظرك يعني احترق انا عاادي في حريقه لازوج ولا خطيب ينتظرني ااه وقتها تمنيت المووت وغيره كثير من التعليقات والجرح اااه بس الله يسامحها مابي احد يدعي عليها الله يووفقها بس ادعوولي ربي يفرجها عليه طبعاَ نفسيتي تغيرت 180 درجه ماصرت اسولف كثير وصاار اغلب وقتي نووم مابي اصحى وماعاد ابي انزل مع اهلي الاسوااق لانهم جالسين يجهزون اختي امووت بهمي لاشفت فساتين الزفااف واتخيل اليوم اللي بنزل فيه انا واختار فستاني واهلي كل اهتمامهم لاأختي وانا بحريقه محد داري عني احس اني بلا قيمه ووجودي زي عدمه بالبيت صرت مكتئبه بشكل ماتتصوورونه دمعتي على خدي على طوول ماصرت اتحمل اي تعليق شسووي اااه ياربي افرجها عليه وارزقني الزووج الصالح عاجلا غير اجل صرت زي الشغاله بالبيت اشتغل واطبخ وبالاخير يقوولون ماسويتي شئ محد يساعدني ولا احد يدوور عليه امرض محد يسأل فيني ولا عمره احد جاني قالي وش فيك كل واحد لاهي بحياته اخوواني مع زوجاتهم واخواتي مع ازواجهم وانا بالبيت ابي اخرج زيهم ابي اسافر ابي اقضي لبيتي لاأولادي والله نفسي .. اللهم لاحسد الله يهنيهم ولايضرهم يارب بس شئ بداخلي ودي اطلعه وكل مامر يووم احس عمري يزيد سنه واكبر بسرعه زمان وانا صغيره كنت ابي اتزووج عشاان اساافر واتمشى وانبسط بس اللحين ابي اتزووج لاني ابي الستر ومابي كلمة عانس ابي اطفال لاني اعشقهم فووق ماتتصوورون نفسي في بيت وزووج يقدرني ويكون حنون عليه / مافيني عيب يمنعني من الزوواج حتى الرقيه استمريت عليها وقالو لي مافيك شئ الحمدلله وحتى بالمناسباات لما النااس يشووفوني عينهم علي وكثير يجون يبون رقمنا عشاان يخطبوون بس ماايتم ياارب لك الحمدوالشكر اللهم لا اعتراااض ابي دعواتكم ربي يفرجها عليه ويسترني وبنات المسلمين يارب زوواجي يكون هالسنه يااااارب ياااارب ..والله قلبي معد يتحمل تجريح ومن اقرب الناس بعد / آسفه على الاطاله والله فيه كلاام كثير بس اختصرت ابي افضفض وارتااح شووي

>>>>> ردود الأعضـــــــــــــــــــاء على الموضوع <<<<<
==================================


ياختي ماعليك منها لكن عليك بي الدعاء والاستغفار
والحين كثير الصغيرة تتزوج قبل الكبيرة وانتي لساعك صغيرة انشاء الله نصيبك جايك


__________________________________________________ __________

لساتك صغيره
لا تهتمي بالتعليقات كثير
حبجيك نصيبك ان شاء الله زي ما جا لاختك


__________________________________________________ __________

والله ان دمعتي انزلت من كلامك واتاثرت كثيرواعرف وحده نفس قصتك ماتحس بشي لكن دعت ربه الي ماتنام عينه يبين له برؤياوش تعاني منه بالضبط واكتشفت انه مسحوره بالنسبه لاختك الله يهديه بس لازم ماتشتغلين اذاماعندك ام خلاص لاتشتغلين لان الي تعود ياخذمايعطي واختك هذي اذاشفتيهاقولي اللهم اكفنيهابماشئت سبحانك الله يرزقك بالزوج الصالح اقراي موضوعي الي بالازرق وطبقيه وثقي باالله انه ارحم بك من امك لكن نحن في دارابتلاء اقراي سورة البقره


__________________________________________________ __________

والله كسرتي خاطري الله يرزقك الزوج الصالح اقسم بالله حسيت فيك
صارلي موقف قريب من موقفك انا ولله الحمد جميله بشهادة الكل وانا الوحيده بخواتي واقاربي الخطاب من وانا صغيره باولى ثانوي يبوني ومن بعيد ومن قريب بس في مره مانسيتها قالت اختي الكبيره انا تزوجت وكنت اصغر منك كان عمري 20(كنت مملكه وبتزوج) وهي لما تزوجت كان عمرها 19 وقالت حتى اختي الصغيره بتتزوج وكان عمرها 18 تزوجت (تزوجت بعدي) الا انتي طولتي انا بهذيك الفتره حقدت عليها وجلست ابكي شوفي الحين لي سنتين والله مانسيت كلامها بس تبين ربي يسهل امورك لاني انا كنت انخطب كثير بس مايتم بس اقسم بالله في قناة المجد كنت اتابع الشات وكانو الحريم يقولن الاستغفار وسورة البقره داومو عليها والذي لااله غيره استمريت على الاستغفار 3 اشهر وقراءة سورة البقره بنية الزواج وبنيه ان ربي يكفر علي ذنوبي ويستجيب دعائي بعدها انخطبت على طول وتزوجت والحمدلله انتي استغفري كثير قبل لاتنامين بالذات والله يرزقك يارب


__________________________________________________ __________

الله يرزقك لا تشيلين هم يالغالية والله العظيم اعرف بنات كثير تزوجوا اخواتهم الصغار قبلهم وربي رزقهم بازواج افضل من اخواتهم الصغار مليون مرة من جميع النواحي
انا بقولك تجربتي مرت بظروف لايعلم بها الا الله ولكن علقت املي بالله وكلما زادت الهموم التجت اليه وادعي وحافظت على قراءة سورة البقرة يوميا واقوم الليل ادعي وما احد يدري عن النار اللي بقلبي غيرالله ولكن كان يقيني بالله ماعدت اسال وش يصير ولا اهتم بس وثقت بالله وكنت اقول لو اجلس العمر كله ادعي يكفيني شرف الوقوف بباب الكريم والله والله اني تزوجت واحد لا يخطر على البال ومن اكبر العوائل واجمل الوظائف واني كنت مستغربة كيف جاء لكنه وعد الله الذي لايخلف الميعاد (أدعوني استجب لكم)وكمان اعطيك معلومة اذا جيتي تدعين بعد الحمد والصلاة على الرسول اقرئي الفاتحة بعدين ادعي واذا خلصتي اقرئها كمان لانها من اسباب استجابة الدعاء والله اعلم
استغفري اقرئي القران وتعلقي بالله وحده والله الذي لااله غيره ان تفرج من عند الله عليك فهو قال وقوله الحق ومن اصدق من الله قيلا لو ايقنتي بوعده اقسم لك بالله مالك الا الرضى وهو الذي قال انا عند حسن ظن عبدي بي فليظن بي ماشاء -فخلي يقينك بالله انه بيزوجك ويسعدك وابشري بالزواج والفرج الله يرزقك بالزواج والذرية والسعادة الدائمة واما اختك فراح اكدلك انها بتندم على هذا الكلام كما تدين تدان ولا تغرها الدنيا واللي أعطاها قادر يعطيك هي ماسوت شي بنفسها كلها من عند الله الزواج والتوفيق مالها فضل الفضل لله وبيجيك مثل ماجاها