عنوان الموضوع : تكفون اعطوني رايكم في همي -لصحتك
مقدم من طرف منتديات نساء الجزائر

تكفون اعطوني رايكم في همي



السلام عليكم ورحمة الله وبركاته
في البدايه والله ماادري شنو اقول بس راح اترك مشاعري والشعور اللي احس فيه هو اللي يكتب انا بنت عمري 26 سنه عندي مشكله من يوم وانا صغيره وهو ان امي دوم تهز ثقتي في عمري كنت دوم تقول لي انتي مو حلوه انتي ما كانك بنتي كنت دايم احس اخواتي احسن مني في كل شي حتى مع الناس كانت دوم تمدح اخواتي وانا لا على الرغم ان انا الصغيره وفي موقف في بالي حتى لحين كان في وحده من العائله تضحك على شكلي تصوري امي جلست تضحك معه كنت اسوي عمري ماافهم بس وربي كنت اتقطع من الداخل ومرت الايام وانا كنت اشوف الكل احسن مني حتى دخلت المدرسه ومع مراحل المدرسه كنت اسال صديقتي اقول لم انا صح مو حلوه يقولون ليه تقولي كذا اقول اهلي يقولون يحلفون انك انتي وربي مو شينه ويمدحوني وانا احس انهم ما يبون يقولون الحقيقه
حتى امي كانت تاخذ اخوات معها وانا لا صح مو غصب عني بس ماكنت ابي اروح كنت احس كلهم يقولون نفس كلام امي طبعا امي كنت تضربني وتتكلم علي وساعات كثير تجرحني وساعات كان ابوي يوقف معي لان يحس بمقدار الظلم اللي علي وفي يوم صارت مشكله بين ابوي وامي ومن تحت راسي واخواني قاموا يلوموني انتي السبب ومن هالكلام
وامي قالت خلاص انا راح اسافر عند اهلي بحكم ان حنا في منطقه ثانيه
وقالوا اخواني لازم انتي تحلي المشكله حاولت معها بكيت ترجيتها قالت ما راح ارضا الا لما تبوسي رجلي وقدم اخوانك كلهم وسويتها بس وربي تمنيت على قد ما شفت في عيونها الحقد علي اني ميته المهم مرت الايام
ودخلت الجامعه ونجحت طبعا مااحد يلاحظ على شي لان انا اضحك واسولف واقول اكيد مو بس انا اللي كذا اكيد في غيري كثير وكنت اقول راح تتغير مع الايام بس اللي صار انها زادت المعامله سوء اكثر من قبل
بالعكس صرت كرهت حياتي اكثر لان باختصار صرت زي الخادمه مع وجود الخادمه بس اطبخ لها واهتمام بااخواني وربي ان هالاشياء اقوم فيه من طيب نفس يعني بس لو احس بشوي تقدير بس العكس اللي يصير الطبخه هذه ملح زياده القهوه ثقيله وغيره وغيره مع ان اللي يذوق معها يمدح من اخواني وبعدين صارت تمنعني من صديقاتي وربي صرت اطفش بس بروحي لو تروح اي مكان وتدق التلفون تقول مع مين مشغول واحس انها تدقني بالكلام يعني باختصار مو واثقه فيني اخواتي صاروا يتكلمون معها بس هي من النوع اللي انا معي الحق حتى مااحد يقدر يتزوج لا انا ولا اختي لان امي كثيرت طلبات وتحب تتحكم في ازواج اخواتي وتدخل في كل شي حتى بالميزانيه حتى كانت سبب طلاق اختي لان زوجها ما قدر يستحمل يمكن حتى اخواتي يعانوا منها في هالناحيه بس علشان اكون صادقه
تصور في العيد اللي راح وحده تقول لاختي والله ان كنت ابي اخذ اختك لاخوي بس صراحه هو رفض يقول امك ما تشجع ما تدرون قد شنو انا مقهوره في حياتي ولحين مافي البيت الا انا بنت وكل غضبها على راسي وكل المشاكل في راسي والله والله والله ساعات تدعي على بدوووون سبب
((صراااااااااحه ماادري وش اسوي لا وظيفه ولا زوج ولا ام ولا عيال ولا شي الا الهم والغم استغفرالله بس ماابي ربي يغضب مني علشان الاسباب )) ياررررررررررررررررب يروح همي وربي تعبانه يااخواتي

>>>>> ردود الأعضـــــــــــــــــــاء على الموضوع <<<<<
==================================


همك مو كبير عند ربك ادعي وصلي لربك والله ما اقول الا الله يهدي امك

ان شاءالله احد يفيدك شي من نصايحه الحلوه


__________________________________________________ __________

حبيبتي انتي مشكلتك مع امك مثلي بس الفرق انه جدتي اللي هي امها كانت تدعي لي بالزواج من الظلم اللي كانت تشوفه علي ...وفعلا تزوجت وماتركت لها مجال تتحكم بحياتي وزوجي كان صابر معي ..بس اسمعي ياقلبي استغفري كثير وادعي ربك انه يرزقك الزوج الصالح وانا راح ادعيلك في الحرم .. بس ان احد جا وتقدم لك وافقي وتحملي مبدئيا شروطها ..وبعد الزواج لاتسمحين لها ابدا تتدخل بحياتك حتى لوعلى حساب
انهاتطردك من البيت ..صدقني في نمادج امهات ....حرام فيهم كلمة ام ...والله يكون معك ياقلبي


__________________________________________________ __________

الله يفرج هممك يااارب الله يفرج همك

ادعي ربك في كل صلااة

الله يرزقك الزووج الصالح ياارب


__________________________________________________ __________

اللــهم فرج همها وحنن قلب امها عليها .. اللهم ارزقها بالزوج الصالح اللذي يسعدها


__________________________________________________ __________

الله يفرج همك ويرزقك الزوج اللي يعوضك كل الحرمان ..