عنوان الموضوع : لحقووو عليها تبي تنتحر -تم الاجابة
مقدم من طرف منتديات نساء الجزائر

لحقووو عليها تبي تنتحر



بسم الله الرحمن الرحيم
السلام عليكم ورحمة الله وبركاته
في البدايه اتمنى تلقون لنا حل في هذي المصيبه
ما احب اطول عليكم،،،،،،،،،،
اخت زوجي عمرها 40 سنه وهي للحين غير متزوجه الله ماكتب لها نصيب وهي مدرسه وعلى خلق عالي والحين متقدم لها شخص اهلها غير راضين عنه لانه مختلف معاهم بالمذهب واخوه الكبير سمعته مو حلوه وهي مصره عليه وتقول عمري خلص وانا انتظر نصيبي وهو انسان طيب وسمعته زينه واذا ماتزوجت ما اتزوج غيره وخطيئتي برقبتكم ومن تقدم لها وهي تحبه ، ولد عمه معاها مدرس وهو اللي قاله عنها وحاولت الانتحار بس الحمدالله نقذوها اهلها واخوانها الحين بحيره وخايفين عليها حاولت اكلمها موراضيه تقتنع وبنفس الوقت اهلها موراضين وهي تقول هذي حياتي وانا حره انا اللي بعيش معاه مو اهلي وما احب اتزوج بدون رضاهم وياريت تفيدونا بحل سريع لان البيت صاير بركان من المشاكل والاهم من هذا ام زوجي وابوه كبار بالسن وراعين ضغط وسكر وخايفين عليهم اتمنى تلاقي المشكله صدى كبير عندكم واللي يفيدنا بحل سريع يجعل الله مثواه الجنه ومن فرج على مؤمن كربه فرج الله عليه كرب يوم القيامه
مع العلم اول مره اكتب في المنتدى وان شاالله تفيدوني وجزاكم الله الف خير

>>>>> ردود الأعضـــــــــــــــــــاء على الموضوع <<<<<
==================================


السلام عليكم. ..

اختي العزيزة حاولوا تقنعون اخوها لان البنت مو صغيرة واذا كان اخوه سمعته مو زينة شنو ذنب العريس هو زين وليش يتحمل أخطاء الغير كل واحد مسؤول عن تصرفاته وكل عائلة بيها الزين والشين
وإذا الاب راضي ما يكدر اخوها يسوي شي. ..
حاولوا تحددون موقفكم من العريس انتوا معاه وإلا عليه. ..فالكثرة تغلب القوة
يعني اذا الكل موافق تكدرون توكفون معاها وتساعدوها وإذا لا. ..
حاولوا تقنعوها ولو اني اشوف انها كبيرة بما فيه الكفاية عشان تحدد مصيرها. .

ارجوا ان تتقبلي رأيي والله يفرج همكم يا رب


__________________________________________________ __________

اهلها غير راضين عنه لانه مختلف معاهم بالمذهب

وضحي اختي عالنقطة لو سمحتي


__________________________________________________ __________

:.......................


__________________________________________________ __________

ياللي كاتبه الايه فوقي تكفير المسلم حرام

هي قالت اختلاف المذهب ماقالت مشرك ..!

ياليت اللي يرد ع المواضيع يكون فاهم ايش يعني مايرد بلا إدرااك


__________________________________________________ __________

انا اللي اشووفه مالهم حق اهلها يعترضون في نصيبها وهذا رزقها اللي الله كاتبه لها
وهي كبيره موصغيره..يعني عاقله وواعيه ..الله يسهل عليها أمورها
وويوفقهاباللي يسرها