ساعدوني انصحوني .. كيف اتصرف مع زوجي مجابة
عنوان الموضوع : ساعدوني انصحوني .. كيف اتصرف مع زوجي مجابة
مقدم من طرف منتديات نساء الجزائر
ساعدوني انصحوني .. كيف اتصرف مع زوجي
السلام عليكم اخواتي الكريماات
يمكن مشكلتي بسيطه بنظركم ، بس انا في امس الحاجه للنصيحه حتى اعرف اتصرف صح
تمت الملكه بينا انا وزوجي من فتره تجاوزت السنتين ولسه ما سوينا زفه او دخله
بحكم بعض الظروف القهريه ودراستي الصعبه
الحمدلله زوجي ملتزم ومامقصر معاي بشي
بيطلعني نتمشى بمراكز ومطاعم وعالبحر
وكل مكان ابيه ويجيبلي اي شي اطلبه
غير ان موفرلي الحب والحنان
نجي للمشكله:
انا انسانه حساااااسه بمعنى الكلمه
يعني اذا حد سمعني كلمتين على طول دمعتي على خدي المهم
من اسبوعين واشوف زوجي يرسلي نكت عالموبايل مثل :
نظمت مسابقة**
"جائزة مليون ريال للي عنده **10عيال"
شخص عنده( 9)عيال وقال لزوجته: سمعي أنا زمان غلطت مع وحدة وجبت منها ولد.
الحين بروح أجيبه ونكمل 10 ونأخذ الجائزه؟
راح الزوج يجيب الولد ورجع للبيت مالقى عياله الـ 9
قالها: وين العيال؟!
قالت:الصراحه كل واحد جاه أبوه واخذه
--------------
خليجي ولبناني مضيعين حريمهم
الخليجي للبناني : ايش لابسه حرمتك؟
اللبناني: تنوره بيضه شفافه اصيره
واميص كت وبطنها طالعه
وانت شو لابسه مرتك؟
الخليجي: خليها تنقلع .. احسن ندور حرمتك
----------------
المهم انا خذيت السالفه ضحك وعادي يرسلهم لي لاني زوجته ومتعودين على بعض
بس سالته من وين هالنكت؟ قال زميلي يرسلهم
وسالته انت ترسلهم لحد غيري؟
قال ايوه لاكثر من 30 شخص
وقتها انا تضايقت وحسيت بالغيره غير هاذا
ماتوقعت انه هو مثل باقي شباب هالايام
طول فترة تعارفنا وهو ماعنده هالسوالف
ولا عنده طلعات مع شباب او سهر**
فقلتله ان ماتوقعت انك من هالنوع ، ماتحس ان ماحلوه ترسل هالنكت للشباب ؟
حط نفسك مكاني وانا مكانك
كيف بتحس وقتها؟
من حقي اتضايق انا زوجتك واغار عليك واحبك
رد عليه: انتي على كل شي تتضايقي وتكبري المواضيع وهي ماتستاهل بالاصل
ولاتحنين على راسي
خلاص ماعاد برسل بعد ولاتفتحي الموضوع معاي مره ثانيه
وتصبحي علئ خير بنام عندي دوام
حدي تضايقت وقعدت اصييييح
ماعطاني فرصه اخلص كلامي واشرحله
كنه مو حاس فيني ومااحب حد يقولي انتي ام دمعه وعلى كل شي تبكي
عارفه ان هو وعدني ماعاد يعيدها
بس ابي ابينله ان انا ليش تضايقت
وانا بطبعي اغااار عليه وااايد ومااشوف بالدنيا غيره
ابيكم تنصحوني كيف اتصرف صح!!
لاتقولولي قعدي معاه وتفاهموا
لانه هو عصبي شوي واذا عصب عليه ببكي
غير هاذا مااشوفه الا بالاسبوع مره
يجي يتغدى ويقعد ساعتين ويرووح
لانه سااكن بمنطقه بعيده وعنده دوام
ومشاغل واموره معتفسه شوي
غير هاذا اخاف افتح الموضوع لايفشلني
ويسكر الموضوع ويعصب بوجهي
لانه سواها قبل
يابنات انا احبه واعرف انه يحبني اكثر من حبي له .. بس انا موعارفه اتصرف معاه
حتى احيانا اشك بنفسي اكون مقصره معاه بشي واساله ويقولي لا والله ابدا مومقصره
ولا ايش بيخليه ينجذب لهالنوع من النكت او الرسايل!**
وقت الخلاف هو من النوع الي مايحب يفتح المواضيع ويناقش فيها
كيف اخليه يحس بغلطه ويحس فيني
ويكلمني بوقت الخلاف باسلوب افضل ؟؟؟
>>>>> ردود الأعضـــــــــــــــــــاء على الموضوع <<<<<
==================================
احس ان اسلوبك او سؤالك كانت بصسغة غلط اتحراج معقده نفسيه .....لو يبتيها بطريقة ثانية احسن مثل حبيبي تحس هم يسوون جي بس انا بس انا بكون نفسهم ؟؟؟؟ ....ها اللي اقدر افيدج انا بعدني صغيررررررررره
__________________________________________________ __________
: biggrin23 [1] :: biggrin23 [1] :: biggrin23 [1] :: biggrin23 [1] :هههههه
والله ضحكتيني ذكرتيني بنفسي احنا مانبيهم يسوون شي على اتفه شي نزعل بس احنا لما ننفرد مع البنات عاد شوفي الهوايل ههههههه ياشيخه لاتزعلين عادي وانبسطي والله يوفقك: yaaahoooooooh [1] :
__________________________________________________ __________
السلام عليكم ورحمة الله وبركاته
ياحبيبتي مافهمت كيف تريدين تخليه يحس بغلطه وهو ما عمل اي غلط
وين الغلط بالموضوع؟؟
الغلط انه عنده اصدقاء؟؟
ام الغلط انه يتبادل النكات مع اصدقائه؟؟
ياحبيبتي انتبهي على حالك لايكون يجي يوم ولا سمح الله يطفش الرجل
حبيبتي
اللي عندك هو حب التملك .. وحب التملك هو ليس الحب بعينه
لاتكلميه في الموضوع مره ثانيه وانسي اللي حصل ولا كأنك زعلتي ولا تضايقتي
شفتي ايش حصل؟؟
قال لك مره ثانيه ماعاد ارسل لك نكات .. وبهالحاله انت خسرتي دور الصديقه لزوجك
اكسبي صداقته عزيزتي فالصداقه بين الازواج تعبتر مهمه جدا لديمومة الحياة
دعواتي القلبيه لك غاليتي
__________________________________________________ __________
هو مو غلطان وانتي مكبره الموضوع زياده ..
__________________________________________________ __________
المشاركة الأصلية كتبت بواسطة pakiza 
السلام عليكم ورحمة الله وبركاته
ياحبيبتي مافهمت كيف تريدين تخليه يحس بغلطه وهو ما عمل اي غلط
وين الغلط بالموضوع؟؟
الغلط انه عنده اصدقاء؟؟
ام الغلط انه يتبادل النكات مع اصدقائه؟؟
ياحبيبتي انتبهي على حالك لايكون يجي يوم ولا سمح الله يطفش الرجل
حبيبتي
اللي عندك هو حب التملك .. وحب التملك هو ليس الحب بعينه
لاتكلميه في الموضوع مره ثانيه وانسي اللي حصل ولا كأنك زعلتي ولا تضايقتي
شفتي ايش حصل؟؟
قال لك مره ثانيه ماعاد ارسل لك نكات .. وبهالحاله انت خسرتي دور الصديقه لزوجك
اكسبي صداقته عزيزتي فالصداقه بين الازواج تعبتر مهمه جدا لديمومة الحياة
دعواتي القلبيه لك غاليتي
رد مع اقتباس
