عنوان الموضوع : في احد عنده مثل مشكلتي الطبيب يجيب
مقدم من طرف منتديات نساء الجزائر

في احد عنده مثل مشكلتي



هلا يا بنات احلى منتدى
عمري 18 سنة ما ادري ليش احس اني موب طبيعية يعني على طووووووووووول افكر بالزواج يعني اذا بروح ويا امي اي تجمعات لللنسوان اقعد افكر هذي شالبس وشاسوي بشعري عشان يمكن تنعجب فيني وتاخذني حق ولدها خخخخخادري هبلة وستين هبلة بس انا شذي افكاري شسوي
اذا قمت من النوم بطلت عيوني رجعت سكرتهم وقعدت ساعة ونص بالتخيلات يعني اتخيل اني قاعدة مع خطيبي او زوجي (بس كلام يعني موب تخيلات جنسية)
ولا وبعد وصلت تخيلاتي لما ادري اي حلقة بس تزوجت وانا حامل هههههه بالتخيلات طبعا
طبعا اذا بتسألوني عن الشخص اللي معاي يازعم انه زوجي هو واحد من الخيال انا اخترعت اوصافه واسمه وكل شي يعني موب واحد من اهلي او اعرفه
انا ما ادري هل كل اللي بعمري شذي افكارهم بالزواج
انا ما اقول ان الزواج همي ابدا هو بالحقيقة اخر همي لاني مهتمة بدراستي والحمدالله متفوقة وحتى لو يجيني الملك نفسه ولا ملياردير ما اقبل اللحين لاني مستحيل اتزوج غير لما اكمل جامعة لان الدراسة عندي اهم من الزواج
وغير كذا انا هذي السنة بعد العيد ان شالله بتكون اول سنة لي بالجامعة يعني للحين ما دخلتها والمصيبة اني عطول اتخيل ان في واحد معجب فيني ولحقني وراح يخطبني اففففف
وولعلم يعني انا جميلة ومن وانا 13سنة قاعدين يتقدمون لي يعني لا تفهمون كلامي اني وحدة شينة تبي احد يناظرها
بتقولون ادعي ربج يرزقج بالزوج الصالح .......الخ

عايلتي مثقفين يازعم مسوين كل واحدة لازم تتزوج عقب ما تحصل شهادة الجامعة واللي تتزوج من عايلتي وهي ما دخلت الجامعة هذي وحدة فاشلة ووووووكل المسبات تطيح عليها
يعني عندنا نص بنات عايلتي مخطوبات وفي شرط انه تكمل الجامعة بعدين الزواج
بتقولون عيل اقبلي الخطوبة واجلي الززواج فانا باقولكم محد يقبل خطوبة اربع سنوات الا اذا وحدة متعرف عليها ويحبها وانا موب مالت هالخرابيط والتعارف والحب قبل الزواج اصلا عادات اهلي ما تنفع مع هالشي ولا وبعد امي مشترطة علي ما اقبل خطوبة غير بأخر سنةجامعة ولزواج بعد الشهادة لانها ما تبي فترة خطوبة طويلة
بنات ساعدوني ابي اتخلص من هالتخيلات اللي تييني والله ماصرت ما اقدر انام قبل ما اتخيل واسوي قصة بعدين يجيني نوم
ادري كلامي ملخبط الله يعينكم هههسامحوني
وصياما مقبولا بإذن الله

>>>>> ردود الأعضـــــــــــــــــــاء على الموضوع <<<<<
==================================


مراحب اختي رمضان كريم والله مادري ش قولك بس عادي كل انسان يتخيل وانشالله الله يرزقك الزوج الي تحلمين فيه ولا بعد حامل منه ههههههه الله يوفقك


__________________________________________________ __________

عاااااااااادي جدا

اهتمي بالدراسه ولاتشغلين بالك


__________________________________________________ __________

عادي ياعمري هذه والله اعلم تسمى احلام اليقضة
كلنا مرينا فيها وتروح مع الوقت بس انتي اشغلي وقتك بدراستك ومستقبلك
الله يسر امورك امين


__________________________________________________ __________

اصلا ما كملت مشكلتك لان عادي وطبيعي جدا
وانا كمان هيك كنت ولا زلت يمكن خخخخ
يعني نألف ونتخيل حلقات وسيناريو وحياتنا وزواجنا والحمل على كولتج لا وبعد ابشرج صار كم طفل عندي وكبار
هههههههههههههههههههههه


__________________________________________________ __________

ههههههههههههههههههه
ياحبيبة قلبي
راح احكيلك قصه قديمه من واحنا صغار نسمعها من اهالينا
هي شبه مثل يقال للانسان الذي يتخيل ويحلم كثيرا
ولكنه مثل لطيف ومضحك
راح احكيه بس عشان تضحكي وتعرفي انك مو غريبة الاطوار وانما فيه ناس مثلك منذ الازل
الحكايه اسمها
ام الشقّيقايه
وقلتها وكتبتها باللهجه الموصليه
هذه قصة وحده بنت كثيرة التخيل والاحلام بالزواج وانجاب الابناء
في يوم من الايام وهي جالسه وصامته ودون ان تتكلم صرخت باعلى صوتها وصارت تبكي بحرقه وتلطم على خدودها وتمزق ملابسها من جزعها وبكائها
ههههههههههه
سألوها الناس اللي جالسين وياها ايش القصه؟؟
مالك تبكين وتلطمين بحرقه
اثاري البنت كانت تحلم بالزواج والحياة السعيده مع فارس الاحلام وقد انجبت طفل بديع الحسن والجمال
وكان هذا الطفل يلعب على حافة النهر
هناك ورود اسمها الشقّيق باللهجه المصليه وهي ورود حمراء جميله جدا وطبيعيه تنبت في فصل الربيع والذي هو موسم فيضان الانهار
وكان ولدها يلعب ويركض وقطف احدى زهور الشقيق واثناء ركضه جاءت موجه من النهر وغرق الطفل
هههههههههههههه
وصحيت المسكينه من حلمها وهي تصرخ وتبكي على ولدها الذي غرق

انتبهي حبيبي على الولد وخذي بالك منه
لايكون يغرق بالنهر مثل ابن ام الشقيقايه
ههههههههههه
اسعد الله ايامك ورمضان مبارك علينا وعليك وعلى كل اللي تحبيهم وعلى امة الاسلام
تحياتي لك غاليتي