انا السبب فرقت اخويا عن انسانه يحبها موت مجابة
عنوان الموضوع : انا السبب فرقت اخويا عن انسانه يحبها موت مجابة
مقدم من طرف منتديات نساء الجزائر
انا السبب فرقت اخويا عن انسانه يحبها موت
اهليييين صبايا مساء الخير \\ صباح الخير
راح ادخل بى الموضع ع طول ومعليه راح اتكلم بى الغه العاميه ...
المشكله هيا بين اخويا وبين بنت يحبها بى جنون بس ولله ما كنت اعرف انو حبها ويموت فيها زى كدا
مره كنت جالسه فى غرفتى واستغربت دخول اخويا على وباين علا وجهى انو عندو كلااااام كتير عطانى رقم وقلى اتعرفي على البنت هادى وتعرفت عليها وكانت بجد البنت اخلاق ومرر طيبه لى ابعد الحدود البنت هادى اخوى اتعرف عليها طبعا وين ما ادري المهم انو اتعرف عليها ويحبها ويموت فيها يعرفو بعض فوق سنتين داك اليوم قلى اخوى انو يبغا يتقدم لها بس مو عارف كيف يقلها انو يبى يتقدم .... ع فكره اخوى عمرو 20 سنه وهى بعد عمرها 20 سنه قد بعض فقلى انتى قولها وافتحى معها الموضع انا هنا انصدمت لمن قلى انو يغا يتزوجها لانو بنت خالتى تحب اخويا مرره وهيا يتيمه فقلت له بلا جنان بنت خالتى تحبك قلى بس انا ما احبها بصراحه انا هنا قلت البنت هادى لازم تبعد عن اخويا اتصلت ع البنت وقلت لها ترا بنت خالتى تحب اخويا فرجاااء ابعدى عن اخويا خلاص انا هنا غلطت وعارفه انى غلطانه بس ذيك الساعه فكرت فى بنت خالتى يتيمه مالها لا ام ولا اب فقلت بنت خالتى اولا من البنت الغريبه
المهم البنت بدت شوى شوى تبعد عن اخويا وكان كل يوم يقلى احسها متغيره معاى مرررره مدرى ليش المهم واول مره من يوم ما اتعرفو ع بعض يمر اسبوع وما تكلم اخويا اخوى راح يجن والسبب انا منى قادره اقول له انا ايش سويت انا السبب فرقتهم عن بعض بس ولله عشين بنت خالتى انا حاولت اكلم البنت بس هيا ما ترد على ابد او تقفل جوالها ارسلت لى رساله قالت انا احبو صح ولو ادرى من زمان انو بنت خالتو تحبو وهو يحبها ماكان استمرنا مع بعض ومن بعدها جوالها مقفل ولمن ادق ع تلفون البيت يصرفونى هيا فهمتنى غلط انا قلت لها بس بنت خالتى تحبو هو ما يحبها
قولى لى ايش اسوى اروح افهما الموضوع فى بتهم لانو مافى غير هادا الحل بس اخاف لمن اروح ما تعطنى وجه اخويا راح يتجنن علها
عارفين اخوى ايش قلى لو خلصو بنات العالم كلو ماراح اتزوج بنت خالتى انا اعتبرها مثل اختى
ايش اسوى يا بنات مالى غيركم بعد الله
افيدونى الله يسعدكم انا مستعده اسوى اى حاجه عشين اخويا اهم حاجه يرجع زى زمااااان
>>>>> ردود الأعضـــــــــــــــــــاء على الموضوع <<<<<
==================================
حرام عليك انتي فكرتي ببنت خالتك ومااهتميتي بمشاعر اخوك بنت خالك بيجي نصيبها
وماتدرين لو تاخذ واحد كفو اكثر من اخوك بس انتي راح تخسرين اخوك وتكرهينه فيك
بس من قصتك انك مو من السعوديه لانك تقولين يكلمها وانا هنا اقول حرام ايش حب بالجوال
اللي يحب يتزوج مو يكلم بعدين يتزوج والله يكتب لهم الخيره وانا اقول روحي لبيتها واعتذري
لها وفهميها ان اخوك مايحب بنت خالتك انه يحبها هي بس 00
والله يهديهم ويوفقهم لما فيه خير يااااااااااارب @@
__________________________________________________ __________
أنا أقول لازم تروحيلها وتفهميها السالفه واعتذري منها
__________________________________________________ __________
الله يسامحك حبيبتي خلص الي صار صار ولو البنت طلعت كثير محترمة وهذا واضح لانها سمعت كلامك وسوت الي رديته
حبيبتي الحل الوحيد هو انك تروحي للبنت وتعتذرين منها وتفهميها انو اخوج يريد يخطبها
ووبذاك الوقت لما البنت تقتنع
تجين وتكلمين اخوج وتفهمي الموضوع وتكوليلة انج رحتي للبنت واعتذرتي منها وفهمتيها السالفة وتخلي يروح يخطبها
والله يوفقهم ان شاء الله
__________________________________________________ __________
روحي لبيتهم وفهميها السالفة
__________________________________________________ __________
احسن حل تروحي تفهيميها السالفه
دام يبغاها بالحلال
وقولي له لايكلمها حتى يملك عليهااا
بالتوفيق
رد مع اقتباس
