عنوان الموضوع : الدنيا انقلبت ضدي مجابة
مقدم من طرف منتديات نساء الجزائر

الدنيا انقلبت ضدي



السلام عليكم ورحمة الله وبركاته..

بدخل بالموضوع لان ماعندي مقدمات

اول شي عمري/ بدخل 13 قريب ان شاء الله

وحالتي الماديه 100%

بس حياتي الاسريه صراحه عذاب

اول شي ببدأ برأس المشكله لان قصتي

طويله وعريضه وبقولها بالتفصيل الممل ويبيلها تركيز

ابوي وامي علاقتهم ببعض كويسه الا يوم

جاء ذاك اليوم ( البيت الجديد )

صارت حياتنا زفت

عشان الفلوس (امي ساعدت ابوي بالبيت وتبي ترجع الفلوس وابوي يعيي)

وابوي وامي هواش قدامنا عاد كان عمري بوقتها 9 سنوات

وكلما ابوي شاف امي يصير هوااش وضرب حتى اخوي الصغير كان يصيح

وبعد هذا امي الله يهداها قامت تقلبنا على ابوي ومن جد انقلبنا على ابوي الا اخوي الاكبر واحد بين اخواني وكان بس يدافع عنه ,الا ان تدخلت خالتي وصارت دايم تحاول تبعد اخوي عن ابوي ,بس هو مايبي الا ان طلع ان ابوي يسرق من جيب اخوي () المهم اخوي صار مع امي

وامي خلاص حست انها نصرتها لان ابوي ماعنده احد الحين وتبي تعيش سنينها الي ضاعت لان ابوي ماسفرها ولا عيشها زي الناس من قبل ومن هالكلام

وجت خالتي تدخلت مره ثانيه وقالت لامي تقط ملابس ابوي بالحوش وتقفل بيبان البيت وابوي درا هنا خلاص حسيت ان مافيه امل يرجعون مثل اول , ابوي جاب عامل وكسر الباب تخيلوا امي وش سوت

جابت مسدس اخوي الكبير (هو ضابط )بس المسدس الحمدلله ماكان فيه رصاص وابوي
يصعوبه نجا

وهنا كثرت سفرات امي برا وصارت تقعد مع خالتي وربي كرهت خالتي من تدخلاتها لعبت براس امي وامي الحين احسها تشوف نفسها بقوه

سبحان الله مغير الاحوال

بعدين خالتي تدخلت الدخله الثالثه

والي هي علي ( انا g[106]



وصارت بس تعيب علي اني دبه

وقسم بالله اني موب دويره عاد يعني مليانه شوي قسم شووي بس ونا عااجبني وزني

الزبده مسكتها علي بشكل قوي لدرجه ان خواتي صاروا يتكبروون علي حتى اخوي الصغيير

بذاك الوقت احس اني كرهت نفسي وكرهت الحيااه كلش

وكل مال التكبر هذا يزيد حسييت نفسي ولا شي

ويوم صار عمري 11 خلاص بلغت ومن المعروف بهالسن البنت تتغير وحب الشباب يعني البنت تتغير

ونا تغيرت بدا حب الشباب يجيني بكثره

وشعري تغير صار مجعد

المهم خلاص امي قلبت علي بشكككللل وصارت تفرق بيني وبين خواتي وتنشب بيننا

وانهم جميلات اجمل مني ونا ولا شي مجرد وحده داخله عرض ولا تخيلوا مين الي يمددحهالا راحت عزومه (انا) من غبائي الزايد تخيلوا تسبني هي وخواتي ونا بس ابتسم وامدح

ويوم صار عمري 12 بدا حب الشباب يخف انا فرحت فرحه تشوفين طايره من السما

وصار فيه عزيمه انا تحمست استشورت شعري

شكلي تغير لان شعري لونه عنابي وطويل وكثير مره

وقلت خلني اكملها واحط مكياج المهم حطيت مكياج خفيف مرره

بس كنت ابي حب الشباب يروح المهم طلعت مثل ساندريلا

انا ناظرت نفسي بالمرايا ماعرفت نفسي

ويوم رحنا العزيمه كلللل الحريم قالوا ماشالله بنتك تهبل جميله احلا بناتك ومن هالكلام

وامي احسسها تنرفززت ليتها تنرفزت وسكتت

تخيلوا وش قالت

قالت لااا انتم لو تشوفونها بالبيت غووول

انا هنا انحرججت وبغيت ااصيييح قدام العالم يعني لهالدرجه هذي

دمعت عيني ورححتتت رككض برااااا

وصحت صيااح

وامي صارت ما تناديني بأسمي تقول ياخرتيته يا زفت يعني خلاص بان عليها كاارهتني كرره عشان الحريم قالوا اني احلا خواتي!!!!

وصارت تتقول لا تحطييين مكيااج شووفي نفسك صغييره قليله حياا

(بس انا عاندتها وحطيت يعني مستحيل اطلع للعالم وفيني حب شباب خصوصا ان شكلي وعقلي اكبر من عمري)


وعزيمه ثانيه قالوا بعد اني احلا خواتي

وقاامت تضحك زي المجنونه وتقول لا عاد في ذي وذي

( ع الاقل ابتسمي قولي شي يفتح النفس )

بس هالمره انا مااوقفت وسكت

برغم اني خجوله مررره

قلت بكل خجل وخوف من امي "كل الناس تقوله" وناظرت امي وخالتي بطرف عيني

وبذا العمر منطويه وبس اقعد بغرفتي

ومرره قريبه من صديقاتي اكثر من الي عندي

بس اطلع من غرفتي يصير هوشه حومو كبدي

وجا اليوم الثاني وكنت توني راجعه من المدرسه وبالسياره تهاوشت هوشه صغيره مع اخوي الصغير

واختي الكبيره كانت تهاوشني بالسياره

ويوم رجعت البيت على طول اختي راحت لامي وقالتلها السالفه ( ياخي قسم بالله عطيته خبطه خفييفه عشانه لعن فيني )

المهم وامي شالت الدنيااا اول شي كفختني بأيدها ونا اصيح ومستسلمه وهي ماتوقف ومرره متحمسه بالضرب وجابت عصااا تخيلوووا (شكلها تستناني اسوي شي عشان تصفقني ) المهم ونا طيررت عيني وقمت ادور بالبيت وهي ورااي بعدين حسيت فيه قوه دخلتني()

وقفت ومسكت منها العصا وقطيته وبدييت اصارخ عليها وقلت انتي زفته والبيت كله زفت مثلك ( اول مرره اسب صراحه يمكن من القهر )

وكانت تبي تصفقني صرت امسك ايدها وبدون احساس صرت اصفقها على خفيف وتقولي وقفي واحلف مااوقف الا لمين توقفين
( اووول مررره ) وبعد هالهوشه حسيت بشعوووورر غريب مااحسته من قبل شعوور السعادده

المهم امي سحبت مني الاب توب والبلاك بيري لانها شاريته لي ( عاد كان اغلى شي عندي)

وقللتلها طول حياتي بس شريتيلي هالشيين

يا يما مدري (.... اسمها )

وهنا صارت تصاارخ زي المجانين ونا عرفت السالفه بتجيب ساااطوور ورحت ركض ع غرفتي


واصيح صيااح واحس ان ابليس وراي ويكلمني يقول كفو كفو يا (....) كملي عليههههااا


خلااص حسيت بالقووه هنا وصارت تكلمني وكأنها ماسكه غضبها تبي تسوي مشكله عشان تكفخني ونا اكلمها بكلللل بروووووود حتى صارت تخاف مني يوم اخذت الاب توب بعد الهوشه قلتلهاوين الاب توب وكأني معصبه شوي قالت ماادري ماادري لا تسأليني



ومره ونا امزح مع اخوي الصغير واقوله ياثور تجي تصارخ تقول لا تقووووووووووووووووليييييييييييييييييييين ثوووووووووووووووووووووووووووور

حسيت ودي اصفقها بس قلت بكلل بروودد OK

ولا مره صفقت اخوي الصغير على مزااح صارت تقوول لا تكفخينه كسرتي شخصيته ( مع العلم انه خكري صف 3 ابتدائي )

هنا تحمست وقلتلهاانتي الي كسرتي شخصيته بدلع البننااات استحي على وجهك مادلعتيني من ونا صغيره تكفخيني

وهي تناافخ علي أمشي بجنبها ونا اضححك ومن دااخلي ابكي

ومن بعد ذا تصالحنا ورجعت الاب توب حقي والبلاك بيري

بس احسها للحين تكرهني ونا احاول اني ارضيهابكل الطرق اجيبلها هدايا يعني عشان تنسا الي صار

بس مانست واليوم يوم اخوي قالي البسي عبايتك احنا طالعين كنت بطريقي رايحه البس عباتي والا اسمعها تقول لاخوي لا تجيبها حومت كبدي

المهم رجعت وقلت مالي نفس اطلع

ابتسمت ابتسامه الرضا ( ايه الحين ترضا )



انفجر رااسي وماتكلمني الحين الا للمصلحه وروحي قولي لابوك جيب مقاظي البيت فااضي او روحي جيبي شنطتي تحت او روحي علمي الشغاله شلون تطبخ ذا وذاك وهي تروح وتجلس وتكلم هالرجاجيل بنص الليل

وعع حومت كبدي وبكل تغنج
.
.

ابي النصيحه قسم خايفه على نفسي خصوصا اني بسن المراهقه اخاف يأثر على مستقبلي

وربي مالقيت الا الله ثم انتم استحي اكلم احد عن مشاكلي وجه بوجه

افيدوني الله يخليكم يارب

>>>>> ردود الأعضـــــــــــــــــــاء على الموضوع <<<<<
==================================


مــا شاء الله عليك ..ماشاء الله ..كتابه بدوون اخطاء وكلام مرتب وتوك ما دخلتي الـ13
الله يبارك لك بعلمك وعقلك حبيبتي..
وعن مشكلتك يا قلبي والله تصدقين اني دعيت لك ان ربي يفرجها عليك والله يهدي امك وابوك ويرجعهم لبعض.. حبيبتي لي عوده للموضوع ان شاء الله فانا الان مشغوله
بسس بقولك نصيحه اتمنى تلتزمي فيها استغفري ربك وتقربي ممنو وادعي لامك وابوك ولنفسسك كمان ولا تنسسي تقومي الليل وتصلي وتدعي لهم من كل قلبك ..
اتمنى تدعي لي بالهدايه والسعاده والتوفيق..


__________________________________________________ __________

المشاركة الأصلية كتبت بواسطة مشكلتي
السلام عليكم ورحمة الله وبركاته..



ابي النصيحه قسم خايفه على نفسي خصوصا اني بسن المراهقه اخاف يأثر على مستقبلي

وربي مالقيت الا الله ثم انتم استحي اكلم احد عن مشاكلي وجه بوجه

افيدوني الله يخليكم يارب:ansmile05:



وعليكم السلام ورحمة الله وبركاته
عزيزتي راح اجاوبك على طلبك اللي ورد في نهاية الموضوع
لا عزيزتي لاتخافي على مستقبلك وان شاء الله مستقبلك زاهر جدا
وامك انسانه طيبه وتريد لك الخير بدليل انها اشترت لك لاب توب وبلاك بيري


تحياتي لك غاليتي


__________________________________________________ __________

ماااااش مادخل راسي كلامك
مااحب اكون هبله و احد يضحك عليا
اجل مسدس وساطور ويناا فيه ؟؟؟؟؟؟؟؟


عموماً اذا كان كلامك صحيح
عسى ربي يفرج همك
وتنحل كل اموركم


__________________________________________________ __________

من جد احس استهبال ولا والعمر كتكوته بعد


__________________________________________________ __________

حبيبي ليه ماتروحي تعيشي مع ابوكي
احس لو عملتييها راح تحس وتتادب
ولا تحاولى ترضيها خليها تحس انها اخطات
ولا اذا انتي حابه العيشه عند امك اشتكي لى ابوكي عنها
خليه اتصرف معها
واتقوي باوكي ترا الناس الى مثل امك لازم تسيري مثلهم قويه ولا ياكلوكيب