عنوان الموضوع : الله يوفئكم انشروا موضوعي والكل يقرأ ئصتي مع انها طويلة بس والله فيها عبرة -لصحتك
مقدم من طرف منتديات نساء الجزائر

الله يوفئكم انشروا موضوعي والكل يقرأ ئصتي مع انها طويلة بس والله فيها عبرة



السلام عليكم ورحمة الله وبركاته
اممممممممم موضوعي رح احكي فيه عن ئصتي ومشكلتي وبجوز الائي حدا يساعدني

ئصتي طويلة كتيرة بس سدئوني فيها عبرة ولكل وحدة بتقرأها وبتقدم لو حتى دعوة مخلصة الها الاجر والثواب ان شاء الله...لاني والله من اكتر الناس هما وضيقا وحزنا...وربي يفرج همها اللي بتقرا موضوعي كلو
اول اشي رح احكي عن السبب اللي خلاني أعرض مشكلتي عليكم ..
امممممممم من فترة ....وبالاصح من بداية الامتحانات النهائية صار معي اشي غريب
اصحيت من النوم بعد صلاة المغرب والحمد لله صليت وأكلت ...وفجأة ما بعرف شو صرلي ...حسيت ألبي رح يوئف وخايفة ومرعوبة ونفسي ابكي واصيح بأعلى صوت واحكي للناس اللي حوليي من شان الله ساعدوني ....خلصوني من اللي انا فيه ....حسيت انو لازم اعمل شي...لازم ارتاح....حطيت على قران بس ما اهديت...رحت صرت اقرأ قران على شان اهدى شوي بس ع الفاضي ..ما ائدرت اتحمل..رحت عند اختي وصرت ابكي حكتلها من شان الله ناديلي ماما ..اجت ماما وصارت تحضن فيي وشربتني مي وصارت تقرأ علي قرآن ...وضليتني جنبها...خايفة ائوم من عندها ....المهم صار وئت النوم ورحت ع غرفتي على شان انام...وحطيت على قران ونفسي ابكي بس ما بدي اخوف ماما عليّ..ومع هيك ما ئدرت ...صحيت اختي علي ونادت ماما واخدوني ع المشفى بنص الليل ..وعملولي شوية فحوصات بس ما طلع معي اشي ..ارجعت ع البيت ونمت وتاني يوم كان الجمعة صرت اقرأ بسورة الكهف ...ودموعي متل المطر تنزل على القران ..شافتني ماما وحضنتني ..صرت احكيلها ماما من شان الله طلعوني من البيت ..خلوني اروح على أي محل ..ما بدي أضل في البيت ...اتصلت ماما على خالو على شان ييجي ياخدني....والله بجوز بساعة وحدة بكيت فيها عن مية سنة ...المهم رحت عند دار سيدو وفتت على الغرفة لحالي وصرت ابكي وصاروا الكل يحكوا معي ويهدوا فيي ...وصاروا يضحكوني على شان انسى شوي وكنت اضحك معهم بس جواتي نااااااااار بتحرىء فيي وضليت على هالخوف والعياط لتالت يوم ..ما بعرف من شو خايفة بس ع الاغلب اني خايفة من الموت ....حاولت التهي شوي بدراستي وفعلا التهيت شوي بس كنت اخاف اضل لحالي وكنت اخاف اصفن مع حالي...كنت اضل ملتهية بالدراسة بس ...ولهلا والله ألبي حاسستو بدو يوئف...الخوف اللي فيي رح يدبحني...

ما بعرف بجوز اللي انا فيه والخوف والحزن سببو المعاصي اللي صرت اعملها وصارت تزيد كل يوم ويوم ويووووووووم

يا صبايا انا كنت من احسن البنات دينا واخلاقا والله الكل كان يتمنى يكون متلي...سدئوني ييجي ناس عند ماما يحكولها ياريت بنتي تسير متل بنتك...ما كنت احضر مسلسل ولا اغنية ولا اي اشي ..كل وئتي كان محاضرات دينية واناشيد اسلامية واشتركت بدورة تحفيظ قران ..والبست الحجاب بكيييير وشجعت صاحباتي واختي ولبسوا معي ...بس اجا شيطان عنا ع البيت ..غيرلي حياتي..بعدني عن ربي وعن اهلي وعن الناس المناح...التهيت بالدنيا ...وانسيت الاخرة
شيطان لعين ....ئصدي(النت)واعوانه....اول حكايتي مع النت كان كلها برامج ومحاضرات دينية وبعدين صرت اتعرف عليه شوي شوي واتعرفت على صاحبات(حسبي الله عليهم)حسبي الله على كل من طغى وتجبر.....عرفوني على شباب وصار كل وئتي نت ودردشة مع الجنس الاخر...وبعدين وصلت الشغلة للجوالات وللصور....ورب العزة كنت اضل ع النت وخصوصا ايام العطل ما لا يقل عن 10 ساعات وكلو دردشة....الصلاة كنت اصليها ئبل موعد الصلاة التانية بخمس دئايىء ومرات تروح علي...وطول الوئت على الاغاني وبعدين انتئلت للفيديوهات والصور الاباحية .....طبعا لا تسألوا عن رضا ماما....والله كل يوم كانت ماما تحكيلي الله لا يسامحك...كل يوم ماما كانت تبكي بسببي...كل يوم كنت ارفع صوتي عليها وازعلها..وبخصوص لبسي..صار على الموديل وئصير كتييييييييييييييير ولزىء ....ودورتي القران صرت بالمناسبات السعيدة لحتى اروح عليها.ولما اكون بالشارع مع هدول الصاحبات..سدئوني ضحكنا يوصل لاخر الدنيا..طبعا وتراجعت بدراستي..الكل لاحظ علي..صاروا يئولوا وين (فلانة)الئديمة؟؟؟...وينها اللي كانت تحفظ قران وما تسمع ولا اغنية وما تحضر ولا مسلسل؟؟؟....
يا جماعة ...ورب العزة الكل يسمع كلامي...والله ما بحكي هالحكي الا لاني ما بدي حدا يسير فيه متلي
بترجاكم اللي عندها اخ اخت ابن بنت بتئدر تتحكم فيه لا تخليه يتعامل مع النت الا مع رقابة شديدة ...لا تئولي ابني ولا اخوي واعي وبفهم ولا تخلي ثقتك عمياء فيه ..وئصتي اكبر دليل..والله ماما دائما كانت تئول الحمد لله ثقتي ببنتي عمياء....وشوفوا انا شو اعملت بهالثقة...والله يا جماعة النت شيطان .....واللي بستعملو بسير متلو شيطان..بسير وحش...بسير انسان غريب صعب انك تفهميه...سدئوني بحكي من ئلب وحدة حابة تنشر الخير ...حابة تحمي لو شخص واحد من الاشي اللي وصلتلو


المهم صرت مرحلة ثانوية وحسيت انو لازم ارجع زي ئبل....واول شي اعملتوا.....تركت هالبنتين اللي دمروني ...اللي كنت دائما اتخانىء مع ماما بسببهم..كانت اضل تحكيلي ابعدي عنهم...هن اللي غيروكي....انا ما ارتحتلهم..وانا اسير اصيح عليها واحكيلها هدول صاحباتي وما حدا يدخل فيي ...وتاني اشي تركت النت تئريبا..يعني صرت ع الخفيف استعملو والحمد لله بأشياء منيحة...طبعا بطلت اسمع اغاني وكل وئتي اناشيد وقران...وبخصوص لبسي الحمد لله صار احسن وقررت على الصيفية ان شاء الله ازا ضليتني عايشة البس عباي...مع اني مستصعبة من الموضوع وحابة الائي حدا يشجعني بس لازم البس ...وماما صرت احترمها كتيييييييييير واعمل كل شي بيرضيها ...بس مع هيك خايفة ...خايفة من الموت ..خايفة من يوم القيامة..خايفة من ربي...كل يوم بسأل حالي لما اموت كيف رح اوئف بوجه ربي؟؟شو رح احكيلو؟؟؟طيب لما امشي ع الصراط المستقيم شو مصيري؟؟؟
طبعا اخر مشكلة ضلتها بحياتي وصعبة اني احلها ....هو الشب اللي حبيتو من كل ألبي وهو كمان حبني من كل ألبو ....انا بالنسبة لحبي مو مشكلة ...مستعدة اضحي فيه ....بدي اتركو...بس للاسف الشب اللي بحبني حاول الانتحار...ما بدي اكون سبب بموت شخص...كيف بدي احكيلو كل واحد من طريىء؟؟؟وبنفس الوئت كيف بدي اضل ماشية بالحرام ل7 سنين....لانو الشب بدو 7 سنين لحتى يئدر يأمن حالو وييجي يخطبني..طيب معئول رح اضل عايشة ل7 سنين؟؟؟


انا اللي خايفة منو الموت ..لدرجة اني مرة اسمعىت انو الاناس بحس انو بدو يموت ئبل 40 يوم...سدئوني آعدة بعد بال40 يوم ....واشوف كم ضايلي بهالدنيا....بس انا خايفة اواجه ربي....وحياة الله بكتبلكم ودموعي بتنزل.....احكولي معئول ربنا رح يسامحني....ما بدي اكون بالنار..ما بدي اتعزب بالقبر...والله ما بدي الا رضا ربنا والجنة ...شو اعمل؟؟؟كيف اتخلص من الوسواس اللي انا فيه؟؟كيف الجأ لربي واراضيه؟؟كيف ابعد عن الحرام؟؟؟كيف اتخلص من الشخص اللي مش راح ائدر احكيلو كل واحد منا بطريىء...بترجاكم ادعولي وساعدوني..احكولي شو اعمل؟؟..انصحوني ربي يسعدكم...انا عبدة فقيرة تاهت بيوم من الايام بهالدنيا الفانية بس ندمت ...ندمت ندم لا ئبلوا ندم ولا بعدو....انا العبدة اللي ما بتعرف شو رح يكون مصيرها يوم الفيامة؟؟بترجاكم ادعولي الله يهونها علي..ادعولي بالهداية...ادعولي اللي يفرج همي ويشرح صدري وينورلي طريئي..ادعولي اكون من عباد الله الصالحين...ادعولي الله يسهلها على بالقبر ويسهلها على ع الصراط المستقيم...ادعولي الله يجمعني مع الرسول بالجنة ...حلفتكم بأغلى شي عندكم ...كل ما تصلوا وخصوصا عند الفجر وقيام الليل انكم تدعولي انو الله يسامحني ويغفرلي وينورلي طريئي..
سامحوني لاني طولت عليكم

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله
بسيطة ياحبيبتي مشكلتك سهلة
اذا انت تبتي ليه خايفة ماتعرفي ان الله تواب رحيم
والموت علينا حق وكلنا راح نموت وياليت الواحد منا يعرف متى يموت حتى يستعد للموت
ومين قالك ان اللي يموت يعرف قبل يموت ب40 يوم
واذاعلى الشاب اللي تحبيه بسيطة خليه يتقدملك ويملك عليك وبعد 7 سنين تزوجوا
هونيها تهون كبريها تكبر صغريها تصغر
ولا تقنطي من رحمة الله ولا تيأسي
المهم خلي ثقتك بالله كبيرة وراح يصيرلك كل اللي تتمنيه دنيا واخرة
الله يفرج عنك همك ويغفر لك ذنبك ويتجاوز عنك خطاياك
ولاتنسي قيام الليل والدعاء وكثرة الاستغفار والمواظبة على السنن الرواتب والقران وسورة الملك لانها تنجي من عذاب القبر هذا حسب علمي

وهدي من روعك وارتاحي ربك كبير ولاينسى احد

مووووفقة


__________________________________________________ __________

الله يفرج مك


__________________________________________________ __________

الله يسعدكم يا صبايا ...بس بالنسبة ل(بسمة الحياة)والله يا اختي عنا الحياة صعبة كتير ..طبعا انا من فلسطين.....اول شي الخطبة مش اي شب بيئدر يأمنها عنا .....يعني زيها زي الجيزة بفلسطين..والشب بيئعد سنين لحتى بس يأمن تكاليف الخطبة ....وتاني اشي الوضع عنا ما بيسمح انو العريس بئعد 7 سنين وهو خاطب ...يعني اكتر اشي لازم سنة وبعدين زواج على طول...وتالت شي اهلي متشددين كتيييييييييير..وما رح يتفهموا الوضع ..مستحيل ائدر احكيلهم اني بعرف شب بس مو آدر يأمن حالو الا لبعد 7 سنين ....
بالكم ربنا رح يسامحني لاني انا حابة احمي حياة شخص ممكن يدخل بالحرام ويفكر بالانتحار...ولا مو مشكلة ينتحر ولا لاااء المهم لازم ابعد عنو ؟؟؟


__________________________________________________ __________

وعليكم السلام
أهلين ومرحبتين باختنا الغالية ..
أول أشي الله يتمم الك الدين والطاعة .. من فيه منا مابيخطي أحكيلي بالله عليكي .. بس الله سبحانة بيئول خير الخطائين التوابين
وأبليس لما حلف لله أنه يغوينا ويكون سبب لدخولنا النار وضلالتنا بالدنيا
الله شوآل ؟؟ آل وعزتي وجلالي لأغفرن لهم مادامو يستغفرونني
..
بعدين والله كلنا بنخطي ونتوب ونرجع نخطي ونتوب بس يارب توفناعلى الأسلام
وبعدين أحنا أموات أولاد اموات .. والموت لابد منه سواء هلأ او بعدين ..
والخوف اللي فيكي من الشيطان ..
وأنتي الحمدلله تبتي لربك والله يقبل التوبة ويغفر الدنب ..
من قال سبحان الله وبحمد سبحان الله العظيم في يوم مئة مرة حطت خطاياة وأن كانت مثل زبد البحر .. شوفي شوفي رحمة الله فينا هاي الكل بيئولها يعين ب5 دقائق وأقل ربك بيغفرلك جميع الدنوب ..
وغيرة وغيرة أشياء بسيطة بتدخلنا جنات النعيم ..
يكفي أننا على دين الاسلام وملة أبينا أبراهيم ..من قال لاالة الا الله دخل الجنة ..
وربك بيحبك ياللي خلاكي تندمي وتتوبي غيرك لحد هلأ بضلالته والعياذ بالله ..
واحمدي ربك أنه أنجاك ..
والموت أنتي بتعرفي وكلنا بنعرف أننا راح نموت ,. ونسأل الله أن يثبتنا عند الموت بلاالة الا الله وينجينا من عذاب القبر ويجعلنا ممن يعبر الصراط بآمان وسلام ..
أقرأي سورة الملك كل ليلة بتنجيك من عذاب القبر .. وسورة الكهف بتنور قبرك هه شوفي الحمدلله كم شغله ضمناها من ربنا .. وربي وعده الحق مو بتئولي لو عملتها ماراح يقبلها لااا أحسني الظن بالله ..
والله بيئول أدعوني أستجب لكم ..
أن شاء الله تطمنتي ..
وبالنسبة للي بيحبك أول أشي صلي صلاة أستخارة وشوفي ربي شو بيكتب الك ..
ولو هو صاحب دين وطاعة ماحاول الانتحار أسأل الله أن يهديه ولايعلق قلبة الا بطاعة الله ..
حاولي تفهمية وشو صار معك وأنك تبتي وتحكيلة القصة كاملة وأن شاء الله بيتقبل ولوبيحبك راح ينتظر ويشد على نفسة بالشغل ويتقدملك ..
أن شاء الله أكون أفدتك لو بالشي البسيط
وفي الاخير أسأل الله لي ولكي وللمسلمين والمسلمات الهدى والتقى والصلاح والعفاف والغنى وأسألة سبحانة أن يجعل الحياة زيادة لنا في كل خير والموت راحة لنا من كل شر .. وأن يجعل ملتقانا في جنة عرضها السموات والارض مع الانبياء والابرار والصالحين ..
وأن يكفينا شر الفتن ماظهر منها وما بطن ..
هذا والله أعلم
سبحانك الله وبحمدك أشهد أن لااله الا أنت أستغفرك وأتوب اليك


__________________________________________________ __________

نفس حالتي انتي لذلك بقولك
اتركي الشاب انا حبيت واحد بجنون لما جيت اتركها حاول كثير الانتحار ومع ذلك تركته والحمدلله عايش مافيه انسان بيخاف على نفسه اكثر منه
انتي وش ينفعك هالشاب مراح يمشي معك على الصراط المستقيم
وكيف تزعل يامك لاجله

اسالك بالله مو حياتك القديمه احلا بكثير من هالحياة الكئيبه
يلا انا وانتي نرجع للصواب ونخلي كل الحرام
انا لي شهرين تركت هالشاب والحمدلله
وعايشه مع القران الله يتم علي ويعوضني بكل خير ويعوضك بزوج يحطك بعيونه

حبيبتي الحياة مع الله اجمل اجمل اجمل
صحيح الحب شي جميل اذا كان صادق لكن الله اغلا واجمل
ولله المثل الاعلى

الله يثبتني ويصبر قلبي

ويثبتك
واللي تعيشه وسواس موت لاتخليه يسيطر عليك بس حلو انه انقذك من معاصيك

اشكرك على موعظتك

ولو نزلتيها باللهجة الفصحا لكن لها انتشار