عنوان الموضوع : مشكلتي عويصه الطبيب يجيب
مقدم من طرف منتديات نساء الجزائر

مشكلتي عويصه



اناعندي تخصص بكالوريوس ادارة اعمال وأخوي رافض اني اشتغل رفض بات..هوه تفكيره انه ما شي شغل للبنات إلا التدريس..
ما يخليني ابحث عن الوظايف واقنع اخواني اني مااا يصير اشتغل..وألحين حاطه املي ف الزواج قلت اذا تزوجت يمكن زوجي يوافق اني اشتغل بس لما انخطب ما تم الخطبه خمس مرات انخطبت وما تمت..والحين خاطبني ولد خالتي بس امي رافضه تدرون ليه عشان ألبس 2 أولاد أخواني حق المدرسه وعشان اسوي رضعات حق بنت اخوي الثاني امهاتهم الاولى ما داريه عن ولادها قاطتنهم والثانيه تداوم معلمه...خواتي 2 متزوجات والثالثه تدرس وكلهم معلمات و تعبوا من يكلموامي توافق ع زواجي بس هي رافضه تقول من بيساعدني ف اليهال وانا شوه ذنبي..يعني لا شغل ولا زواج عمري23.. انا ما احب جلسة البيت صار لي سنه عاطله وانا ف ضيقه لا يعلمها إلا الله..
شوه الحل هل أقدر ادرس مره ثانيه تخصص ثاني؟؟؟

>>>>> ردود الأعضـــــــــــــــــــاء على الموضوع <<<<<
==================================


وين ابوك !!!!

مو بكيفها تمنعك اسمحيلي

بس لازم يكون عندك شخصيه وراي


__________________________________________________ __________

بس سنه عااطله --- انا 6سنواااااااااات عاطله -- ومن اولى ثانوي وانا انخطب ولا تزوجت للحين عمري 28 سنه -- وعادي ياقلبي لاتشيلي هم -- صدقيني لو لك نصيب فيه راااااح تاخذينه --


__________________________________________________ __________

المشاركة الأصلية كتبت بواسطة مشكلتي
وين ابوك !!!! مو بكيفها تمنعك اسمحيلي بس لازم يكون عندك شخصيه وراي

ابوي مسكين مريض ما يقدر عليهم..ع سالفة الشغل يقول سمعي كلام اخوك وع سالفة ولد خالتي اللي خاطبني ابوي يقول لا تتزوجي بيفضي البيت من البنات.. انا عندي شخصيه دايما اتهوش مع اخوي عشان يوافق ع شغلي وهوه رافض يقولي ماناقصك شي بس الوحده لما يكون عندها مصروف لحالها غير تقدر تصرف ع نفسها بدون لا تحتاج لأحد وتقدر تصرف ع امها وابوهااللي ربوها من صغرها..


__________________________________________________ __________

المشاركة الأصلية كتبت بواسطة وين راااااح
بس سنه عااطله --- انا 6سنواااااااااات عاطله -- ومن اولى ثانوي وانا انخطب ولا تزوجت للحين عمري 28 سنه -- وعادي ياقلبي لاتشيلي هم -- صدقيني لو لك نصيب فيه راااااح تاخذينه --

الله يفرج همك وهمي وهم كل مهموم. آمين يارب


__________________________________________________ __________

حبيبتي بيجيك نصيبك في اي وقت طفشانه دخلي اي شيء يناسبك مو شرط تتزوجين او تشغلي
ممكن تدخلي في اي معهد يفيدك او اي تخصص
واكثري من الاستغفار ان شاء الله ربي يفرج عليكي
ادخل في شيء يفيدك افضل ماتتشغلي بو ظائف فيه اختلاط
اهلك خايفين من الاختلاط ومشاكلهم
ام عن ولد خالتك ممكن شايفنه مو مناسبك لي
وبعدين الزاج مو كل شيء ممكن تاخذين احد يحكرك بالبيت اكثر من اعلك لانه الاغلب يغارون
وقدمي انتي اذا تبي وظيفه قدمي عن طريق النت او اتصلي على المدارس اذا محتاجين
روحي قدمي ودوري الوظائف يلي تكون مافيه اختلاط عشان مايعرضونك ثاني
والله يوفقك ودوعواتك ليه
وفي الختام اقول السلام