عنوان الموضوع : ومره عرفت انه يدور ع دليل مجابة
مقدم من طرف منتديات نساء الجزائر

ومره عرفت انه يدور ع دليل



السلام عليكم
مشكلتي في زوجي
عمري 22 وهو 31
كنت اعاني بداية زواجنا من خيانته بس ماكانت تتجاوز حدود الانترنت كان داخل بحساب خاص في موقع تعارف
عرفت بهالشي وهو مايدري ودخلت بنفس الموقع بحساب خاص بي
واضفته عندي ويشهد علي الله ان كان غرضي اصلاحه من بعيد لبعيد حتى لايشك
وانا كنت اتقطع من الم الخياانه
مرت الايام وكنت اتشكواله من زوجي اللي هو في الحقيقه وكان يقول سامحيه اكيد انه من النوع اللي يستهبل يحب يطقطق وماادري ايش
بعد كذا صرت اقول له اني صرت اخونه نتيجه لخيانته >> طبعاً غرضي كان لأجل يخاف**
وهذا كله وهو مو داري اني زوجته
المهم صار اوقات يشك فيني انه انا صار يدق**
يجي البيت فجأه من العمل
وكنت اتعمد اخلي اللابتوب عند راسي اذا كنت نايمه وهو بالدوام ع غير العاده بس عشان اشككه في نفسه مع العلم اني حريصه اني مااخلي اي اثر امسح كل شي

ومره عرفت انه يدور ع دليل**
وانا طبعاً ادخل النت عن طريق شريحتي يعني اذا دق يلاقيها مقفله بس انا احول الرقم ع شريحتي الثانيه او ادخل عن طريق الجوال فصار اني دخلت الموقع وكان موجود طبعاً وارسلت له رساله بحسابي**
دخل الشك براسه اكثر**
دق علي ورديت وانا امثل اني اطبخ الغدا
وانا قلبي يطبخ ويغلي من الداخل وبكذا تأكد اني بعيده تماماً عن دائرة الشك

كنت ادرس عند اهلي في مدينه ثاانيه وبدال مااكون مرتاحه كنت اتقطع واتعذب والكل مو عارف السبب حتى هو يمثل انه مهيء لي كل شي والشهاده لله مو مقصر معي بالشي
بس وش يفيد دام الخيانه موجوده

بعد فتره بسيطه عرفت رقم حسابه وكله تخمين وصدف ان فتح معايا والحمدلله صرت ادخل كل يوم وكل ساعه وكل دقيقه اشوف آخر المستجدات وكان ضايف بنات وشباب

كان عنده رقم وشكله طلعه في هالفتره وصار يرسل للشباب**
واللي صدمني اكثر انه يتكلم برموز مثل مبادل موجب سالب واكيد الشباب هنا يعرفون ايش معناها**
انا واقسم باأيات الله اني ماكنت اعرف هالاشياء بس معاه عرفت كل شي وطبعاً استفساري عنها كان عن طريق النت

وصار يرسل لواحد ليش امس قفلت وليش ماترد طبعاً انا انجنيت وقلت امكن واحد من اصحابه ماخذ حسابه
وصرت ادق ع جواله مقفل
واذ دقيت ع رقمه الجديد بس طبعا من شريحه ثانيه صار يدق ورد وطلع هو

بعدين بدأت معاناة ثانيه المشكله بعلاقته معي مافي اي دليل انه يمارس هالشي
فقلت خليني اتاكد عن طريق لمس ال.... في اثناء الجماع إن كان مرحب خلاص انتهى بالنسبه لي الأمر
وفعلاً عملت هالشي بس لمس سطحي وتفاجأت
بأنه قال لااااااا شيلي يدك حرااااااااااام لا ياقلبي لاااااااااا

فرحت انه ع الأقل عارف انه حرام يعني في وازع ديني من هالناحيه

صرت المح له ان صديقتي زوجها كذا كذا >>> يعني نفس اللي اكتشفته فيه**

وكان يقول اكيد يستهبل اغلب الشباب يحبون يستكشفون فتره**

المهم تطورت الحاله اني صرت اقوله يجيني ازعاجات من رقم يقول انتبهي لزوجك وان عنده رقم ثاني**
وهذا رقمه ........
وانه يخونك ونفس الاشياء اللي يسويها
طبعاً هو جن جنونه وصار يبحث عن الرقم

انا اخذت شريحه من وحده وصرت ارسل الكلام ع جوالي غشان اذا سالني اوريه**

بعد فترررره طلع من هالموقع الى غير رجعه ولله الحمد والمنه

وصرت احمدالله واشكره

كان عنده ايميلين كنت اعرف باسووردها وهو مايدري

كنت اشيك عليها وتأكدت فعلا انه ماعاد رجع لهالمواقع


وانا ماقلت لكم انه قبل يلغي حسابه من هالموقع حولت دراستي لجل ماتطور الامور اكثر واخسر بيتي ويتعود ع غيابي وخيانتي

صار اني حولت دراستي وضحيت كله عشانه

وعشناااا احلى فتره كانت واول مره احس انه لي ملكي بعد الله

الآن بعد هذا كله اكيد بتتسألون وين المشكله

اكيد
عشان كذا بقولكم واطلب مشورتكم بعد الله

امس زوجي كان برا مع اصحابه رجع البيت راح دورة المياه اعزكم الله فتحت جواله لقيته مدخل برنامج دردشه وشفت فيه دردشات له طبعاً ماامداني اقلب الا طلع وانا سويت الوضع عادي ومابينت له شي

جلس عندي يسولف وجواله كان بيده قلت خلي عنك الجوال وحطه ع جنب وجلست بحظنه وسواليف مسك جواله يتكلم عن انه صاير يعلق ومدري ايش
قلت بيني وبين نفسي فرصه اخذه قمت اخذته واستغربت انه ماحاول يسحبه خاصه ان هالبرنامج توه منزله
فتشت لقيته ماسحه
بس انا مامسحته من راسي بعد فتره وانا اقلب في جهازه قلت فلان وطالعت فيه بنص عين >> انت منزل برنامج دردشه ؟؟؟؟؟

هو صار مرتبك وقال لا والارتباك عامل عمايله
وانا ماسكه الضحكه بالقوه اول مره اشوفه كذا ويبلع بريقه**
قلت متأكد>>> مع رفعة حاجب
بس احلف واصدقك يلا احلف
الصمت كان ابلغ من انه يتكلم
بس صمت مو لشي سوا انه انصدم ولسان حاله يقول **كيف عرفت ؟؟

انا قمت وقومت الدنيا من غير لااتكلم فقط رميت الجوال بوجهه
رميت الريموت وقعدت في المطبخ اخبط
وقلت انا لو بأخون كان خنت وانت ماتدري عني لأن اغلب وقته بالدوام والجامعه لكن انا خوفي من الله وصيانه وحفظ لبيتك مافكرت

جاني يعتذر ويتاسف ويقول والله مو انا الشباب جالسين يتكلمون عن برامج وحملوه لي وانا ماكنت ادري والله اني احبك ومستحيل اكررها قلت وخر عني
اخذت شنطتي وقلت بكرا توديني لاهلي
انا مو مقصره معاك بشي وبالنهايه كذا تجازيني**
جلس يحلف ع القرآن انه مايكررها ويوعدني

بعدين جلسنا ع العشا وانا قلبي يحترق

جا وقت النوم كنت باطلع الصاله ماابغى انام
وجلس يناديني الين انبح صوته وانا نارديت عليه
بعدين قعدت ارسله مسجات
اني اقدر اسامحه بس مستحيل اثق ورسايل عن نفس المضمون
واروع**
كان رده انه تقلب تقلب وماقدر ينام بسهوله
بعدين نااااام
صحي الصباح راح يداوم وماباسني زي كل مره ولا حاول يكلمني**
سؤالي للعامة ولشباب خاصة ولايهون البقيه ايش الحل برأيكم هل استمر بالزعل والعتاب حتى يحسب لي حساب ومايقول اني رضيت بسرعه ويفكر يعملها مره ثانيه
او اسامح واغفر له بس خوفي يجي اليوم اللي يخوني فيه ويقول سامحتني بسرعه راح تسامحني
او احسسه بغلطه كل شوي حتى يحسب لي حساب
علماً بأني قلت له بأسامحك بس عهداً علي ان كررتها راح يصدر مني تصرف ماتوقعته
وهو وافق ....**
ارشدوني بسرعه الله يحرم وجيهكم عن النار

>>>>> ردود الأعضـــــــــــــــــــاء على الموضوع <<<<<
==================================


او احسسه بغلطه كل شوي حتى يحسب لي حساب
علماً بأني قلت له بأسامحك بس عهداً علي ان كررتها راح يصدر مني تصرف ماتوقعته
وهو وافق ....**
ارشدوني بسرعه الله يحرم وجيهكم عن النار
.................................................. ...............

اولا احييك من كل قلبي على هاالتفكير المميز الي عندك ماشاء الله واتوقع لوكل وحدة عندها اسلوب لحل مشكلتها الزوجية مثل كان قلت نسبة الطلاق ماشاء الله عليك والله وانااقراء طريقتك بحل مشكلتك حسيت انك شخصية قوية وماتنهزمي بسهولة ماشاء الله عليك ويباركلك بحياتك من جدانامعجبة بهالفكرالي عندك الله يحفظك
بس حسيت انك بالاخير خربتيها لانك استحملتي الشئ الكبير الي كان على النت وماقدرتي تستحملي برنامج الدردشة الي على الجوال مع انك قلتيلة ( عهداً علي ان كررتها راح يصدر مني تصرف ماتوقعته
وهو وافق ....**) اتوقع هذي كافية مدام وافق واتوقع ماهوغبي عشان يحط نفسة بموقف اخر حاولي تنسي الماضي وتبدي معة صفحة جديدة لكن لاتقولي لة انك سامحتية باختصار حاولي تنسي الموضوع واوتتناسي بدون كلمة سامحتك عشان تقعد ببالة دايم انك ماسامحتية واننة ممكن تزعلى علية لوسوى شئ غلط والله يوفقك ويستر عليك


__________________________________________________ __________

لاااا تعليق


__________________________________________________ __________

اختي الله يحفظك تفكيرك عالي والله ... الله انعم عليكي بالعقل والعقل زينة ... لو وحدة مكانك كان من اول يوم خربتها بس لو اشتغلتي بالبوليس كان حليتي كثير قضايا هههه. ... اعذريني بس والله ادهشتيني من تفكيرك وشلون لفيتي عليه ودرتي ... بس بالله عليكي شو معناة الرموز السالبة والموجبة انا هاي ما فهمتها ارجوكي تفهميني لا بعدين اكون مثل الاطرش بالزفة ...
وبخصوص حل مشكلتك .... حبيبتي انت سويتي يلي كثير منا ما يعرفون يعملوا ... نصيحتي انك تخلي الامور بينكم عادي ولا تحسسي انك سامحتيه عشان يضل يخافك ... وانت ما شاء الله عليكي ما راح يفوتك انك تعرفي اذا كان يخونك لو لا ولووووووو كررها وفهميه هذا الشي انك راح تكومي الدنيا وما تقديها ... وبالله عليكي جوبيني معنى الرموز شنو اختك مو عارفة واحييك والله على عقلك الله يحفظك ويحفظلك زوجك .


__________________________________________________ __________

الله يصلح زوججك


__________________________________________________ __________

انا رايي انك خلاص ماتطولين الزعل علشان ماتمسخ السالفه بعينه ويقول بنفسه بكيفها متى مارضت رضت
انتي شرطتي مسامحتك بشرط وهو وافق
وهو شكله يخاف الله
ومادام ترك الاشياء الاكبر فشى بديهي انه خلاص مل من هالاشياء
انسي الماضي وافتحي صفحه جديد