عنوان الموضوع : حسبي الله ع كل بنت.......إلخ -تم الاجابة
مقدم من طرف منتديات نساء الجزائر

حسبي الله ع كل بنت.......إلخ



ـآلسسلآم عليكم جميعـــــــــــآ :

أنا قآعدة أكتب لكم وأنا مقهورة ومن زود القهر ماني عارفة أبكي أضحك والله مدريّ ..؟!

المهم أنا بخش فيّ الموضوع علطووووول /
أنا الله يسلمكم بنت وعمريّ 20سنه مخطوبة وعلى نياتيّ صح أنيّ حساسة وأعصب علطول بس أرضى بسرررعه ومن النوع اللي ماأعرف أخلي شيء بقلبيّ لـآزم أفضفض لأحد قريب منيّ بس مشكلتيّ اليوم خلتنيّ أحتار ومدريّ لمين أفضفض ؟!
فأخترتكم أنتوآ عشان تسآعدونيّ ..
أنا ماأقول ألـآ حسبيّ ع كل بنت تأخذ حبيب من حبيبته وتأخذ خطيب من خطيبته وتأخذ زوج من زوجته , حسبيّ عَ كل بنت تدور الفلوس والشهوة عن طريق الحرام يابنات أستحوا على أوجيهكم ليه كذآ خلوا الرجال بحالهم وش تبغين فيّ واحد عنده حرمه حرآااام عليكم ..
أنا مخطوبة ليّ سنه وبينيّ وبين خطيبيّ حب وهو معيّ زي العسل صح أنه عصبي بس قلبه طيب المهم خطيبي اليوم صارحني بحاجه كذب علي فيها ومن قوة الصدمة أحترت مدري وش أسوي قبل شهرين أو أكثر شوي قاليّ خطيبيّ أنه بيسافر أندونيسيا زعلت وعصبت وقلت مافيه سفر برى قاليّ مضطر أسافر وأهلي راضين فالأخير وافقت وسافر اليوم مدري وش جاب طاري السفر قالي حبيبتي بصارحك بشيء كذبت عليك فيه بس أوعديني ماتزعلين ولا تعصبين قلت أوكيه أوعدك , بعدين قاليّ أنا بصراحه هذيك الفترة ماسافرت أندونيسيا رحت للمغرب , قلت طيب ليش ماصارحتني من الأول بدال كل هاللف والدوران , قال لأني عارف أن المغرب مستحيل تخليني أروح لها بما فيها من دشره وخرابيط , سالته قلتلها طيب بما أنك رحت للمغرب سويت شيء حرآم لمست بنت ؟ قالي أحلف لك بالله والله يأخذ روحي أني مالمست بنت صحيح كانوا العيال اللي معاي يجيبونهم عندنا بالبيت ويرقصون البنات قدامنا بس والله أني ماقربت ولا وحده فيهم بس جالس واتفرج عليهم , قلتله طيب بذمه أمك هالمريضة ماتكلم أحد غيري ومالك علاقة بأي بنت ؟ قال وربي ماأكلم أحد غيرك ولو بكلم كان صارحتك مثل ماصارحتك بهذي , قمت أصارخ عليه وعصبت وقاليّ وهو معصب أنا لو أني ماأحبك وشاريك كان ماقلتلك بس أنا الشره علي إذا علمتك بشيء ثاني ولا صارحتك وأنا غلطان لأني قلتلك , قمت أبكي وأقوله والله مو بيديّ مايحقليّ أغار عليك ؟ قاليّ غاري بس لا توجعيني خلاص هذا شيء ماضي وأنتهى بعدين قال أنا خلاص بروح أريح بالبيت شوي وبعد ساعه كذآ لا جيت أنام كلمتك , قلتله طيب
بعده بثواني دق عليه وأهدانيّ هذي الكلمات وقاليّ أسمعيها زين وإذا سمعتيها رديّ علي وتراها إهداء مني قلت طيب , وسمعتها وكانت كذا :

أحسـن بـك النيـة وتـفـتـح عـلي أبــواب
بـاب النـكــد يا عـجـل ما تـفـتـح أبوابــه
إن جيت أبيّن لك عـلى رغـبتـي بأسبـاب
أخـطيـت فـي تـقدير ظنـي مع أسبـابــه
خـلـيتنـي أخـشـاك ما كــننــا أحـبـــاب
متـعـوس قـلبٍ ما تـوفّـق مـع أحـبـابــه
واليا بغيت أطلب حسبت ألف وألف حساب
يرضيـك من حـبّـك معـك يسقط حسابــه
إن قـلـت لـك مـرتـاح واللــه أنا كــــذاب
وإن كان روحـي سـرّهــا البـعـد كــذابــه
الشــوق يـدنـي ربـع مـن طـوّلـوا غيــاب
والشــوق يـذبــح لي تبـاطـــوا غـيــابــه
أقـولـهــا والـنفــس تـحفـظ لك الترحــاب
يســوقـها فــكــــرٍ عـطاك كـل ترحــابـــه
إنـي بـحـبــك سيــد الـحــب ولا تـرتــاب
أسكـنــك يا حـب هـجـر نـفــس مرتـابــه

بعدها دقيت عليه عشان أعلمه رأيي قالي شويه وأكلمك
المهم بعد شوي دق وقالي هاه وشرايك قلته الكلام حزين مره ويوجع و... قالي خلاص لا تكملين خلاص حبيبتي أنسي خلينا نستانس ولا تذكريني قلت طيب وش المطلوب الحين قال أنا الحين بجلس شوي مع أمي وأختي بس وديّ أطلب منك طلب قلتله أيش قال ودي أسولف معك لاجيت أنام بس بشرط قلت أيش؟ قال ماتفتحين معي هالموضوع ولا تجيبين سيرة شيء يكدر الخاطر! قلتله خلاص أن شاء الله >>مع العلم أنه أول مره يطلب منيّ أني أسولف معاه وهو توه جاي من سفر لأنه يوم صارحني كان بالطريق وهو بالعاده إذا وصل من سفر بالليل يقولي بجلس مع أهلي شوي ولا جيت أنام تطمن عليك ونمت بس اليوم لا قالي بسولف مدري وش قصده يبيّ مثلا أني أسامحه وأنسى اللي صار ولا أيش ؟؟
وبعده حكى معاي ولا كأن شيء صار وكان يكلمني بحنيه ويحاول يقولي أي سالفة تضحك وبعدها نام ...

بس أنا ألحين محتارة صحيح أني مسامحته ولا أقدر أتخلى عنه لأن مالي بالدنيا غيرة بس مدري أحس يمكن لو أشوف معه أنتظار بأستخف أو بقعد أشك فيه آآآآآآه ياليته سكت ولا فتح عليه باب

تكفووون شوروا عليه داخله على الله ثم عليكم
والعذر والسموحة لأني طولت عليكم

>>>>> ردود الأعضـــــــــــــــــــاء على الموضوع <<<<<
==================================


عليكم السلام
حياتي لو ما كان ايحبك ما حكالك بالعكس اعطيه الثقه ولا اتعصبين عليه واتنكدين عليه على شان ما ايخبي عليك اي سالفه وانسي هالموضوع وافتحي صفحه جديده بعدكم مخطوبين لا ايمل من النكد ويتركك لا اتضيعيه من ايدك وبالتوفيق ياعمري
والــــــــــــــــــــــــــــــــــــــف مبروك


__________________________________________________ __________

حبيبتي بقولك شئ الغيرة موجودة بقلب كل بنت وطبعا هذا شئ طبيعي

ولكن لاتجعلينها تدمر حياتك قبل ان تبدأ

ومدام خطيبك >>او زوجك صارحك بكل شئ فلانه حس بالذنب وماحب ان يكون غلطان ويريح ضميره فتكون النفووووس طيبة

فلا تعيدي ولا تكرري السؤال بنفس الموضوع

حتى لو لاحظتي شئ ..تأكدي بالمرة الاولى هو الي اعتررف

يعني لو حب يخبي عنك راااح يخبيها طول العمر

ومااقال واعترف قدامك الا انه يبي تكون صفحته بيضاء ااما م حبيبته

ومن زوود حبه لك ....
ربي يهدي بالكم ويصلح لك زوجك

ويكفيك شر بنات الحرااااااااااام

دعوااااتك لنا ولكل >>
امرأة تخلص لزوجها

ان يبعد عنها كل شر

خالتو لولو
واي مشورة ثانية انا حاااضرة حبيبتي


__________________________________________________ __________

حسبي الله منعم الوكيل فكل بنات الحرام بيعات ت أجسادهن برخص التراب وربي البنات يلي رقصولهم انشألله لترقص ع نار جهنم يلي تحرقها اميييييييييين

حبيبتي ولا تزعلين ولا تحطين فخاطرك لانه يحبك بس حاولي لا تغارين زياده ليصير يلعب فيك

حاولي تتمين باردة ع اي سالفه من سوالف البنات يخبرك فيها


وقوليله دايماً انا عندي ثقة فيك بس حبيبي أخاف الله يعاقبك
والله حبيبي النظرة السوء لها عقاب وحساب
ولعنه الله عليهم بنات الشوارع والله ظفرك عنده بالدنيا كلها


الله يوفقك ويجعلك في كل خطوه أمان وسلام ويبعد ربي رجال المسلمين عن كل شي حرام ويقربهم من صلاتهم وربهم


الغاليه تمي ذكريه في ربه لانه حتىا لو ما قالك بيتم يتذكر كلامك ع الآخرة وعذابها **


__________________________________________________ __________

حبيبتي

الرسول صلى الله عليه وسلم قال ((كلكم خطّاؤن وخير الخطّاؤن التوابون))

واحمدي ربك انه اول شي صارحك وثاني شي ما سوى الحرام((الزنا))


ويمكن حبه لك هو اللي ساعده بعد الله تعالى انه مايوقع في الحرام


بس انتي غلطتي غلطه كبيييييره يوم عصبتي عليه

الحين بيتوب ما عاد يصارحك ولا يقولك شي

هذي اولثاني شي انتي خاصمتيه وهو في طريق السفر

وهذي غلطة ثانيه يعني يمكن يعصب ويسرع وهو موب حاس في نفسه

ويسوي حادث((بسم الله عليه))ووين بتروحين من عذاب الضمير ؟؟

حبيبتي انتي لازم تعودين نفسك ع الصبر

وتفهم المواضيع .. وتعودينها على معرفة وقت الرد

والرد المناسب

ياليت تحاولي تنسي اللي صار ولا تفتحيه معاه ابداااا


ولا مع غيره ..

وحسسيه انك ناسية السالفه اصلا ولا على بالك


عشان لاصار اي شي ثاني يكلمك وما يخبي عليكم


ربي يسعدكم يااارب


__________________________________________________ __________

ماشاء الله الاخوات حكوا كل شي ونصحوكي ,, وهذا اول درس بتتعلميه لحياتك الزوجيه


اصبري ولا تتعجلي بتصرفك ,, المهم الحين انه يرجع يثق فيكي وبحبك له ,, وعلشان ما يخبي شي عليكي مره ثانيه وانه لو اضطر وخبى يحكيلك علطول ويكون عارف انه رده فعلك بتكون متفهمه وقنوعه ,,,,



موفقه يارب بحياتك والله يسعدكم ويسعد الجميع ,,