حطوا نفسكم بمكاني وعيشوا الجو اللي عايشته بجد احس اني بعذاب وبحيره -تم الاجابة

[aksachli]

عنوان الموضوع : حطوا نفسكم بمكاني وعيشوا الجو اللي عايشته بجد احس اني بعذاب وبحيره -تم الاجابة
مقدم من طرف منتديات نساء الجزائر

حطوا نفسكم بمكاني وعيشوا الجو اللي عايشته بجد احس اني بعذاب وبحيره



السلام عليكم ورحمة الله وبركاته


مدري من وين ابدا بصراحه



انا

عمري 18 سنه
من الرياض
حضريه


اهو

عمره بالثلاثين
من الشمال
بدوي



حبيته وهو اكبر مني بكثير مع العلم انه مايهمني العمر واكيد كثير مايهمه العمر, لان الرجال رجال ما يعيبه لا عمر ولا شكل , وهو حبني وعارف من انا ومن وين ووين عايشه ..

المهم ..

اتواصل معه عن طريق الايميل ..
عرفته عن طريق احد المواقع وكان قاصدني بنيه زينه وهدف شريف .. علماً اني ما كنت مصدقته ولامعطيته بال .. الا يوم جاء الوقت اللي قلت خلني اعطيه فرصه ليثبت حبه لي وصرنا نتواصل ع الايميل ع اساس انه يتقدم لي ويخطبني باسرع وقت .. الحلو بالموضوع انه عارف اني مستحيل اتعدى حدودي بعلاقتي معه سواء اكلمه بجوال او اني اقابله او اعطيه صور او او .... الخ .. فما حاول انه يطلب مني او انه يزعجني بهالطلبات
وقتها كان يمر بمشكله بسيطه فقالي ابي احلها بعدين اتقدم لك عشان ما تأثر ع ارتباطنا وتقدمي لك .. فقلت ماشي مو مشكله ننتظر شوي واوقف معه شوي .. خلال هالفتره كل يوم يحلى بعيني واحبه اكثر من كل يوم .. حبيته وتعلقت فيه لدرجة كبيره وهو بعد تعلق فيني اكثر من قبل .. فكنا مو عارفين كيف نبدا مشوار الخطبه وكنا نخطط وندبر ونحاول نلقى طريقه بحيث اهلي ما يدرون اني اعرفه لاني كنت خايفه ومو عارفه ردة فعلهم كيف راح تكون ..


وهو امه وابوه متوفين ( الله يرحمهم ) خبر اخوانه وخواته وعمه اللي بمقام ابوه عشان يقومون بالازم ويكون عندهم خبر والحمدلله وافقوا وانحلت مشكلتهم بحكم انهم بدو ..

المهم
عطيته رقم امي عشان يتقدم لي واتفقنا ع خطه انه يقول لاخته انهم شافوني بزاوج وووووالخ وفعلاً كنت معزومه ع زواج انا .. وبعد الزواج قلت لامي ان فيه وحده جتني بالزاوج وسألتني عنك وقالت وينك وقلت مدري
وطلبت رقمك وما عطيتها .. فكانت امي فرحانه قالت هذي اكيد بتخطبك كان عطيتيها رقمي ومن هالكلام .. قلت اذا تبيني بتجيبني باي طريقه << يعنني مستحيه


فدقت اخته ع امي وقالت ان بنتنا اللي بالرياض (( لان بنت اخته ساكنه عندنا بالرياض )) شافت بنتك الصغيره بالمكان الفلاني وعجبتها و وصتنا عليها وحرصتنا ومدحتها لنا وووووالخ من هالكلام واحنا من كذا ومن عايلة كذا وكذا ..

فامي تفآجأت بانهم بدو ومن الشمال بعيدين يعني , ويبون ومصرين ع بنتها , فرحبت وهللت فيهم وقالت برد عليكم بعدين .. وكان كلام امي معها مره مريح ومطمن ..


بعد المكالمه امي جتني تسألني قالت تعرفين ندى الفلان (( الاسم هذا ندى امي جايبته كذا من بالها بس الزبده ذكرت لي عايلته ))

فقلت لا من هذي وليه تسألين ..؟
قالت لا بس انها تو داقه غلطانه قلت يمكن تعرفينها ..
قلت لا ما اعرفها وبعدين اهي ما سألت عن اسمي عشان تسأليني !
قالت اني بسأل اختك بعد يمكن تعرفها << تصرف

المهم عدا اليوم بسلام


و مر يوم يومين ثلاثه ايام الييييين كملنا اسبوع وزياده , وامي ما ردت عليهم ولا حتى كلمتني بالموضوع ..


فدقت اخته وانا اللي كنت عند الجوال قلت ام فلان الفلان قالت اها هاتي
الجوال .. وعطيتها وسكرت اخته لاننا طولنا ما ردينا .. قلت يمه هذي العايله اللي تسأليني عنها ..؟
قالت ايه طلعت وحده تستهبل علي
قلت تستهبل عليك ومسميتها ام فلان .!
وقطع كلامنا رنة الجوال .. امي خذت الجوال وطلعت تكلم بعيد
ورجعت واحس ان وجهها متغير وتدرس اختي الصغيره ..
وكانت اختي واخوي مسوين ازعاج بالمكان شوي , وهي عصبت مع الازعاج زياده ..

انا كنت احتك فيها واسألها ابيها تشك بالموضوع عشان تكلمني واصارحها لانها ما فكرت تسألني وتشاورني او انها تحقق معي ابد ..
فقلت هاه وش طلعت البنت اللي تدق ..؟ وبنفس الوقت اخوي كان يكلمها فصار ضغط وازعاج عندها ..

فذبت كلمه مالها دخل .. قالت اسكتوا ازعجتوني ..(( مسوين اذكيااااء ))

فنصدمت من هالكلمه وحسيت انها موجهه لي

بعدها ضاقت بي الدنيا وطلعت من المكان وهو كلمني ع المسن وقالي كل الكلام اللي قالته امي لاخته

امي قالت انكم بعيدين لو انكم بالرياض ممكن ..
قالت اخته مو مشكله السكن والمكان بعدين يحلها الف حلال ..
المهم ان امي كانت تحاول تصرف الموضوع وتسكره من كل الجهات واخته يأست معها وسكرت منها ...



الزبده بعد كل هذا عندي احساس كبير ان امي شكت بالموضوع وتدري انها خطه عشان كذا كانت ترفض وتدور اي سبب مقنع انهم ما يخطبوني ..


صحيح عندي اخت اكبر مني بسنتين لسى تدرس مو متزوجه .. بس ما اتوقع ان هو هذا سبب رفض امي .. لان لو انه هو كان قالت لهم ان عندها اخت اكبر منها وما نزوجها قبل اختها ...


يمكن تقولون ان علاقتنا غلط بغلط او طريقة حبنا غلط او ماشابه .. بس احنا نبي بعض بالحلال ولا طلب مني شيء حرام او اني مجبوره عليه وتعلقت فيه لدرجه مو طبيعيه وهو متعلق فيني اكثر
..

واللي بتقول انه بيلعب او بينصب عليك بقولها
احنا الان يمكن كملنا سنه وانا اعرفه بالموقع و سنه وشوي بحبنا ( لا سمع صوتي .. ولا شاف صورتي .. ولا قابلني ولا اي شيء من هالامور ) فمستحيل انه يكون كذاب او لعاب .. ولو انه كذا ما كان صبر علي وتحملني ..

انا الحين احبه واموت عليه مدري كيف بقدر اعيش من دونه صعب انكم
تفارقون شخص تبونه ويبيكم ولا تدرون ليه او وش السبب اللي ما يجمعكم !!

حطوا نفسكم بمكاني وعيشوا الجو اللي عايشته احس اني بعذاب وبحيره ..
والعذاب الاكثر اني ادري انه يموت باليوم الف مره مشكلته كبير واللي بعمره
تزوجوا وجابوا عيال وانا لسى الحياة قدامي .. وفكرت فيه وقلت له تزوج وعيش حياتك .. بس مو راضي .. وما اخفيكم افرح انه مو راضي بالزواج من غيري بس بنفس الوقت يتقطع قلبي عليه مليون مره ..


مو عارفه وش اسوي احس اني لازم اتحرك واسوي شيء .. احياناً افكر اني اواجه امي بالحقيقه واقولها كل شيء , ع الاقل ما يبقى هالسؤال ببالي والحيره هذي طول عمري .. بان امي ليه رفضت !! بس خايفه من ردة فعلها ..

واحياناً اقول اللي يصير يصير وبقولها .. وان تشجعت وابي اكلمها لساني مو قادر ينطق .. امي متعلمه ومتوظفه و انا مو متعوده اصارح امي بكل شيء ولا هي حتى متعوده اننا نصارحها باشياء فيه حواجز كبيره بينا , مو بس انا وامي كل البيت تقريباً ..



احترت بصراحه ماني عارفه وش اسوي استخرت كم مره اني اكلم امي ابي حل لهالمشكله
ابي اجتمع وياه بالحلال وببيت واحد ابي اعيش العمر معه

عطوني حل تكفوووون تعبت




واعذروني ع الاطاله بس مو لاقيه احد اتوجه له بعد الله سبحانه
يمكن تفيدوني بشيء

>>>>> ردود الأعضـــــــــــــــــــاء على الموضوع <<<<<
==================================

آممممممم ... والله مشكلتك صعبه ..
شوفي أنا رايي استخيري ربك طيب .. وروحي لأمك ..
وحطي ببالك هذا مستقبلك وهذي حيآتك لآ تضيعينهآ بسبب خوفك من مصارحتها ..
روحي لها وقولي كل شي بصرااااحة .. استخيري ربك وقبل لا تروحي لأمك
وأنتِ مآشية بتروحين لها قولي هالدعاء

" اللهم يا وليّ نعمتي ويا ملاذي في كربتي اجعل نقمة "وآلدتي" عليّ برداً وسلاماً
كما جعلت النار برداً وسلاماً على إبراهيم "

وصارررررحيهاااااا .. عالأقل لو لآ قدر الله رفضت تكونين عرفتي الإجابة ..!!
عاد لو رفضت وخلاااااص من جد تسكرت كل الأبواب .. قولي للرجال
أنآ بطريق وأنت بطريق .. لأنه وقتها مايكون في فاايده من العلاقة بينكم..
راح تكون محرمةة , وتوقف حياتك وحياته , وتزيد التعلق بينكم..!
وأكثررررررري من الاستغفار + قيآم الليييييييييل ..
وادعي ربك بالثلث الأخير من الليل أنه يجعله من نصيبك ..
ويجعل لك فيه الخير ويجعل له فيك الخير ..
موفقةة ي قلبي ..

__________________________________________________ __________

مشكوره انسة الرياضيات

وكلامك حلووو وريحني بس تنفيذه صعب علي بالحيل بس شكل ما قدامي الا هالطريقه

الله يعيني وبحاول قد ما اقدر اني اصارحها

الله يحميك ويسعدك و يريحك يارب

__________________________________________________ __________

يؤؤؤه انتي توك صغييره مانتي مجبوره تاخذي واحد اكبرمنك انتي من جييل وهو من جييل راح تكون هناك اختلاف في اااري والتفكيير انت الحين عايشه الجو بس صدقيني لما ينقفل عليكم باب انتي وياه راح تندميين والله اني صادقه تلاحقي عمررك حبيبتي لاتضيعين نفسسك كل الي جالسسه تسوينه لعب في لعب انتي منتي كبيره عشان تجيبين عريس بطريقه ذي كان انتظرتي يجيك نصيب احسن منه مااقول الاالله يسسترعليك

__________________________________________________ __________

فكري بعقلك حبيبتي موبقلبك والله انتي جالسسه تضيعين نفسسك باسم الحب اهو موخسران شي واحد كبيرحب يجرب شي جديدولقي تجاوب منك دخلتيه حياتك واعطيتيه مجال فكرري زين قبل ماتسوين اي شي انتي الحين العواطف مسيطره علييك يعني مهمن قلنا ونصحنى مافي فايده تبينه تبينه بس بيجي يوم وتندميين الله لايجيب هذا الييوم وانا لومنك مااعيش الجو لان مواي احد ادخله قلبي وحياتي تحياتي

__________________________________________________ __________

اختي انتي قصتك نفس قصتي بالتمام ماطلب مني اي شي من عرفني طلب زواج ع طول
وعرفني بالصدفه وطلبه بحكم استقامتي واخلاقي وحفاظي ع نفسي
وكلنا من نفس القبيله بس المدن تختلف و سبحان الله ما ندري نصيبنا من وين بيكون
خلى تواصلي مع اخته كبيره ومتزوجه وشافتي حتى اسمي مكان هو عارفه
عرفته اخته مني بس كان يعرف قبيلتي ومدينتي ووضعي فقط
واخلاقي متاكد منها ويقول انتي اطهر امراءه شفتها بحياتي
وقطع تواصله معي بعد ما عرفت اخته المتزوجه وصار تواصلي معها

وما ادري عن الموضوع الى الان لان علاقتي معها رسميه وما قالت شئ وهو قال اذا ربي كاتبنا لبعض بنجتمع
و عندي يقين ان كان خير لي وكاتبه الله من نصيبي بيجيبه الله لو با اخر الدنيا ..

وانا ادعي دايم واستغفر واحبه وما اتمنى غييره بس مهما كان ماندري وين الخيره لك ولي
وما انصحك تواجهين امك احسها شديده اذا هي رفضت ع بعدهم لو تدري انه عن نت بيزيد رفضها
بس انتي استخرتي الله خلي ربي هو من بيسر لك الامور والخيره فيما يكتبها الله
واهم شي خليك راضيه بكل ما يقدره الله لك ولاتتواصلين معه كثير احسن لك طريق الخطا بكل شي اقطعوه
حتى الله يوفق مابينكم


والله يوفقك ويسعدك بدنياك ويسخره لك ويسخرني للي يبيني
ويحبني واحبه ويحبك وتحبينه بالحلال