عنوان الموضوع : ,,زواجي قرب وانا حايسة,, مجابة
مقدم من طرف منتديات نساء الجزائر

,,زواجي قرب وانا حايسة,,



بسم الله الرحمن الرحيم



السلام عليكم ورحمة الله وبركاته

مشكلتي اني مو عارفة كيف ارتب دبشي وانا بنت وحيدة وما عندي اخوات يدوني افكار ولا صيقات



ما اعرف ارتب العطور ولا المكياج ولا طقم الحمامزلا شي حتى ملابسي مرة مو عارفة ارتبها

اهل زوجي مررة فنانيييين وناس كشخة


زوجي يقول غرفة النوم مودرن ففكرت اجيب صناديق ورق بس مو عارفة كيف انسق

يعني عادي احطها في الصناديق ومايبين اش جوتها


الله يسعدكم ساعدوني بأفكار زواجي بعد اسبوعييين وانا لسه ماجهزت شي

>>>>> ردود الأعضـــــــــــــــــــاء على الموضوع <<<<<
==================================


يووووه حبيبتي اول شيء شيلي فكرة الدباشة من راسك انتي احسن بنوتة ثاني شي ابحثي في جوجل عن المواقع المخصصة لتجهيز العرائس واجتهدي وخليك طبيعي عادي ترى الشي اللي بالبركة دايم يكون افضل واجمل ....موفقه وعقبال العزابية جميعا


__________________________________________________ __________

وعليكم السلام ورحمه الله وبركاته

حياك الله يالغاليه
اسال الله العلي العظيم ان يتمم عليك
والف مبروك حبيبتي

بالنسبه لسؤالك ماعندي علم والا ساعدتك
فيه قسم للعروس ادخليه
او سوي بحث في قوقل

والله يوفقكك


__________________________________________________ __________

ياقلبي حطي ملابسك بالشنط خدي طقم شنط وحطي ملابسك والصغيره خليها للملابس الداخليه وحق النوم

والكريمات والاكسسوار والشباصات وهدي الاشياء حطيها بعلب طقم تجي من الكبير لين الصغير خديها من اي محل يابلاش

وبعدين لفيهم بقماش تل واعملي فينكه وبس شي بسيطمايحتاج كلفه

والعطور جيبي سله وزبطيها وحطي العجور فيها بترتيب ولفيها برضو بقماش التل

وبس

وهدي شكل العلب بعد ماتحطي الاغراض فيها وتحطيها فوق بعض

وتلفيها كدا




او كدا




وسلات العطور كدا مثلا او تزسنيها بانعم تتطلع احلى




https://m002.maktoob.com/alfrasha/ups...064/452616.jpg

وانتي زينها زي ماتحبي وبعدين لفيه كامل بالتل عشان ماتتطيح

او زي كدا وينفعك بعدين على التسريحه



او كدا











الشنط اعمليها كدا شي ناعم وحلو




ان شاء الله اكون افدتك واي سوال حاضرين للطيبين

والف مبروووووووووك


__________________________________________________ __________

و الله ياقلبي انا ماعندي ذيك الخلفية لأنوو لسى عمري 16 لكن عندي اختين اتزوجو قريب فبقولك ايش سوو هما اولا الملابس حطوها في اكياس كدا تكون بعلاقتهاا >> ابووو الوصف
يعني تكون اكياس احنا عندنا في جدة نشتريها من الهنداوية الموهيم تكون اشكالها حلوة مو تكون سادة و في الوان كتتتتتير منها اختي اشترت منها طبعا العدد يعتمد على ملابسك و اشترت علاقات بس مو الاسفنج خلاص احس سارت دقة قديمة دحين طلعت اللولو و الخرز الملون والكريستالات و في اشكال كتتتتتتير حلوة و اشترت علبة تحط فيها اكسسواراتها او انو تستبدليهاا بطقم يكون للتسريحة اللي هوا العروسة و الصندل ودي الاشياء اتمنى انك فهمي من وصفي التوحفة
و اشترت فصوص طبعا تكون متناسقة مع اللون اللي اخترتي للدبش و لصقت على الارواج و المكياجات حقتها و سوت فيونكات صغيرة بشرايط صغيرة و تلصق فصة وفيونكة على المكياجات الكبيرة اما الارواج بس فصة
و امممممممممم ايش كمان صح اطقم الحمام ودي الاشياء اشترت طقم شنط مرررررررة حللللللللو يعني مو شنط السفر القماش السادة لالا جلد و حركتات و في طبعا اشكال مررة نايس منها و ملابسها بعد ما كوتها و علقتها في الاكياس حطتها في استاند و لفتها بتل و طبعا تتفنني بطريقة الورود و الفيونكات على حسب ذوقك اماا اللحف بنفس صندوقها سوينا في حركة بالتل فينوكة و اشياء الحمام الله يكرمك تشترين ادراج وفي في الاسواق اشكال حلوة و ياليت يكون لون الادراج متناسب مع لون الدبش يعني لو كانت اكياس الملابس وردي تكون الادراج الخشب ابيض و القماش اللي فيالادراج وردي و كداا و لو الاكياس كانت وردي ياليت التل او في اقمشة تانية تكون فتحاتها شوية كبار والله ما اعرف اسمها يكون لو تاني طبعا يعني ممكن فضي و ياليت تبدعي على اكياس الملابس بالفصوص او ممكن على نفس السستة ( السحاب ) تسوي وردة صغيرة يعني طلعيها شييييييييييك و كمان الكريمات والشباصات و دي الاشياء تشتري سبتات و ممكن تغلفيها تغليف كامل و بعدين تغلفي بالتل او انك تشتري ريش او الاوراق اللي تجي في صندوق الفواكة النحيفة >>اوووم الوصف
و تشتري ورد مجفف و طبعا بعد ما تلفيها بالتل تتفنني بالشرايط والورود و الفصوص
أوو ممكن تريحي رااااسك من الدوشة دي كلها و تخلي وحدة منسقة تسويلك دبشك
ياليت انك ما تكسفيني و تدعيلي اني اتوفق في دراستي و تستفيدي لو بفكرة وحدة من افكاري و لا ترمي بكلامي ضرب الحائط لما تعرفي عمري ترى عندي خبرة بنتين قبلي ههههههههههههههههه
و اي سؤال انا جددددددن حاضرة
توفاااا


__________________________________________________ __________

و صح نسيت اقول عن الملابس الداخلية تشتري لها اكياس صغيرة واما انك تعلقيهاا مع القميص او انو تشتري لها زي الصندوق الصغير اللي زي خلية النحل و هما اهلك يتدبروو يحطوو في درجك و يرصوو رصة حلوة و ممكن تشتري شفاف او قطيفة و انت برضو حطي عليها لمساتك بالورود والفصوص
و الصنادل الله يكرمك برضوو تكون كل زوج في كيس لحالوو او ممكن تشتري صناديق بلاستيك لها و طبعا تبدعي فيها
ادددددددري ودك تفقعيني لأني كل شي تبدعي تبدعي بس والله فرحتلك احس رجعت ذكريات الدبش والحوسة
اختك تووفااا