عنوان الموضوع : تصرفات امي الصبيانيه والمراهقه راح تجيب اخرتي
مقدم من طرف منتديات نساء الجزائر

تصرفات امي الصبيانيه والمراهقه راح تجيب اخرتي



السلام عليكم ورحمة الله وبركاته

كيفكم يا بنات ان شاء الله تمام

يا بنات انا نزلت مشكلتي قبل كم من يوم بس ما بعرف بحثت عنها وما لاقيتها

ووالله اني محتاجه لمشورة حد وما بقدر اصارح حد بهالموضوع

يا بنات انا مشكلتي بتتلخص أمي وتصرفاتها الصبيانيه والمراهقه

القصه بدات من حوالي 7 شهور لما انا تعرفت على منتدى عن طريق الصدفة واعجبني وسجلت فيه وحبيت المنتدى وكل يوم كنت اتعلق فيه اكتر واكتر لحد ما زادت ساعات جلوسي على النت وأمي بدأت تشك بالامر

صارت تشك فيني وتسألني انتي شو بتعملي كل هالوقت على النت حكيتلها اني تعرفت على منتدى وبشارك فيه

حسيتها ما صدقتني،،وهالشي ضايقني جدا ،، فكرت بالموضوع كتير

واخر شي قررت اني عرفها على المنتدى تشوفه وتعرف انا وين بقضي وقتي

في يوم قلتلها انا حابة عرفك على المنتدى وفعلا شافت المنتدى قالتلي هادا هو الي بتقضي وقتك عليه قلتلها ايه

وما حكت شي تاني بعد اسبوع او اسبوع وشوي تقريبا بتفاجئني انها بتطلب مني اسجلها بالمنتدى تفاجئت كتير بس بعدين حكيت ما فيها شي يعني بتتسلى شوي انا بشغلي كل النهار وبابا بشغله كل النهار برضه واخواتي بيتاخروا ليروحوا من مدارسهم

فعلا سجلتها على ايميل قديم الي وبدأت بمشاركاتها وبدات تتقرب للاعضاء بردودها (على فكره هي كانت اكبر وحده بالمنتدى تقريبا)

وفي يوم طلبت مني اني اعمللها ايميل من بعد ما كان مدير المنتدى طلب مني قبل وانا طنشت الموضوع

رجع مدير المنتدى حكى معي وطلب مني انه حابب يحكي مع امي وانه ارائها عجبته وهو بحاجتها تساعده بكم موضوع في حياته بعد عدة رسائل اقنعني وقلتله اوك

رجعت لامي بهالموضوع وبدون ما اطول الموضوع اكتر هي وافقت ,,

عملتلها الايميل وضفتلها مدير المنتدى على ايميلها وبدأوا يتخرف هو واياها

بدأت مامتي تتغير شوي شوي تعلقت في النت اكتر مني وصارت تجلس على النت ساعات كتيره ومتواصله وصارت لما تحكي مع مدير المنتدى على الايميل ما تسمح لحد يكون جنبها

قلت في نفسي يمكن بيحكيلها عن حيته الخاصه وما بده حد يعرف

مع انه انا من شدة احترامي اله اعتبرته متل واحد من اخوالي

في يوم من الايام بتاجا بمدير المنتدى(الي اعتبرته خالي)بيحكيلي حابب احكي معك بموضوع خاص قلتله خير فيه ايه قاللي فاضيه نحكي قلتله ايه

بدا يحكي ويلف ويدور لحد ما حكالي انا بحبك !!! انصدمت ...انا اعتبرته متل خالي واحترمته فعلا (نسيت اذكر انه هو متزوج وعنده بنتين وولد )فانا رفضت الموضوع رفض قاطع وحكيتله اني مستحيل اخرب اي بيت بسببي انا وقتها تفاجئت بانه بصارحني انه باني علاقه مع امي!!!!!!!حكيتله انه كل ي عم تحكيه كزب حكالي معي دليل اعطاني محادثات بينه وبين أمي ما تتوقعون ادييش كانت الصدمة قوية حسيت روحي بتطلع من محلها كنت يومها بالشغل

اتصت على أمي وقلتلها بتسكري الايميل وما بتحكي مع حد لبين ما اروح قالت شو في حكيتلها بس اروح بتعرفي

مرق نهارس كأنه الف سنه روحت بقول لامي انتي شو عامله وليش تعملي هيك حكتلي شو في حكيتلها عن الي حكاه (مدير المنتدى) حكتلي هادا كله كزب وما بعرف شو المهم انهيت الموضوع باني اسكرلها ايميلها وانسحاب من المنتدى انا وهي واتفقنا على هالشي

بعد فتره مامتي بتطلب مني اعمللها ايميل جديد عارضت في البداية بس بعدين وافقت وعملتلها الايميل

خلال فترة وجودنا في المنتدى كنت تعرفت على زلمة كبير بالعمر شوي هو وحبيته من كل قلبي واحترمته فعلا

في يوم من الايام طلبت منه اني اناديله بابا وهو فرح كتير بهالشي,,,لا تقولوا ناقصني حنان الاب او الام او اي شي لا بس لضروفة الخاصه ناديته هالزلمة بابا,,,

المهم مامتي كانت تعرف عنه واني بحكي معه وهيك في يوم طلبت انها تحكي معاه انا رحبت بهالفكره لانه هالزلمة فعلا محترم

المهم بلا ما اطول عليكم اكتر صارت تحكي معه وبنفس الوقت انا بعدني على علاقتي معاه وباحترامنا المتبادل

بعد فترة لاحظت على امي تغير ولاحظت خلال هالفترة برضه ابتعاد الزلمة عن مامتي قررت اراقبها بدات اراقبها وتفاجئت انها حاكيه لهالزلمة انها بتحبه وما بعرف من هالكلام عصبت وبلشت ابهدل في هالزلمة بدون ما افهم أي شي زعل هو وقرر انه يبعد عني انا كمان بسبب عدم احترامي اله .

وبرضه اكتشفت من خلال مراقبتي لمامتي وايميلها انه هي رجعت ضافت مدير المنتدى وبينهم عشق وحب

قلبي تحطم منها حكيتلها عن الي شفته حكتلي انا بعمل هيك لاني بدي اعرف ليش حكا عني كلام كزب

عملت حالي اني صدقتها بس انا من جواتي ما عاد اقدر اصدقها صار كتير اشياء هزت ثقتي فيها للاسف

هي رجعت حذفت المدير

بس من يومها لليوم يمكن عرفت اكتر من 10 شباب وكلهن بيحكولها بحبك وهي ببتحكيلهم كلهم بحبك ,,لا تقولوا انه بابا مقصر معاها والله هو مو مقصر معاها بأي شي من غزل وحب واحترام وثقه بتتخطى الحدود

بس ما بعرف ليش هيك بتعمل

من فتره بدأت الاحظ انها متغيره لدرجة كبيره رجعت لايميلها لاقيت شباب بيقولولها التلفون مفتروح هلئ وما بعرف شو كزبت عيوني

اعدت مع اختي الي اصغر مني وبلشت اتخرف انا واياها كان هدفي من كلامي معاها بشكل خاص انه اعرف مامتي شو بتعمل بغيابي

وقع كلام اختي علي متل الصاعقه لما حكتلي انه مامتي بتحكي بالتلفون كتير ولما بتحكي بتسكر باب الغرفه عليها هون تأكدلي الكلام الي شفته

بعرف عيب الشك بأمي بس والله هي الي بتجبرني اعمالها وكل شي بيخليني اتعامل معاها هيك

يا بنات انا راح موت من تأنيب الضمير دايما بحكي انه كل يلي بصير بسببي انا

انا الي عرفتها على النت وعالمه الخطر بس برجع وبحكي من ناحه تانيه انا بنتها المراهقه ما بعمل اعمالها انا عمري 19 سنه وهي عمرها 39 سنه تقريبا بس عملت علاقات ابدا

خايفه تفضحنا باعمالها والله بنخرب بيتنا انا انخطبتمن جديد بس دايما مهمومه الفرحه مو باينه علي مهمومه بسبب امي واعمالها تخيلوا لما يجي خطيبي عنا بتتركنا انا واياه لحالنا وبتروح على النت

وفي هالفتره بابا عم يشتغل باب البيت عنا وبيضل يشتغل لاخر الليل عشان يقدر يخلص قبل خطبتي عشان هيك ما بيكون معي انا وخطيبي اي حد والست مامتي بتكون على النت

احيانا بقول في نفسي يا رب ازا كان موتها راح يستر على اعمالها يا رب تموت عاجلا غير اجلا

المشكله اني بعرف كل شي بس بعمل حالي مش عارفه بشي وما بقدر اصارحها اني بعرف كل شي واني براقبها لانها اكيد راح تغضب علي وانا ما بدي تغضب علي

بناات الله يخليكم الله يوفقكم ويستر عليكم الله يدخلها الجنه الي بتساعدني

ارجوا من الاداره تنزل الموضوع باسرع فتره ممكنه

خطيبي بدأ يلاحظ اني دايما شاردة وانه في شي شاغل بالي حتى صار يشك انه في حد غصبني عليه

بس والله ام حد غصبني الشب من خيرة شباب بلدنا الحمدلله اداب واخلاق وصيام وصلاة الحمدلله

بس امي منغصه علي كل حياتي بتمنى الموت الف مره باليوم بسببها

كرمااااااااااااااااااال الغوالي كرماااااال الله ساعدوني

يا رب ينزل الموضوع بسرعه يا رب

اتمنى الاقي عندكم اقتراحات وحلول وانا راح كون بتواصل معاكم من خلال الردود

بستنى تنزلوا الموضوع وردودوكم على نااااااااار لاني تعبت وما عاد عرفت شو اعمل

السلام عليكم

>>>>> ردود الأعضـــــــــــــــــــاء على الموضوع <<<<<
==================================


الله يهديها ويردها لصوابها اختي اكتبي كل الي بخاطرك واعطي امك تقراها وقوليلها ان فيه واحد يهدد يبي يفضحكي عند بابا وعن خطيبي وعليك بالدعاء والاستغفار وانتي ليش الله يهديك تكلمين المدير مدري ويش الله يهديلكم امك دعواتك


__________________________________________________ __________

والله من جد الله يساعدك حبيبتي غيري الباسسورد تبع ايميلاتها واعملي باسسوورد للاب توب تبعها حتى لو عصبت واما الموبايل اعمليله تحويل المكالمات لنفس رقمها وامسحي الرقم الاخير من يتصل احد فيها يكون الرد الرقم غير داخل في الخدمه وامسحي ارقام الشباب وحاولي اتغيرين السيم كارت تبعها واقرأي سورة النساء بهدف هدايتها وصارحيها قوليلها اتأثرين على سمعتنا كلنا انا واخواتي ووالدي شغلي محاضرات بهذا الخصوص خليها تسمعها الله يكون بعونك وما راح انساك بالدعاء انشاء الله ربي يهديها
قنعي والدك يشغلها معاه لتقضي على الفراغ والله كريم


__________________________________________________ __________

مرحبا ..

انشغال ابوك واحساس امك با الفراااغ العاطفي هو اللي يخليها تدور الحب ..

بقول لك طريقه وان شاء الله تضبط معك

هدديها برسايل من شريحه ثانيه انك تعرفي بعلاقتها المحرمه وانك بتفضحيها عند زوجها وعيالها واهلها

وشككيها با الشباب اللي تكلمهم انك من طرفهم عيشيها بحرب داخلي وانت تابعيها شوفي اذا متوتره وخايفه او لا

قولي لها با الرسايل ان زوجها شاك فيها خليها تخاف وتنتبه لنفسها

مادري اذا بتضبط معك ها الطريقه ..

وعليك با الدعاء لها ..

الله يصلحها يارب


__________________________________________________ __________

افصصصصصصصلي النت و التليفون
و قولي خربان


__________________________________________________ __________

المشاركة الأصلية كتبت بواسطة مشكلتي
الله يهديها ويردها لصوابها اختي اكتبي كل الي بخاطرك واعطي امك تقراها وقوليلها ان فيه واحد يهدد يبي يفضحكي عند بابا وعن خطيبي وعليك بالدعاء والاستغفار وانتي ليش الله يهديك تكلمين المدير مدري ويش الله يهديلكم امك دعواتك

والله يا اختي انا ما بقدر احكيلها اني بعرف كل شي هيك لانها راح تغضب علي

وانا ما بعرف ليش كلمت المدير

جد تعبت ما عاد فيي اتحملها ولا اتحمل تصرفاتها

يــــــــــا رب امــــــوت وارتـــــــاح مــنـــهـــا ومـــن اعــمــالــهـــا