عنوان الموضوع : زوجي .... كــذاب !!!! -لصحتك
مقدم من طرف منتديات نساء الجزائر

زوجي .... كــذاب !!!!



السلام عليكم ...
اخواتي ... ما احب أطول عليكم ... يمكن المكتوب باين من عنوانه ..

منذ ان تزوجت وانا امس التناقضات في كلام زوجي ... وشوي شوي
اكتشفت انه انسان كثير الكذب برغم سنه ... لكنه لا يتورع عن قذف الاعذار الواهيه و الاكاذيب على الفاضي والمليان .. حتى صار يطلب مني الكذب في الاعذار وما شابه .. اوقات استحي اني اصارحه .. وبديت امل من تصرفاته وكثر كذبه ... وصار هاجسي لما انجب كيف اربي اولادي ووالدهم ... كذاااب ؟؟؟!!!!

>>>>> ردود الأعضـــــــــــــــــــاء على الموضوع <<<<<
==================================


عزيزتي ..
تقدرين انتي تغيرين طبع زوجك
يعني مو من خطوة وحده تريديه يترك هالصفة الي ملازمته يمكن من سنوات
يعني لما تقعدي معاه كلميه انج ماتحبين هالشي
وان الله ما يحب الكذاب وانه يعاقبه باشياء ثانية
حاولي تصلين لتفكيرة شوي شوي
وان شاء الله يتغير


__________________________________________________ __________

حبيبتي
صحيح تكون المواجهه صعبه
لكن قد تضغط عليك الايام تنطقي
بالالفاظ قد تودي الى انفصالكم(لاسمح الله)
يعني كوني انتي وياه في جلسة مصارحه
مافيه شي لو تفتحين قلبك وتقولينه على اللي بداخلك
قولي بأ سلوب حلو وكلمات حلوه
وفاتحيه قولي له
انا احبك واكتشفت فيك اشياء مو حلوه
بس انا ادري انك تقدر تغيرها
انك تكذب علي عادي قول لي الحقيقه
مافيها شي
وحاولي تجيبي كلام معاها
والله يهديه يالغلا

تقبلي مروري
البسيط
مررت من هنا
قموره


__________________________________________________ __________

الله يصلح زوجك ويهديه يارب لكي ولاهله


__________________________________________________ __________

لا تغلطي عزيزتي فالصمت يهدد حياتك ِ مستقبلا ً

ابدأي بالصراحة في حياتك

ولا تتركي التجاهل او التناسي يقتل ويدمر علاقتك مع زوجك


الكذب صفة قبيحة ولكن بنظري من منا لا يكذب وان كانت ما يسمونه كذب ابيض فهو بالتالي كذب

ولكن كثرته قد تفاقم المشكلة

كما يقال " كل شي زاد عن حده انقلب ضده "

قولي لزوجك وصارحيه بالمشكلة

اخبريه انك تنحرجين من نظرات الناس له وعلمهم بكذبه

اخبريه هل تريد لاولادك ان يمارسوا ما تمارسه انت ام يكونو في الافضل<< بالطبع راح يقول لا

وهنا تكون اول خطوة بالاعتراف بالخطأ

وراح تفتح ابواب كثيرة بكلمة " لا" تخليج تسترسلين (تتكلمين بانطلاق)

وعسى الله ان يهديه ويصلحه


__________________________________________________ __________

اختي حاولي انك تجلسي معه جلسه
او مثلن اكذبي عليه كذبه متعمده وشوفي اذا تضايق من الكذبه
قوليله هذا انت اتضايقت من الكذبه كيف انا متحمله كذبك واذا مابدينا بصراحه مراح نفهم على بعض ابدا
وقوليله انا محب الكذب وانا صريحه واحب الصراحه
وانشاءالله الله يبعد الكذب عنه
والله يوفقكم يارب