عنوان الموضوع : أتزوج والا لا...بالله عليكم جاوبوني أبكي الليل وأسرح بالنهار مجابة
مقدم من طرف منتديات نساء الجزائر

أتزوج والا لا...بالله عليكم جاوبوني أبكي الليل وأسرح بالنهار



بناااات جاوبوني أتزوج وإلا...
خايفه من لمن عرفت عن غشاء البكاره وانا أعصابي تالفه ما عدت اقدر أستحمل كل يوم أتذكر الاشياء اللي كنت أسويها من لما كنت صغيره ولحد ما عرفت عن غشاء البكاره لكن الشي الوحيد اللي يريحني أني ما أتذكر انه جاني يوم ونزل مني دم...
امي زادت علي الطين بله لما قالتلي" انت غير عن خواتك غشائك مثل الكيس ونسيت أخلي الدكتوره تفحص عليك بس لما جاتك الدوره اول مره تطمنت امي اني طبيعيه" ....مع هالكلام كانه احد صب علي ماي مثلج... وألحين لما جوني الخطاب قررت امي اني أفحص عند دكتوره وانا مرررره مستحيه وخايفه ف نفس الوقت أستشرت خواتي الثنتين المتزوجات وقالولي مافيه داعي تفحصي أنت إن شاء الله سليمه وما فيه شي يخوف ولحد ألحين لا فحصت ولا تزوجت عمري24...ألحين ولد خالتي خاطبني واهلي موافقين ومستانسين بس انا خايفه..
أرجوكم انصحوني.؟؟؟

>>>>> ردود الأعضـــــــــــــــــــاء على الموضوع <<<<<
==================================


ياااااااقلبي ليش خايفة

رووووحي افحصي علشان انتي ترتاحي وتتزوجي

تقولي مستحية .. طيب لو كنتي حامل راح تكشفت عليك الدكتورة >>> بتقولي أستحي بعد ؟؟

ومن بيولدك ؟؟ بتقولي أستحي ؟؟

رووووووحي افحصي مو علشان انك فاقدة غشاء البكارة ،، علشان انك وسواسية

لكن ليش ما تريحي عمرك وتفرحي مع أهلك وتشوفي حياتك الجديدة مع ولد خالتك؟

ما تحلمي بفستان العرس وشهر العسل وكيف راح تكون لذة أيام الخطوبة ووووووووو

كل هذا بتحرمي نفسك منه؟


__________________________________________________ __________

اصلا انتي شكلك بتذبحين نفسك من الخوف والتفكير والوسواس بحكاية ال.......روحي للطبيبة وافحصي وريحي نفسك بدل التفكير الي مايجيب نتيجة يمكن وانامتاكدة انك سليمة بس عشان تطمني روحي افحصي وعيشي حياتك مثل كل البنات وتزوجي


__________________________________________________ __________

حبيبتي لا تخافين ولا اذا مانزل دم بأذن الله
انك بنت واذأخايفه روحي الدكتور مافيها شي
لاتقولين استحي مصيرك بتكشفين عند
الدكتوره (اذا كنتي حامل راح تكشفين
واذا بتولدين راح بعد تكشفين)‏
يعني لا تستحين وبأذن الله بنت تطمني
حبيبتي الله يسعدك


__________________________________________________ __________

اختي افحصي و تزوجي ..<< وان شاء الله ما صاير الا الخير ..


ربي يوفقك ...


__________________________________________________ __________

وعليكم السلام ورحمة الله وبركاته
ياعمري اولا الف مبروك الخطوبه
وان شاء الله تجين تطمنينا بعد العرس
وروحي للدكتوره واكشفي والحمد لله عندك والدتك راح تكون وياك وماعندك شيء تخافين منه ان شاء الله

تحياتي لك غاليتي