عنوان الموضوع : انا السبب ..بس لاني احبها الطبيب يجيب
مقدم من طرف منتديات نساء الجزائر

انا السبب ..بس لاني احبها



السلام عليكم ورحمة الله وبركاته
انا مشكلتي مع اختي اختي حبت واحد من العائله بس هو فقير مول ولكن هو على اخلاق ومؤذن ولكنه مب متعلم ووافد وهي مواطنه وما يبا يكمل تعليمه واختي انسانه متعوده على الطلعه ودايما تبا فلوس من امي على عكسنا احنا المهم ها الشخص كان يحب وحده مب متحجبه ورفضته لانه اصغر عنها بواااايد وهي من العائله ولما يا عندنا في الدوله جلس ويانا وحبني انا وانا كنت اعرف بس ما اسويله سالفه ابدا لاني اعرف انه شخص مب مناسب لا ماديا ولا حتى فكريا فلو اتزوجته بتبهدل المهم وبعدين حب اختي وكان بيتزوجها وكل اخوانها رافضين ها الزواج الا الام والاب لانهم كبار فأهله اقنعوهم ففيوم كان بيي واحنا خارج الدوله فقلت لاخواتي انه بيزوجها وانا اعرف انه الزواج ما بيتم وفعلا حصلت ضرابه كبيره وما تم وطبعاااااا انا السبب اعرف بس انا قلت في نفسي احنا صغار وامي وابوي ما يعرفون مصلحتها ويمشون وراء اي شيء سبهلله ما يفكرون بعقب والدليل اخواتي متزوجين واطلقوا لا حول ولا قوه الا بالله فقلت ما ابا اختي هاي تتبهدل نفس خواتي ليش يعني كلهم يعيشون بتعاسه والمشكله انه ها الشخص ما يساعد اهله ويخلص فلوسه وامي تصرف عليهم بس هو على اخلاق ودين بس بعد مشكلته انه مخلي خواته يلبسون ضيق مررررره ويسون بف وما يكلمهم يعني هو لو مدين كان غار عليهم ودايما يقول انا ما ابا وحده وافده ابا وحده مواطنه عشان اضمن وجودي بالدوله بس هو صدق كان يحب اختي واختي كانت تحبه فهل انا غلطانه في اللي سويته ......................؟ وهل بيي يوم اندم لو اختي اتزوجت وكان زواجها فاشل بعيد الشر بتقول يعني في نفسها يا ريتني خذته ؟ بس والله لاني احبها وما اباها تتبهدل وهي انسانه ما تستحمل .

>>>>> ردود الأعضـــــــــــــــــــاء على الموضوع <<<<<
==================================


بصراحه مفروض ماتدخلين هذا قرارها وتستحمل نتايجها

اما انتي تققرين عنها لو اختك بيوم ماسعدت مع احد ثاني انتي السبب


__________________________________________________ __________

هي صغيره كانت يعني كان عمرها 16 سنه ومن كام يوم قلتلها ....عادي تاخذين واحد راتبه عشر تالاف قالتلي لا طبعا انا لما ايي اخذ واحد لا زم راتبه عشرين الف وفوق ....فما بالج بها الشخص اللي معاشه 3 او 3 ونص وها الموضوع حصل من سنه والسؤال اللي سالته البارحه سالتها ها السؤال فيعني لو كان ما يهمها كانت وافقتني بالسيط وبس ولكن مشكوره ..


__________________________________________________ __________

انتي الي سويتيه صح لمصلحه اختك
(((((((وده يضمن استقراره في بلدكم - اخواته غير محشمات)))))))
بالعربي مصلحجي


__________________________________________________ __________

مفروض مادخلتين نفسك بالهموضوع اقصى شي تسوينة انك تنصحين اختك وتخلي الامر يعود لها هي لانه هدا عمرها هي ومصيرها هي مومصيرك نصيحتي تحكي كل اللي صار لاختك حتى لو زعلت منك شويا المهم انك تصفين ضميرك ودمتك معاها حتى لاتحملين دنبهاوتانيب الضمير طول عمرك


__________________________________________________ __________

بلاكم هي اتعرف اني انا اتصلت