عنوان الموضوع : جدتي خلتني بالعمر مثلها قدام الناس -تم الاجابة
مقدم من طرف منتديات نساء الجزائر

جدتي خلتني بالعمر مثلها قدام الناس



السلام عليكم ورحمة الله وبركاته..

بصراحة أنا راح أدخل في موضوعي بدون مقدمات..


انا جامعية عمري 27 سنه متوظفة الحمدلله
أنا محبوبة كثير من الكل ولي حضوري الخاص ووجودي
وجمالي لابأس به اشبه الفنانة ميساء مغربي
ولكن مع هذا مالي نصيب في الزواج ابداً..

كنت احب ولد عمي ولكن كان اصغر مني تقريبا بـ 6 شهور ولكن للأسف ماكتب ربي ان احنا نكون مع بعض والسبب امه وعمي طبعا والعذر اني اكبر منه
طبعاً هو الان تزوج وانا للحين باقي
ابوي سمعته سيئة جدا جدا
لايصلي ولايصوم اهله وحتى الجيران يكرهونه
ماعنده اسلوب ابد
بعكسي انا وامي واخواني جيراننا يسألون عنا ولايسمعون فينا
طبعا مثل ماوضحت لكم بأول موضوعي عمري 27 سنه ماتقدم لي فيها ولاواحد غير ولد عمي
انا ماهمني ولا اكبر همي اتزوج بالعكس انا عايشة حياتي ومبسوطة بوظيفتي وعارفة ان هذا نصيب ولكن قبل رمضان كنا مسافرين عند جدتي وكان في عزيمة كبيرة مررررة وبعد العشاء جلسنا نشرب شاي ونحلي الا وتطلع جدتي بسؤال علي مدري وش يبي
قالت لي كم عمرك انتي ؟
انا انصدمت قامت زوجة عمي وقالت عمرها 29 عجوز
قالت جتي يووه عجوز خلاص انتي مالك جلسة عند ابوك
قلت انا هااه وين اروح اجل
قالت روحي بيت زوجك
ياحليلك ياجدتي عند الباب واقف الحين بروح اخذه واتزوجه حشا امريكية طلعت
المشكلة قدام الناس ليتهم اهلي ماعندي فيهم عادي
بس الناس اللي فجأة كلهم قاموا يناظروني تقولون اول مرة يشوفوني

والله مااكذب عليكم حزت بخاطري مررة
والمصيبة بنت عمي تقول كنا نسولف مرة عند ناس وجبنا طاريك وقالت ايه هذي عجوز كبري ماتزوجت طايحة في كبد ولدي اللي هو ابوي
وهي ع هالموال اي احد يسأل تقول عجوز كبري

والحين متقدم لي واحد من جيراننا متزوج وعنده 3 اولاد
وتقدم لي اكثر من مررة
الرجال نعرفه زين ونعرف اخلاقه
عمرة في الثلاثينات وماشاء الله عليه يصلي ويصوم وراعي عقارات
لما سألناه عن سبب زواجه قال ابي وحدة فاهمة الدنيا ودلوعة
زوجته مافيها عيب لكن هي في نظرتها ان المرأة بس في المطبخ ماتهتم في شي ثاني ابد..

وانا محتارة اوافق او لا

شوروا علي..

>>>>> ردود الأعضـــــــــــــــــــاء على الموضوع <<<<<
==================================


يسعدني اكون اول وحدة ترد عليكي

صلي استخاارة وشوفي اذا انتي قد انك تعيشي مع ضرره ,,
وبصرااحة جدتك ماعندها ساالفة اجل 27 وكبرهاا ,,
علعموم الله يفرج همك ويرزقك الزوج والذرية الصاالحة ويريح بااالك
موفقة


__________________________________________________ __________

استخيري احسن شي بالنسبة ليا ما افضل اتزوج واحد متزوزج لو ايش كان عمري فانتى استخيري احسسسن شي


__________________________________________________ __________

الافضل انك لا تتزوجيه

صدقيني لن تطيقي العيشه مع رجل متزوج واحدة غيرك وصدقيني انه لن يستطيع ان يعدل بينكم مهما حصل

وان تزوج ثانية فأنه سيتزوج ثالثة ورابعة

لا تفقدي الامل ربما ستجدين الرجل الذي سيكون لكي انت وحدكي فقط ولا تشاركيه مع غيرك


__________________________________________________ __________

حبيتي صلي استخاااااااااااره وربي يوفقك

بس انتي حطي في بالك انه متزوووج واذ كنتي قدها على الضره واااافقي

ولاتنسين ان عمرك27 في مجتمعنا كبيره وبيفوتك قطاااار الزوااااااج ((والله يكتبلك الي فيه الخير يارب


__________________________________________________ __________

لاتتسرعي وربي اعرف وحده عمرها في الثلاثين كل ماتقدم لها واحد رفضت عشانه متزوج وبالاخير فرجت وتزوجت واحد مو متزوج ؛؛ الله يكتب لك الي فيه الخير؛