عنوان الموضوع : وسواس الشك والنت -لصحتك
مقدم من طرف منتديات نساء الجزائر

وسواس الشك والنت



مشكلتي تتلخص بالاتي وارجو الرد من ذوي الخبره والاختصاص والاخوات اللي بحبوا ذلك
انا متزوجه الي عشر سنين وعندي اربع اولاد زوجي بحبه وبحبني بس عمره ما عبر بالكلام حياتنا طبيعيه جدا كاي عائلة لحد الملل
بشعر معاه باني ماالي شخصيه ابدا امامه فاذا صار اي خلاف او سوء تفاهم ما بقدر احكي او اناقش معاه لالانه حتى لو الحق عليه يقلبه علي
فاصبحت يوم ورا يوم اسكت واسكت
هو يريد ان ارى الخطا واسكت
الان اجته سفره تعاقد للبحرين لانه هو مدرس اصلا وبدو يسافر
اثناء هذه الفترة يجلس عالنت لفترات طويله انا اثق فيه جدا وهو بعرف هالحكي ومشارك بمنتديات كتيرة ومصاحب مدرائها وبحكي معهم تلفونات باستمرار انا صرت انزعج من هالقصه لانه ما بحكي غير بوقت متاخر وانا بكون هلكانه طول اليوم وبس بدي انام شعر معي بالموضوع وصار يطلع يحكي بره الا انه مره من المرات رن تلفونه وحكى الو بنبرة واضح انها مش لواحد بعدين فصل الخط وللعلم كان جدا تعبان وراجع هلكان لانه بعمل حالياباجراءات السفر حتى انه خلى ابنه يشتري له دخان الساعة عشره باليل ولا انو يطلع هو لكن بس رن تلفونه وفصل صارا جا على باله يشرب بيبسي وبدو يطلع يحكي بره حكيت له خلص احكي هون حكى لي عشان ما تنزعجي بطلع بره طبعا انا ظليت متوترة احكي بصراحه ولا لاْ
لغاية ما سالني ليش متنكده وزعلانه بصراحه احكي انا فكرته بني ادم وممكن يستوعب لكن الطبع غلب التطبع وعلقت معاه انا امي بترن وبتفصل اختي بترن بتفصل لازم يعني اكون بحكي مع بنات .........................
وغيره من الحكي اللي بسم البدن نسينا الموضوع وهديته واعتذرت له
قبل يومين اكتشفت عالكمبيوتر عالهيستوري انو في رسائل بعتها لوحده وكاتب فيها ارغب بالتصال بك انسه وكاتب اسمها ومن وكاتب اسمه

طيب شو بدي اعمل اذا ضليت ساكته بنجلط لاني لازم اعرف مين هاي وليش واذا حكيت رح يقلب الموضوع علي واصير انا الشكاكه وهو ما بتفرق معه يمكن يحكي لي انقلعي عند دار ابوك وانا مش حابه يصير زعل خاصة انو على سفر لانه اول مرة لما عاتبته عالتلفون صرت انا اللي منكده عليه وضيعت فرحته واني لازم حتى لو شفته بحكي مع وحده مش منيحه لازم اسكت وما انكد عليه
شو اعمل والله اني مخنوقه وحاسه حالي جبانه وخويفه
مع العلم انو معاملته الي كتيير منيحه وشو ما بدي بساوي وبمزح ومش مقصر معي باشي

>>>>> ردود الأعضـــــــــــــــــــاء على الموضوع <<<<<
==================================


انا بصراحة زعلت عليكي كتير مع اني ما عندي خبرة كتير بهالمواضيع بس بدي احكيلك رأيي انت لازم تتأكدي قبل ما تفتحي معه الموضوع وحاولي بهاي الفترة تحكيله متلا انك سمعتي شيخ بحكي عن انه حرام الرجال والمرأة يحكو مع بعض حتى لو بالمراسلة يعني كإنه موضوع عادي ما تحسسيه انه عنه يعني مدام انه منيح فحاولي انك تحكيلو من ناحية الدين وانت كمان حاولي تغيري حالك واذا هو ما بحكيلك كلام حلو انت احكيلو واعملي شوية تغييرات بشكلك يعني حاولي تكوني رومنسية معه وانشاء الله ما يطلع ظنك في محله وانا اسفة اني طولت عليكي بس بصراحة تعاطفت معك


__________________________________________________ __________

حبيبتي انا حكون صريحه معاكي جدا جدا ولاتزعلي من كلامي

اول نقطه بتقولي يتكلم مع مشرفين المنتديات اخر الليل ويطول معاهم

" يكذب عليكي يكلم بنات"

ولا في احد يكلم مشرف منتدى في اخر الليل؟؟؟ وجلساته ع النت الكثيره تدل على هذا الشي انه بيتعرف على بنات ..

ثاني نقطه مهمه..

هوا طيب معاكي وبيديكي كل شي عشان يغطي على تصرفاته ومايخليكي تشكي

ثالث نقطه

دايما الرجال اذا كان على خطا او انكشف يعصب ومايخلى مجال ..ونادرا جدا يعترف ولازم يطلع الحرمه غلطانه ويوهمها انها موسوسه ..وهذا اللي بيعمله معاكي

..

نصيحتي لكي تفتحي عقلك شوويا لانك " طيبه زياده عن اللزوم"

ولازم تفهميه انك فاهمه كل حاجه ومنتي راضيه بلي يصير

هذا وهو معاكي بيعمل هيك كيف لو سافر

الرجال مع احترامي لكي مايحب البنت الغبيه وانا ماقصد شي بكلامي

لاتعمليلو مشكله وتصرخي وتبكي

بس لازم تلمحيلو انك فاهمه كل شي ..

اتمنى اكون ساعدتك وماتزعلي مني دي الصراحه


__________________________________________________ __________

ان بعد الظن اثم

حبيبتي اذا كنت واثقة من زوجك ولاحظت شي بيزعجك من كثرة بقائه على النت انصحك الا تبيني له الامر بانك منزعجة من افعاله فلربما مافي شي وبس وسواس يوسوسلك وهيك تظلميه حاولي انك كل مايكون على النت اجلسي بجنبه وماتبيني اي شي وشوفي حركاته واكيد تشوفي وترتاحي بنفسك اذا ارتبك او حاول ابعادك او قام من النت او او او بدون مايحس اعيدها واكررها يعني اسلوب طبيعي جدا واذا لاحظتي اي شي مو طبيعي فاتحيه في الموضوع


__________________________________________________ __________

الاخوات ان شاء الله يفيدونك


__________________________________________________ __________

حبيتي لازم تصارحي زوجك انك عرفتي انو يعرف بنات حبيتي الزلمة ما بينفع تكوني طيبة معهم لازم تكوني جادة وقوية ليش انتي مخليتها هو الامر الناهي لازم انتي يكون اللك راي قوي وصريح حبيتي الزلمة ما بيحب المراة الضيعفة الطيبة اكثر من الللزوم بيحب المراة القوية المنفتحة الجريئة اكيد وانا اسفة على كلامي لكن انتي طلبتي النصيحة واريدج انا اكون صؤيحة معك اكيد انتي مقصرة معها لا اقصد النوم ولكن الزلمة يحتاج الى الكلمة الحلوة والقلب الحنون قبل اي شي اجلسي معها وقولي لها ما الشيء الذي لا يعجبك في وانتي قللي لها عيوبه وفي اسرع وقت قبل سفرها حتى لا يكون بعيد في المكان وعن القلب وذكرها بالاولاد حتى يضع مخافة ربنا امام عيناه
اسفة على الكلام ولكن احبت انا اقدم النصيحة واللهع يوفقك ويصلح زوجك