عنوان الموضوع : كل شي بالدنيا نصيب... -تم الاجابة
مقدم من طرف منتديات نساء الجزائر

كل شي بالدنيا نصيب...





السلام عليكم ورحمة الله وبركاته

مشكلتي طويله بحاول اختصرها بشده

انا من مواليد الرياض بس فتره عشنا في جده وخلال هل فتره حبيت شاب(ولد جيرانا )كانوا بالشقه الي قبالنا واندمجنامعهم جدا صاروا معنا اكثر من اهل الباب بالباب مره دخل ولدهم لغرفة اخته وانا كنت عندها وشفته
اعتبرت الموقف عادي محرج وبس..بعد كم يوم اخته قالت لي اخوي يعتذر عن الموقف وترى والله صدفه ومادري ايش انا قلت لها عادي مافي شي يسوى..وصارت كل فتره تقولي اخوي يسالني عنك واحيان اخوي يسلم..ومرت الايام على هل حال كله سلام وسؤال من بعيد..تخرج واول ماتخرج خطبني بس اهلي رفضوا والسبب (لانه غير سعودي) مع انه عاداتهم مثلنا ومن زمان هنا مستحيل تقولون غير سعودين وطبعا القبيليات بيعرفون سبب الرفض..المهم بعدها رجعت اخته كلمتني انا وقتها كنت بين وبين..كلام اهلي كيف تاخذين واحد من بره وعيالك يصيرون اجانب وهو طمعان في جنسيتك ويبي يوصل على حسابك و..و..وبين قلبي الي ماشاف منه الا كل خير..قلت لها لا اجلوا الموضوع شوي بعدها هو سافر الامارات وانا تخرجت نفس السنه الي تخرجت فيها هم اخذو الجنسيه لانهم مقدمين عليها من زمان واهلهم ناس واصلين اول مارجع تقدم لي بدون مايسالوني وهم بعد اهلي رفضوا بس هل مره ماقتنعت..
قالولي قبل لانه طماع هو ماشاء الله ماديا موناقصه شي وكنا ساكنين بعمارتهم والجنسيه وخذاها واجتماعيا بعد ماعليهم كلام طيب وين المشكله..رفضوا وسكت وقتها اختي حست ان الوضع فيه انى حنت على راس اهلي ورجعنا الرياض...لمى رجعنا ماقدرت ابعد عنه مع انه يوم كنا بجده لاكنت اكلمه ولابينا رسايل ولاشي بس كلام اخته واشوفه احيان بالصدفه وانا داخله ولاطالعه ...لكن كنت متعلقه فيه جداا لانه مهتم فيني لابعد حدود يعني لو نكون قاعدين ونسولف واقول ابي شي والله اليوم الثاني عندي مع اني اقولها سوالف وحتى لو ابي مشوار اخته تقوله وعلى طول يودينا (امه وامي ونحنا) لمى تخرجت توظفت مدرسه اهليه اخذ اوراقي ودور لي واسطه ووظفني حكوميه و..و... مواقفه كثيره معي..يوم رجعنا الرياض ضعفت وكلمته مع انه كان رافض قال مابيك الا بالحلال...وانا كنت محتاجته فماقدرت ابعد وصرنا نكلم بعد..قالي برجع اكلم اهلك خفت قال بدخل ناس بينا وبالفعل هو معارفه كثار ودخل امير لكن اهلي موقفهم ثابت ماتاخذين واحد مومننا..اخر مره تقدم لي تعبت ماقدرت اكمل اكثر وعصبت عليه وتركته قلت له اهلي عندك بتقدر تقنعهم ولاتزوج وفكني..وقطعته..بس تعب مررره الحين لي سنه وانا تاركته بس مررره موقادره اتأقلم واهلي موراضين حتى يناقشوني بالموضوع..كلمت اخته وقلت له تكفين اخطبي له لانه لو تزوج بقدر اشوف نفسي..ادري انه لو نصبي كان اخذته وهذه امر الله رضيت فيه..
بس موقادره استوعب فكرة غيره انا حبيته وعمري 18سنه والحين عمري 30 كان معي في كل شي وفي كل لحظه..ماقدرت..ماقدرت مع اني حااولت وحااولت كثير..اخته تقول هو رافض جداا وهو اكبر مني بسنه..اهله يحاولون..حتى خاطبو له من غير مايوافق ويوم جى وقت الملكه مارضى يملك ...وانا موقادره اتزوج قبله..ادري انه رجال ومايضره شي ..وانا بنت تفرق معي...بس صعب وضعي جدااا...

ايش الحل مع نفسي ومعه ومع اهلي..لازم طرف يغير من نفسه ويرضى بالواقع...؟؟؟

>>>>> ردود الأعضـــــــــــــــــــاء على الموضوع <<<<<
==================================


الله يختار لك الخير


__________________________________________________ __________

أختي مافي سلاح أحسن من الدعاء أدعي ربك أنه يحل مشكلتك وربي على كل شئ قدير وأدعي أن كان فيه خير يزوجك منه ويرضون أهلك وأن كأن في غيره الخير يزوجك ويزوجه بالي فيها غير ترى الدعاء أمره مو سهل


__________________________________________________ __________

والله حرام باين هو يحبك كثير ادعى لربك دائيما فى قيام لليل ان شاءالله يكون من نصيبك


__________________________________________________ __________

ادعي ربك بااخر الليل واستغفررري
وحاولي لو شخص واحد من العيله يكوون معك ويقدر يقنعهم..
والله يوفقك ويكتبلكم اللي فيه الخيرر


__________________________________________________ __________

هو يريـــــــد
وأنتي تريدي
والله يفعل مايريد
عمرك وصل ثلاثين ؟؟؟
وش الحل؟؟
نصيحة أرقي نفسك وشوفي عندك تعطيل زواج؟؟أعرف بنات زي حالتك تعقدت عندهم مسالة الزواج وبالنهاية
طلع عندهم تعطيل للزواج أرقي نفسك ولن تندمي
وفالك وفــــــــــالنا التوفيق