قصه لا عنوان لها

[aksachli]

عنوان الموضوع : قصه لا عنوان لها
مقدم من طرف منتديات نساء الجزائر

قصه لا عنوان لها



بسم الله الرحمن الرحيم
السلام عليكم . أنا داخله أفضفض لأنه ماعندي أحد أفضفض وياريت تساعدوني وتلاقون حل أو بس أدعو المهم
أنا بنت عمري16 عاقله ماعندي خرابيط مثل باقي المراهقات بس عندي ملة وحده إلا هي ماعندي صديقات وأنا الحين بعد رحت مدرسة جديده وهذا ماثر على نفسيتي الحين صديقي وحده معاي بالصف والحمدالله كان رحت فيها بدونها يعني مو صداقه صداقه هي تقولا كلشي ومعتبرتني صديقه لها أنا بعد إعتبرها مو صديقه لأنه فيها اشياء تخليني انفر منها بس أنا إبدا ما أبين لها المهم يعني أنا خاطري تكون عنديصديقي تفصفض لي واحبها وكلي أكلمها يعني حالي حال باقي البنات أحس بوحدة شديده لأنه ولامره صارت عندي صديقها حيل قريبه مني يعني صديقاتي إللي قبل ما تعتبر صداقه ما أدري شالمسه لها يمكن هذا الشي بعد من شخصيتي لأني خجوله ماعندي سوالف واجد بس قبل ويا صديقاتي اللي بالمدرسه القبلي كنه كل مزح ومايهني شي عكس الحين إفكر قبل ما أقول سالفه وخجوله في وحده عاجبتني كانت وياي في المجموعه بس انتقلت لأنه حصلت صديقه وانتقلت للمجوعه اللي صديقتها فيها شلون أجذبها لي أنا وياها أوكي إتكلم وياها بس بحدود يعني أنا أبيها ترتاح لي تفضفض لي وكله أقولها رجعي مجموعتنا هي تقول أيي برجع بس ولارجعت ساعات إفكر ما أقولها بس تطلع مني لا إرادي يعني من جد خاطري تكون عندي صديقه حالي حال الناس أحس بوحده شديده هذا وأنا توني صغيره شلون لين كبرت أنا نوعي ما أفضفض يعني أسولف بس بصراحة يابخت من صارت صديقتي لأني أحب وأقدر الصداقه وأدور حلول إذا صادتهم مشكله أنزين يعني أنا شسوي عشان أكون صداقات أدري صعب بس بضغط على نفسي أو حتى عطوني أفكار عشان إصير اجتماعيه وشلون أتعامل مع هاذي البنت وشلون أقرب البنات لي وصيرون صديقات أدري طولت عليكم ويمكن ماقريتو القصه كامله بس مشكورين على العموم بس على الأقل بردو قلبي بالردود عشان أنسى الوحده شوي ومشكورين مره ثانيه

>>>>> ردود الأعضـــــــــــــــــــاء على الموضوع <<<<<
==================================

اممممممممممممممممممممممممممممممممم *.*
أبا أسألج سؤال ... شو اللي يخليج تنفرين من صديقتج ؟؟ ويخليج ما تعتبرينها صديقة ؟؟
ترا ما فيه انسان خالي من العيوب واذا دققتي على التفاصيل الصغيرة في الناس بتتعبيين
أنا أشوف دام هي معتبرتنج صديقة ما فيه مانع انه تكونيين صديقتها
واكيييييييييييد هي عندها صديقات بعد وعن طريقها ممكن تتعرفين عليهم

وفقك الله


__________________________________________________ __________

الله يجيب الي في الخير دعواتك لي يا اميره

__________________________________________________ __________

الله يسعدك حبيبتي ويوفقك حاولي تكونين صداقة وتكونين حبوبة مع كل البنات

__________________________________________________ __________

بصرآحه م أعرف أنا مثلك ماعندي صديقآت

بس أنا ماعندي لأني خجوله أو أنطوآئيه مالي بالسوآلف

الله يكون بعونآ

__________________________________________________ __________

الشي اللي يخليني انفر منها أنها على طول تصرخ وتصرفاتها تصرفات أطفال لأبعد درجه بجد شي لإيوصف وفوق هذا أنها فضيحه وبعد فضوليه يعني على طول كم درجتك يعني فضوليه أحس كاني أكلم طفله ، أنا مو ما إعتبرها صديقتي يعني أنا ما أفضفض وما أقول كلشي يعني كتومه بس إشاعادها في حل مشكلاتها وأنصحها ، والله بجد تعبت ماعندي صديقه شي ، علموني طرق عشان أقرب البنت اللي قلت لكم عنها فوق في القصه ومشكورين على الردود