عنوان الموضوع : شي غريب انتشر في جسمي -لصحتك
مقدم من طرف منتديات نساء الجزائر

شي غريب انتشر في جسمي



السلام عليكم ورحمة الله وبركاته
بقول مشكلتي

انا عمري 29متزوجة واعاني من وجود زوائد لحميه (ثآليل) حول الرقبة وفي اباطي وواحد في المنطقه الحساسه من جوه جاني بعد الولادة
(واللي ماتعرف يعني ايش ثآليل تكتب في قوقل )

هذا الشي مسبب لي ازمة نفسيه كبيرة ماتتصوروها كل يوم افكر في حالي وأتسآال ايش السبب بنجن من التفكير

واقول ليش انا من بين اهلي كلهم مافي واحد من عائلتي يعاني من هالشي حتى اختي الكبيرة لما قلت لها ضحكت علي وقالت مايجي الابعض العجايز

شكل رقبتي صار مقزز لدرجة صرت البس ربطات عنق حتى في البيت
واباطي الله لايوريكم

أما اللي في المنطقه الحساسه هذا اللي خايفة منه وصعبه اشيله

انا سمعت ان ماله علاج الا بالإستأصال في المستشفى وصعبة اقول لزوجي ع الموضوع طبعا هو شايفهم بس ساكت وممشي الموضوع
وما ابغى افتح عيونه اكثر

تكفون حسو فيني وواسوني وربي لكم اجر

واللي صار لها مثلي تقول وهل هو فعلا ما يجي الا العجايز

وهل ممكن يكون بسبب عين لأن في بنات يحسدوني مع اني والله عادية خاصة بعد الزواج والحمل والولادة الجمال تبرأ مني الله يسامحه ههههههه

واللي تعرف له علاج تقول لي وربي لأدعيلها في يوم عرفة
اللي تساعدني والله يجيب دعوتك لأخيك في ظهر الغيب بإذن الله

تكفون يا اغلى سيدات في الدنيا
تكفون تكفون تكفون

>>>>> ردود الأعضـــــــــــــــــــاء على الموضوع <<<<<
==================================


شوفي ياأختي امي نفس الشي تعاني منه وراحت عند دكتور ماجلست عنده نص ساعه وزاله لها والحين ماشاء الله ولا كانه فيها شي وبرضوا في دواء في الصيدليه تحطيه على المكان بس شغلته تطول شوي وبعده هو يزول من نفسه لاتنسيني حبيتي من دعواتك وان الله يرزق خطيبي رزقا حلال كثيرا مباركا ويوفقني ربي في علاج ..
استغفر الله الحي القيوم واتوب اليه..لاإاله إلا أنت سبحانك ان كنت من الظالمين.. سبحان الله ..الحمدالله .. الله اكبر ..لاإاله الا الله ..


__________________________________________________ __________

خرطي
امي كذا تعرفي اش تسوي تجيب خيط وتربطهم صعب ربطهم بس تعودت هي

وتخليه كم ساعه وتطيح لحالها خخخ ولا ألم ولاهم يحزنون تقول جدتي وهي صغيره علمتها هالشي

عشان زمان مو مثل الحين

وطلعت لي مره وربطتها لي وربي مااكذب عليكي طاحت بعد كم ساعه


__________________________________________________ __________

عليكم السلام
والله اللي اعرفه ان علاجه الاستأصال فقط
عاد اذا لقو له حل ثاني مدري
الله يسعدك ويجملك بعين زوجك واهلك


__________________________________________________ __________

حبيبتي انا كمان فيني وهاذا شي بسيط الحمد الله كرا عندي موعد الدكتوره قالت لي جلسه وحده ويروح نهائيا بس انتبهي تهملي لانو يعدي ينتشر بجسمك وامكن يجي لزوجك انا في البدايه ماصدقت واهملتو بس صار كثير والحين بشيلو بكي كهربائي وراح تعطيني علاج مناعه حتى مايرجع توكلي على الله وروحي لطبيب جلديه


__________________________________________________ __________

الله يشفيك ي عممرري والله مدري ايش تسسوين بس آنصصحك روحي للطبيبه
عآدي وشفيهآآ لآ تستحين من زووجك ولآشي..من حقك عليه ان يرعااك..
لآتهملين روحك ..بس أنتي مكبره المسأله شويآآت..روحي وشوفي ايش تقووول .,
وعن أسبآب انتشارهآآ أنآ سمعت مو أكيد سمعت آنه له دخل في النظآفه الشخصيه
حآولي تستخدمين غسسولآت معقمه للجسم لو يوم ورآ يووم.,

دعوآتي لك بآلشفاء العاجل ي رب

..