عنوان الموضوع : عندمآ يسقط الحبـ سهواً الطبيب يجيب
مقدم من طرف منتديات نساء الجزائر

عندمآ يسقط الحبـ سهواً



السلام عليكم ورحمة الله وبركاته
كل عـام وآنتم بخير
شكر وعرفان لكل القائمين على دا المنتدى وجعلها الله في ميزان حسناتكم
احبابي الكرام لاشك ان لكل انسان في حياته تجربة , بطرح لكم مشكلتي وآتمنى منكم عدم التجريح الله يخليكم
آخواني . آخواتي انا عشت قصه حب مع بنت عمتي يشهد الله ما فيه يوم فكرت اخونها او بمعنى اخر اجرحها , حب عفيف شريف مو حب لحاجه
المهم انخطبت هيا اكثر من 3 مرات وهيا تبغى تكمل دراستها وانا اخاف انها تروح مني الله يستر . المهم في يوم من الايام اخذت رقمها من جوال الوالده وكتبت لها رسالة والله العظيم ما فيها كلمه تجرح او بمعنى اخر كلمه غير لائقه كل الرساله اني احبها واني شاريك واتمنى نكون لبعض بس وكتبت في الاخير اني راح امسح الرسالة والرقم ووعد مني ما ارسل مرة ثانية ابداً . بعدها بيومين جتني اختي وقالت لي ليش ترسل ل بنت عمتي المهم هزاتني وقالت الكلمة دي (( انت طحت من نظرها )) المهم انا سكت ما تكلمت رحت غرفتي وليومي ذا نفسيتي تعبانه . اخواني معقولة رسالتي جرحتها لدرجه دي او ثقل منها والله اني اخاف عليها مثل اختي ولكن حبيت اوضح لها . المشكلة اني لو خطبتها وقالت بعد الدراسة افكر... دي مشكلة . انا قلت لاختي انا بخطبها والزواج بعد ما تنتهي من دراستها . علما بانها تاني سنة بالجامعه وانا تالت سنة . قالت هيا تقول ما افكر في امور الزواج الا بعد ما انتهي من دراستي . اتمنى منكم وخاصة من البنات الاجابة على اسئلتي
1- معقولة اني طحت من نظرها او ثقل منها
2- هل عذر تكمله الدراسة تعتبر تصريفه
3- اعتذر لها او لا ؟؟؟ وكيف اقدم عذري
آخواني / آخواتي اتمنى منكم لا تجرحوني بكلمه ولكم مني دعوة في ظهر الغيب

اخوكم الحزين ^ ولد جدة^

>>>>> ردود الأعضـــــــــــــــــــاء على الموضوع <<<<<
==================================


لأطبعااا
اكيد البنت نااويه تكمل درااستها..
والله يكتب الي في الخير
ويوفقكم يارب
وتصير من نصيبك^______^


__________________________________________________ __________

والله انا اشوف غيييير الكلام الي قالتة اختي جووجوو ....
اول شي انت ماسويت شي علشان اطيح من عينهايعني ذنب ؟؟؟لما الواحد يكون شريف ورجال و مايحب يلعب؟؟؟ ....
ثانيآ.انا اعتقد واسمحلي ع هالكلام الدراسة بس حجة علشان تبعدك ...وان كلنا لما مانبي شخص انقول مانفكر ف الزواج ..ثالثا...لا مايحتاج تعتذر لأنك انت اعتذرت قبل وقلت لها انك ماراح ترسل هالرسالة مرة وبتمسح الرقم بعد ايش تبي زيادة .....نصيحتي لك من اخت ...الي مايبيك لاتبية والله يرزقك بنت الحلال الي تسعدك ...دعواتي لك .


__________________________________________________ __________

ممممم مااقدر احكم بهالشي

لـأني مااعرف تفكيرهـآ بس بكلمكَ بصفه عامه

1/ الرساله صح غلطه وكان مفروض تخلي اختكَ تكلمها مو انتَ ترسلَ بس مافي شي يستاهل انكَ تطيع من عينهـآ !!

2/امممممم خلي اختكَ تلمح لها عنكَ وشوف ردة فعلها .شرايكَ بفلان .؟!
اذا قالت مثل اخوي اغسل ايدكَ لاانها تصريفه
واذا قالتَ عادي محترم او من هالقبيل في امل ان شاءالله وبالفعل تكون البنت الحين مشغوله بدراستهـآ
وخلي امكَ تكلم امهـآ انكَ تبيها وتبي تحجزهـآ وبعد ماتخلص تتقدم رسمي او تصير الملكه
3/ لاتعتذر ماسويت شي غلط قصدك شريف بس هي تكابر
ويمكن قالت لأختكَ عشان اختك تكون بالصوره


__________________________________________________ __________

امممممممممممممممممم

والله من رائي انا احس حركتك انك بعتت رسالة لها بالجواال خطأ من الاساس

كان خطبتها على طوول واللي يصيرر

فيه خيرره لك

بس اقولك لا تعتذر لا ولاشئ واذا تبي تعتذر وتبي طريقة للاعتذاار هيا انك تخطبهاا بكذاا تكون قدمت اعتذاار

واستخير قبل ماتسوي اي شئ وتوكل

واذا ماصاار فيه نصيب وقالت انها بتكمل دراستها حتى وانت خطبتها اقول افهمها وهياا طااايرة انها

تصرييفة ((توزيعة اعلى قولت الليبين)) وممكن في بالها احد وممكن تقدر تسال اختك اذا بنت عمتك في

بالها احد او تجس النبض اذا طلع انه توزيعة صح

اجل طنشها وشوف بنت حلال تانية

تحيـــــــــــــاتي


__________________________________________________ __________

- معقولة اني طحت من نظرها او ثقل منها

اسمع أخوي تعتقد ليش قالت جي ؟

لأن لما الولد يرسل لبنت غريبة حتى لو كانت بنت عمته

فهو مش محرم لها و يقول فيها مشاعره حتى لو كانت

شريفة....مب حلوة لأن تتوقع منها رد على الرسالة و لا لا ؟

و بعدين انا عن نفسي اذا ولد من عائلتي طرش لي رسالة

حتى لو كان الكلام محترم و زين فأنا بقول ان هالولد يلعب

فالبنت اللي تحبها تقول لو كنت تحبني من صدق اعترف بحبك

..
و مشاعرك من خلال دقة الباب و طلب ايدها من ابوهاو شوف

بتوافق و لا لا... لا تحدد النتيجة من نفسك و بعدين ما دام

انها قالت طاح من نظري يعني انت كنت من قبل كبير في

عينها حتى لو شوي ..يعني يمكن انه ما يكون حب بس احترام

كبير....

2- هل عذر تكمله الدراسة تعتبر تصريفه

والله الصراحة في وايد بنات يكونون مهتمات بالدراسة

من صدق و ما يكون الزواج اهتماماتهم الأولية لفترة

و بعدين حتى لو كانت تصريفة بتكون لكل الشباب الثلاثة

اللي تقدمولها ؟؟؟؟؟؟؟!!!

أعتقد انها عندها طموح أو حلم معين عشان كذا خايفة

ان ما تقدر تكمل دراستها بعد الزواج

3- اعتذر لها او لا ؟؟؟ وكيف اقدم عذري

اعتذر لها لان الرسالة مب زينة و الاعتذار مب عيب

بالعكس بتقول حس انه غلط و تأسف و حاول من خلال

اختك اللي هي تعرف السالفة اللي بينكم

و أنا اقولك اخوي انت ترضى ان اختك حد من الشباب

يرسلها رسالة و لو كانت شريفة ؟؟؟

أكيد بتتضايق و ما ترضى

فإنت من خلال هالمثال افهم ليش البنت زعلت

أنا أدري ان قصدك شريف بس انت غلطت غلطة ومافي انسان ما يغلط و لكن لازم نتعلم من هالغلط
وان شاء الله يارب تكووووووون لك آآآآآآآآآآآآآآآآآآآمين
آخواني / آخواتي اتمنى منكم لا تجرحوني بكلمه ولكم مني دعوة في ظهر الغيب

ان شاء الله ما أكون جرحتك بكلامي بس انا حبيت أكلمك كأخت تكلم أخوها و اتمنى انك تفهم ليش البنت زعلت و ان شاء الله ما تضيييييييييع منك

و ترا مو شرط ان كلامي يكون صح

و هذا على حسب ما فهمته