عنوان الموضوع : تعبت خلالآآص والله تعبت -تم الاجابة
مقدم من طرف منتديات نساء الجزائر

تعبت خلالآآص والله تعبت



مدري من وين ابدي مدري الي عندي مشكله ولا مششاكل
بس دايم اسآل نفسي سؤال ليش انا بذات
مشكلتي اني ماعندي سند اشد ضهري فييه .,
ابوي ميت صارله كم سنه راح وتركنا انا وامي هنا ليتني رحت انا بداله
عندي اخواني من ابوي بس مع الاسف انهم يكرهوني كره اعمى
اعمامي وخوالي محد داري عننا
طبعا امي هي امي ابوي اخوي اختي يعني انا لو من دونها ما اسوى شي
قبل مده كذا خرجت من البيت عشان تتبضع لاغراض البيت بما انها هي ماخذه دور الام والاب كان رمضان ويومها خرجت وتآخرت
وصرت اتصل عليها ماترد جلست استنها لين شفت الوقت مره تاخر وقتها انجنيت صرت اصارخ بس مافي احد حولي ولحد يسمعني جلست اتصل اتصل ولا ترد وامي مو عادتها كذا يعني من اول ما تصل ترد ع طول يومها ماردت ابد صرت ابكي وصارخ ماعرفت وش اسوي ولا اتصل بمين بما انه خوالي وعمامي برى المدينه وحتى لو قلت لهم ماراه يعطوني وجه ,’

اتصلت ع بجيرانا وكنت وقتها ابكي .,!

مدري وقتها كيف اتصلت وليش بس كنت ابي احد يوقف جنبي

كان الجواب طيب خلاص لا تخافي بتجي

قفلت السماعه وانا خلاص منهارره

الا بعد نص ساعه اتصلت والحمد لله مافيها شي بس كان يومها جوالها صامت كيف ما ادري كلمتني وقالت انها تاخرت عشان الزحمه وكذا .,
ورجعت للبيتاليوم الثاني الجيران اتصلو و الي صدمني انهم كانو يتريقو علي لاني امس اتصلت عليهم وكنت اصيح .,

وقتها قلت في نفسي لو انه عندي اب او اخ او خال او عم ماكان صار كذا .,.

وكمان صرت افكر في امي هي مريضه ومالها غيري المفروض انا الحين الي انتبه عليها وربي يوم اشوف امي وهي قايمه بدور الام والاب وهي الحين بتدخل الستينات اتقطع مليون مره يوم اشوفها

ودي اريحها بعد كل هذي السنين .,

وخايفه عليها كمان وانا ماعندي غيرها في هذي الدنيا .,

يمكن مشكلتي مالها حل

بس انا كتبت هالكلام عشان اطلع الي في قبلي لاني تعبت

والحين صرت اخاف عليها اذا راحت اي مكان .,

ابي من الي دخل موضوعي يدعيلي انه ربي يوفقني بمدرستي واتخرج واشتغل واعوض امي عن كل الي هيا فيه الحين .,


اسسفه لاني طولت .,

>>>>> ردود الأعضـــــــــــــــــــاء على الموضوع <<<<<
==================================


حبيبتي اصبري الدنيا رايح يضحكج ...
ادرسي عدل علشان تعيشي امج احلى عيشة ...
وادعي ربك انج لا تحتاجي احد ...
ادرسي
ثم
ادرسي
ثم ادرسي
ووفقك الله تعالى ان شاء الله ما تحتاجي احد غير ربك


__________________________________________________ __________

الله يصبرك ويعوضك أنتي أصبر وادعي ربك هذا هي الحياة لازم نصبر


__________________________________________________ __________

حبيبتي والله الله يصبرج يعني انتي صغيره ما شاء الله لا تخافين وان شاء الله يكون وياااااااااااج ولوتبين تكونين ربيعتنا عااااااااااااادي ونتشرف ...الله يوفقج ولا تقاطعين ها المنتدى ..نبا نعرف احوالج دوم ..


__________________________________________________ __________

ان شاء الله تتخرجين من المدرسة وتدخلين افضل الجامعات وتتوظفين وتشيلين امك
ولاتحتاجون لاأي أحددد
وثقي بالله أنه راح يعوضك عن كل سنين الشقى والتعب والحرمان
من توكل على الله كفاااااااه
وحنا حالنا ماتفرق والله عن حالكم بشئ اي اذا مو اعظم
والحمدلله درسنا وتعبنا وسهرنا الليل وقريب نتوظف ونشيل نفسنا
بس أنا معاك الواحد في هالحياة يحتاج مساعد ومعين وضهر يستند عليه
خصوصا حنا في السعودية ووين مارحتين والا بغيتين تسوين شئ قالو لك لاززم رجال
واللي ماعندها رجال تبوق مثلا اليها رجال عشان سواد عيونهم


__________________________________________________ __________

دعواتي لك

واي مشكله عندك او حابه مساعده احنا بحسبة خواتك والله
لاتستحين ولا تتردين الله يسعدك ويقوووووووويك يارب ويخليك امك

ويحن على قلوب اخوانك يارب
((الدنيا وانا اختك ماتبقى ع حال))
وتفألي لين يجي اليوم الي تسعدين وتسعدين فيه امك امممممممممين يارب