عنوان الموضوع : ولد عمي قرأ........ -تم الاجابة
مقدم من طرف منتديات نساء الجزائر

ولد عمي قرأ........



السلام عليكم..


اخواتي امهاتي..اتمنى اعرف اللي سويته صح والا غلط وبحكم انكم اكبر مني سن واكيد عندكم خبره اكثر مني..ابيكم تدلوني وتعلموني وش اسوي..وما ابغى اي رد فيه تجريح رجاء..

انا بنت عمري 17 سنه ثالث ثانوي..
عندي صديقه تسوى عيوني..وتصير بنت عمي لكن انا في مدرسه وانا في مدرسه اخرى وهذا الشئ الوحيد اللي يفرقنا..
من صغري وانا اكره اخوها الكبير مااطيقه مااحبه وانا وياها كنا متفقين ان هالشئ مايفرقنا لو وش ماصار..

يوم كنت بثاني ثانوي جاني موقف هز لي كل ذره في كياني قلب حياتي 180 درجه تغيرت نظرتي لولد عمي بشكل ماتتصورونه..

كنا في رمضان في استراحة اعمامي مجتمعين رحت اصلي التراويح انا وجدتي وبعض بنات عمي وبعض الحريم معانا..خلصنا الصلاة وقلت للبنت عمتي اصغر مني بسنه انتظريني لاتروحين وتخليني فهي من باب المزح الثقيل طبعا عارفين مزحنا يالبنات شلون يكون بعض الاحيان..طلعت من عماتي وجدتي ولاننا كنا كثيرين محد انتبه اني ناقصه..طلعت من الحمام وانتم بكرامه وادورهع مالقيتها لقيت مسجد النساء فاضي قلت ابطلع الحقهم بسرعه طلعت مالقيتهم وكان الشارع مليان رجال..قلت ابروح للاستراحه مشي وانا امشي الا جو شباب يتحرشون فيني وانا من الناس اللي اذا صار لي موقف مثل كذا كل مافيني يتجمد احس كلي انشل مااقدر اتحرك فجاه شفت ولد عمي طالع من المسجد شافني وماعرفني ماادري شلون جاتني شجاعه وناديته طالعني وقال مين انتي؟؟ قلت فلانه بنت عمك عصب علي بالحيل وصرخ بوجهي وراح يتخانق مع الشباب اللي حولي قالي اركبي السياره ارجعك تخيلو اهلي يوفوني راكبه معاه اقسم بالله ان يموتوني رفضت وبشده مسك بايدي بقوه وانا امشي وراه يوديني للاستراحه وحنا في الطريق جلس يسالني ويحقق معاي ويعاتبني على تصرفي اول ماوصلنا للاستراحه شفت ابوي واخواني مره متضايقبن وخايفين علي والاستراحه مقلوبه فوق تحت قامو كل اعمامي وابوي يحققون معاي انا وولد عمي وللعلم ماوصلت الاستراحه الا انا منهاره وضايعه علومي من كثر ماصحت..بعدها بيومين اتصلت علي بنت عمي (اخته) تقول ان هو قالي اعتذري لي من فلانه انا مو قصدي اصرخ عليها بس كنت خايف عليها لو انا تاخرت ماطلعت من المسجد الله العالم وش بيكون فيها..

من بعد هالموقف حسيت ان كل مشاعر الكره اللي كنت احملها له تحولت فجاه لمعزه وغلا..وربي كذا حسيت وصارحت اخته بهالشئ قالت مدامك فتحتي الموضوع ابخبرك بسالفه ترا ابوي ناوي يخطبك لاخوي وانا ما كنت ناويه اقولك لاني كنت اظن انك تكرهينه مثل قبل ساعتها بلمت..
بعد بيومين دقت علي تقول اني قلت لاخوي انك تحبينه وحسيته استانس بس ماوضح لي..انا بصراحه زعلت عليها ليه تقوله بس طبعا هي ماتركتني جلست على راسي لحد ماسامحتها..
وربي صرت دائما احلم فيه واكتب فيه خواطر واشعار..عارفه بتضحكون علي لكن وربي بجد تغيرت من ناحيته..

جت بنت عمي للبيت وشافت خواطري مرررره اعجبتها وقالت اباخذها للبيت اقراها قلت مو مشكله خوذيها..

من بكره كلمتني تقول اني يوم ركبت بالسياره سالني وش الدفتر اللي معاك قلت انه لك قالي ابيه وانا رفضت اعطيه..
ويوم وصلت للبيت ودخلت اتروش دخل غرفتي واخذ الدفتر وقراه واخذه مني غصب وبالذات اني خفت منه يوم عصب..
تقول من بكرا رجع لي الدفتر وهو مستانس..

وافشيلتاااااااه ولد عمي قرا اشعاري فيه اقسم بالله مررره استحي والوم نفسي لما اتذكر..
واللحين هو سافر لكندا يدرس تخيلو عمره 21سنه هذي اول سنه له بالجامعه
وش رايكم بموقفي مع الشعر اللي قراه تتوقعون تتغير نظرته لي؟؟
وهل الكره يتحول لحب بسبب هالموقف؟؟
انا اخاف اتزوجه وترجع لي مشاعر الكره من جديد؟؟اخاف يموت كل الحب اللي بداخلي اللحين؟؟
صحيح يقولون ان اي احد يحب قبل الزواج لما يتزوج اللي يحبه يتحول كله لكره؟؟
واللي سويته صح والا غلط جاوبوني الله يرضى عليكم والمعذره على الاطاله*-*

>>>>> ردود الأعضـــــــــــــــــــاء على الموضوع <<<<<
==================================


لاتعليق وكأني جالسه أقرأ روايه


__________________________________________________ __________

مين اللي قال لك اللي يتزوج عن حب يتحول هالحب بعد الزواج الى كراهيه؟؟؟؟؟؟؟؟!!
لا هالكلام مو صحيح
الله يسعدك ويوفقك وينولك مرادك يارب


__________________________________________________ __________

والله قصه رومنسيه البطل انقذ البطله وحبته هههههه لا حبيبتي وافقي عليه ماحيرجع الكرررررره الله يوفقك


__________________________________________________ __________

الله يسعدك


__________________________________________________ __________

الله يوفقك ويستر عليك بس قصتك ممتعه