عنوان الموضوع : موش عارفة ازاى ارضى مجابة
مقدم من طرف منتديات نساء الجزائر

موش عارفة ازاى ارضى



السلام عليكم و رحمة اللة و بركاتة
اولا شكرا على المجهود الرائع فى المنتدى بجد تحفة و على الحفاظ على السرية
انا مشكلتى ابتدت من زمان بس اكتر من ساعة زواجى
طول الوقت و ماما تخوفنى من انى اتزوج عن حب لحسن اعمل زيى عمتى الى عايزة تتطلق و ماحدش واقف جنبها لانها اختارت غلط من الاساس
و لما خلصت الكلية اتقدملى عريس مش زيى ما بتمنى ابدا لا فى الشكل و لا فى الشخصية و لا فى اى حاجة على الاطلاق
طبعا اجبرونى على الموافقة و انا وافقت لسبب تانى خالص . لحسن اتطلق زيى عمتى و ملاقيش الى يقف جنبى
جهزونى بجهاز مالوش اى لازمة كانهم عايزين يخلصو منى لا تحف و لا صونى للضيوف و حتى قمصان النوم يا اما واسعة اوى يا اما ضيقة اوى لان كلها كانت متحوشة باختصار ماكانليش رايى فى اى حاجة
الحاجة الوحيدة الى صرفو عيها كانت الفرح و لسبب مهم ان صاحب القاعة طلع نصاب رغم انى من البداية قلتلهم موش عايزة فرح لانى محرجة من العريس و اهلة جدا
و فترة الخطوبة كانت قصيرة حوالى 6 شهور و بينى و بينة 11 سنة بس الى يشوفنا مع بعض و حصلت قبل كدة كتير بيفتكرنى بنتة
اتزوجتة و اهلى اتخلو عنى فى كل حاجة
كنت متعودة على العربية من و انا عمرى 18 سنة اتسحبت منى عشان ماتجوزش بيها رغم انى ساكنة فى مدينة جديدة تحتم عليا وجود عربية
اليومين دول اختى بتجهز عشان تتزوج الانسان الى بتحبة و مختاراة عن حب و اخويا كمان خطب الانسانة الى بيحبها
و بتجهز لاختى احسن جهاز و مبسوطة منها اوى احسن 10 مرات من الى كانت بتعملة معايا رغم قلة ادب اختى معاها
و جايبة لاخويا شقة و عربية هايلين ما شاء اللة و لا قوة الا باللة و انا بحاول احوش تمن عربية خاصة ليا
هيا ساعدتنى اول الجواز كل شهر كانت بتدينى 200 او 300 جنية كانو بينفعونى بصراحة الى كان نفسى اجيبة اكلة كنت باجيبة لان زوجى كان بيساعد اخوة الى ماكانشى بيعمل و عندة اطفال فى بداية زواجنا
و انا باحرج انى اطلب منة فلوس و موش كل شهر
و دلوقتى بتذلنى عشان كانت بتساعدنى و بتقولى انا صحيح جهزتك اى كلام بس كنت باديكى فلوس فى ايدك عشان الناقص تكملية موش عشان تاكلى بية
واللة العظيم يشهد ربنا انى باعملها هيا و والدى احسن معاملة لدرجة انها ممكن تزعقلى ادام الناس او تضغط على اعصابى جامد بكلام جارح
و انا موش بارد عليها و فى النهاية تقعد تتاسف و تقولى اصلى خرجت عن اعصابى
طبعا موش بتقدر تعمل كدة مع اخواتى
نيجى لزوجى باة حاولت قد ما قدرت انى اصلح من طريقة لبسة و طريقة التفاهم ما بينا قدرت على قد ما قدرت
ساعات كدة ابصلة و اقول الحمد للة انى تزوجت و ربنا ستر عليا حاجات كتيرة فاتت و ان دة احلى و اجمل رجل فى عينى
و ساعات تانية ابصلة كدة كانى اول مرة اشوفة و اقول ازاى انا عايشة بقالى 6 سنين معاة
هو كويس و حنين بس بيحب واحد صاحبة اوى كل يوم يخرج معاة لدرجة انى شكيت فيهم قبل كدة
لكن زوجى متدين جدا . لدرجة انة بيرفض احط مكياج او البس ضيق و مواظب على الصلاة
المشكلة انى ابتديت اميل لصاحب زوجى لان بينا علاقة اسرية و بنخرج كلنا مع بعض و يشهد ربنا ان مافيش كلمة بينا لوحدنا
لكن شخصيتة قيادية و من نفس وسطى و بيلبس حلو و يحب مراتة تكون على اعلى درجات الشياكة
و ساكنين فى مكان حلو و معاة عربية من زمان اوى و شغال فى مكان حلو
ساعات بسال نفسى ان لو كان جالى شخص زية او بمواصفاتة كنت قبلتة علطول
خصوصا اننا ساعات بنقعد مع بعض الستات كلها
و كل ست تحكى عن زوجها
و بصراحة مراتة بتحكى عنة انة بيعمل حاجات انا لما طلبتها قبل كدة من زوجى رفضها رغم ان العلاقات الزوجية انا اعرف ان لازم الست تكون مرضيىة فيها
باختصار صاحبة دة من النوع الى بيرضى مراتة لاقصى درجة على عكس زوجى الى دايما حابب انة يضايقنى و يرفض طلباتى و مايجيبليش هدايا
انا زعلانة اوى منة و من امى
و حقيقى مافيش فى بالى غير انى اخد اولادى و اعيش فى مكان بعيد عنهم كلهم
انا حاسة انى عشات عيشة غلط و اتجوزت انسان غلط و حياتى كلها علامة اكس كبيرة اوى
يا ريت حد يساعدنى يقولى اعمل اية
غير انى اتكلم مع زوجى لانى اتكلمت معاة ميت مرة قبل كدة و مافيش فايدة
او انى انسى حكاية اهلى معايا لانى باعملهم كويس لدرجة ان مرة و احنا فى مكان و فية ناس كتير وقعت على حذاء امى عصير و كنت حامل وقتها
جريت جبت فوطة و نضفت جزمتها
انا موش عارفة اعمل اية بجد

>>>>> ردود الأعضـــــــــــــــــــاء على الموضوع <<<<<
==================================


عزيزتى من خلال قراءتى لمشكلتك استخلصت بعض النتائج وهى
1\انك متعاليه على خطيبك ولايمكن حتشعرى بالرضا طالما انك تنظرى له نظره دون
2\انك مهتمه باشياء غير مهمه زى الارواب او طقم الصحون عزيزتى هذى كلها شكليات وليست اساسيات
3\شو فيها لو مسحتى العصير من رجل امك هذى امك المفروض تبوسى رجولها
4\انه يجيب هدايا او مايجيبش ده مش مشكله كبيره
5\ابتعدى عن صديق زوجك قبل ماتوقع الفاس فى الراس
حبيبتى راجعى نفسك وحاسبيها يمكن انت اللى غلط مش همه


__________________________________________________ __________

والله انا مو شايفة اي مشكلة في زوجج ودايما لما تدخل رجل ثالثة فالموضوع (قصدي صديق زوجج)تنهدم العلاقة الزوجية حتى لو كنت متزوجة أفضل رجل فالكون وهو نفس السالفة لو تعرف على وحدة راح يحصل عندها اللي مايحصله عندج
حبيبتي خلي عنج كل هالامور لان الخاسر الوحيد فالنهاية هو انت وتمسكي بزوجج اللي يعرف ربه احسن من الله يبتليج بواحد خمار زير نساء يضربج ليل نهار ساعتها راح تبكين دم على زوجج هذا !!!


__________________________________________________ __________

انا رأي من رأي اختي امل ليبيا


__________________________________________________ __________

السلام عليكم ورحمة الله وبركاته

اختي العزيزة بالنسبة لوالدتك مش هتقدري تعملي حاجة خلاص الموضوع انتهى

ولو هي بتفرق في المعاملة بينك وبين اخوانك هي الي هتتحمل الذنب

المهم انك بقى عندك بيت واسره فيها اولاد هم حياتك لازم تخافي عليهم من البهذله

لو لاقدر الله سبيتي زوجك ايه النتيجه على الاقل هو بيخاف ربه وبيصلي

لو اطلعتي على المشاكلالموجوده هنا هتلاقي الي زوجها مدمن او عارف غيرها

المهم بلاش تظلميه وموضوع الملابس والاسلوب شكليات مالها علاقه بالجوهر

وممكن تتغير اما بالنسبه لصديق زوجك ده كده مدخل من مداخل الشيطان وانتي

بتقولي انا مكلمتوش في سريه فياريت طالما انتي حاسه الاحساس ده تحاولي تبعدي

وبلاش زيارات متتكره الشيطان بيستغل اي نقطه ضعف ويدخل منها حاولي اختي

تدعي الله وتقربي له وحافظي على بيتك واولادك لانو اذا انتي دمرتي حياتك مش هتلاقي

حد يخاف عليكي وزوجك مفيهوش عيب عيوبو بسيطه تتصلح بس انتي حاولي

وامك انتي مكن تتكلمي معاها واذا الك حق اطلبيه مش عيب واذا موضوع تفرقه هي

هتتحاسب وكل امساكناه طائره في عنقه انتي استهدي بالله وادعي ربك بالهدايه


__________________________________________________ __________

حبيبتي انا ما رح اعطيكي نصايح ولا تعليمات بس رح قلك
ووووووووووووولي عليكي شو متحملةّ!!!!!!!!!!!
انو عنجد لي هيك حاسة كل الدنيا ضدك من امك وجررررر
انا ما رح قلك غلطانة لأنك ملتي لصديق زوجك لان سبحان الله كل انسان بيميل للانسان يلي بيكملوا وبيحب يعوض كل شي انحرم منه بهالشخص انا عن نفسي اتزوجت انسان بعد قصة حب عاصفة والحمدلله رغم اعتراض اهلي اخدتو وهلأ بحس انهم بيحبوه اكتر مني او بنفس محبتي وامي بتدلله شي مو طبيعي وابي وووولي عنده الدنيا بكفة وزوجي الحمدلله بكفة بس ناطرين الله يمن علينا باذرية الصالحة
يلا الله كريم ما رح احكيلك قصة حياتي لانو مو ناقصك
الله يخليلك اولادك ويارررب يكبروا وتجهزيهم احسن جهاز وتخليهم يخطبوا يلي بدن ياه
بدي ياكي تنتبهي لحالك وما تخلي الشيطان يامرك بالسوء واما عن صديق زوجك فحاولي انك تتجنبيه قدر الامكان واذا ما قدرتي فحاولي كل ما شفتيه لا تاكدي فيه او تخترعي شي صفة بشعة براسك اتجاهه وتكرهك فيه حتى ما يضل حليان بعينك وتنقلب القصة عنتر وعبلة
بجد انا حبيبتك كتييير ما بعرف لي وانقهرت مشانك ياترى فيني كون صديقتك اذا ما عندك مانع واذا وافقتي ابعتيلي رسالة