عنوان الموضوع : آآآه امي سنين وهي تضربني بلي(انبوب) الاسطوانه الطبيب يجيب
مقدم من طرف منتديات نساء الجزائر

آآآه امي سنين وهي تضربني بلي(انبوب) الاسطوانه



السلام عليكم
انا فتاه عمري 22 سنه تزوجت قبل 3 سنين وعندي طفلين والحمدلله
مشكلتي اني كنت قبل الزواج عايشه ببيت اقسم بالله العظيم كاننا بهايم من الضرب والشك والفراغ العاطفي(وكانو البنات معجبين فيني وكنت اموت فيهم لحد مانخطبت والحمدلله ربي بعدني عنهم) في مواقف كثيره صارت لي منها ان امي ايام المتوسط كانت تسئل عني في المدرسه ويشتكون عليها ويقولون بنتك مشاغبه وقليلة ادب ترد علينا وكانو يكذبون بس الله لا يسامحهم المهم كانت المدرسه تبعدعن البيت تقريبا 10 دقايق كنت اروح البيت مشي في عز الظهر والدنيا حر امي كانت تسئل عني تقريبا كل شهر تخيلو اوصل البيت هلكانه طفله بعمر 13 و14 و15 على مدار ايام المتوسط اقسم بالله مانسى كنت ادعي الله وانا امشي ان سياره تصدمني قبل لا اوصل البيت تخيلو يابنات اوصل البيت الاقي امي مستقبلتني( بلي الاسطوانه )ويعلم الله تضربني كاني جماد تضربني بكل قوتها ويشهد الله انها كانت تطلع فوق راسي وتركلني على راسيوترتحني برجلها في راسي وتضربني بلي الاسطوانه في كل جسمي واقسم بالله ان جسمي يصير كله منفوخ وملون ازرق واخضر وعودي والله مانسى كانو اخواتي وحده كانت في الابتدائي وحده بالثنوي عند الباب يبكون عليه ويترجون امي تفكني والله يابنات كانت تضربني قرابه الساعه ضرب متواصل لدرجه هي تتعب وانا خلاص انهار من الضرب وبعد ماتخلص من ضربي تاخذ اللي حق الاسطوانه تروح تركبه وتسوي غداء لابوي وانا اجلس بالساعات ما اقدر انسدح لان جسمي كله منفخ ومتورم يابنات ماتتخيلون في كل مكان بس مرات يغلبني النوم وانام واليوم الثاني اروح المدرسه والله يابنات كنت اجلس على عبايتس احطها على الكرسي واجلس ومره وانا ثالث متوسط ما قدرت اجلس على الكرسي وكنت اكذب على الابلات اقول ماحليت ع شان يوقفوني وهذاك اليوم جلست واقفه من الحصه الاولى لحد الاخيره المشكله يابنات امي الحين تعدلت بعد زواجي وصارت والله طيبه وتخاف علي وتحب عيالي مره بس انا مو قادره انسى تفهون كيف مو قادره انسى ترى حتى ايام الثنوي وانا في الكليه كانت تضربني بالسلك وبالتوصيله ويصير ورم في جسمي بس اللي مو قادره انساه اللي حق الاسطوانه انا الحين اكتب وابكي حتى عيالي يناضروني الله يخليهم لي يارب بس يابنات موقادره اتحمل اذا ىشفت عن العنف الاسري اقعد ابكي ومراتاحس لما اتذكر امي يجيني شعور مو حلو

المهم انا الحين مرات اكون شديده على عيالي والله اطفال بس يوم اظربهم على ظول اندم واسلم عليهم واقول بنفسي لا مستحيل اضربهم واقعد شوي كذا واذا رففعو ضغطي اضربهم انا ماعندي حنان لعيالي احس اني اتصنعه مرات بالذات قدام الناس ومرات بلحالي
ساعدوني الله يسعدك ولاتدعون على امي

>>>>> ردود الأعضـــــــــــــــــــاء على الموضوع <<<<<
==================================


حبيبتي
انتي ماذكرتي على ايش كانت تضرب امك!!
ايش اسبابها
ترى فيه امهات حنونات بقوه بس لما يسمعوا كلام عن اولادهم من المدرسه او من الناس يكونوا مندفعات ويضربونهم بدون مايتأكدون اذا الكلام صح ولا غلط

الحاجه الثانيه اطفالك مالهم ذنب بماضيك وبالعذاب اللي تعذبتيه
والمفروض انتي اكثر وحده تكوني عارفه ايش معناة ام تضرب ابنها ويتألم ومايدر يتكلم

وربي انا حاسه فيك
لكن امك تبقى امك وعفى الله عما سلف
وانتي الحين متزوجه وعندك اطفال ربي يخليهم لك
وعلى كلامك امك تحسنت وصارت طيبه معك
يعني خلاص انتي بعد جاري هالشي معها مو بتصنع ولا خوف منها
بس لانها امك

وربي لو امي تضربني كل يوم لو بدون سبب
وربي اني لااحطها تاج على راسي
لان مهما سويت مااعطيها ربع اللي تعبته عشاني


__________________________________________________ __________

عيشي حياتك وانسى الماضي


__________________________________________________ __________

خلاص هذا ماضي وانتهى
وهذي أمك مهما سوت فيك
بري فيها واهتمي بها ولاتذكرينها بالماضي
هذي أمك لازم تسامحينها وتنسين كل اللي صار
صدقيني الدنيا ماتسوى أن الواحد يضيق صدره
ويفكر على أشياء ماضيه,وهذا كله من الشيطان
يخليك تفكرين وتفكرين عشان يفرق بينك وبين أمك

وبعدين عيالك أطفال صغار مايقدرون
يدافعون عن أنفسهم ولاحول لهم ولا قوة الا الله
خليك حنونه معهم وادعي ربك يسخرك لهم ولأمك

**


__________________________________________________ __________

يمكن كانت جاهله وتحسب التربيه بالضرب
وربنا يتوب عليها
انسي وعيشي يومك واهتمي باطفالك


__________________________________________________ __________

حبيبتي الله يسامح امك علي عملتوا فيكي !! المهم انسي الماضي وعيشي يومك انتي شايفة كيف امك متحسنة معاملتها وبتحب اطفالك فا خلص ماتفكري في الي راح انسيييييي حبيبتي
اما بالنسبة لاطفالك لاتضربيهم ابدا اخر وسيلة الرب في طرق كتيييرة بتقدري تربي اطفالك فيها غير الرب ومستحيل تكوني متصنعة في حنانك مع اطفالك يعني انتي ام فا اكيد بتحبيهم ضلك معهم واتقربي منهم وما تفكري في اي تفكير تاني وربنا يوفقك حبيبتي