عنوان الموضوع : مشكلتي من 9 شهور ( رجاء لاتحذفوها الله يجزيكم الجنه)
مقدم من طرف منتديات نساء الجزائر

مشكلتي من 9 شهور ( رجاء لاتحذفوها الله يجزيكم الجنه)







السلام عليكم ورحمة الله وبركاته



ببدأ على طول..
مشكلتي بدأت من 9شهور يعني من اول زواجنا..
انا وزوجي اتزوجنا بعض عن حب دام سنتين وكان اهلي رفضينه بشده والسبب بس لأنه مو من نفس المنطقه الي نحنا منها
المهم صار وتمت الخطبه لمدة 7 شهور وبعدها الزواج..
وفي ههذا الوقت كنت أثق بزوجي ثقه عميـاء..يعني لو كان يقولي الحليب اسود كنت اوافقه بدون مااشوفه..
ثقتي فيه بلا حدود..
اتزوجنا ولله الحمد وبعد زواجنا ب20 يوم فتحت مره جواله شفت ر سائل من بنات قبل مانتزوج يعني وقت الخطبه..
زعلت وقتها انو كيف كان يكلمني وبنفس الوقت كان يكلمهم وانا خطيبته..المهم مرت المشكله وبعدها يعني واحنا متزوجين
شفت كم رساله يعني لسا بيتكلم...
وقتها زعلت وصارت مشكله كبيره لدرجة قلتله يطلقني بس هوا أعرف انو يحبني ويموت فيني خلاني اول شي اهدى وبعدين صار يقولي
انا جالس انهي علاقاتي القديمه ودمعت عيونه..انا صدقته وانتهت المشكله على خير..
ماعاد شفت رسائل بجواله بس احسه شوي شوي بدأ يتغير .. يعني انا عروسه جديده صار مايقربلي الا بالأسبوع مره او الاسبوعين...
كنت البسله واعمل اجواء رومانسه وشموع ويجي يجلس عادي يفرح هو بهادي الأشياء
بس الي استغرب منه انو مايقرب... بعدين صار يقربلي اول مايصحى من النوم وقت دوامه يخلص بسرعه ومايهتم اذا انا خلصت او انا مستعده
ولا لاء...
وهو الي كان جدا يهتم ان يخليني استعد للعلاقه ومايبعد عني الا لما اخلص انا ..
المهم صرت اشوف ارقام غريبه على جواله ويكن متكلم حوالي النص ساعه وهو اقرب صديق عنده اذا يتجاوز الكلام 5 دقايق كويس
يعني مايتكلم على الجوال اكثر من 5 دقايق..
فاتحته بالموضوع طبعا سكت اول شي وقالي انا ما اخونك..
قلتله ايش هادي المكالمات سكت...
قبل ما افتح الموضوع معه دقيت على الرقم وطلعتلي بنت بس وقتهاماقدرت اتكلم ولاكلمه من الصدمه..
وصارت مشكله كبيرره.. وكم مره سألته اني مقصرره معك بشي
يقولي لا والله انتي مافي منك بالدنيا..
وبعدين صرت اتحاشى امسك جواله عشان ماانصدم واشوف اشياء تزعلني ..
مرت فتره طويله سألته انت مره قلتلي انك جالس تنهي علاقاتك بلي كنت تعرفهم .. انهيتها؟؟
قالي من زمااااااااااان...
بعد فتره مسكت جواله وانا متأكده اني مارح اشوف شي يزعلني لآن الثقه الي انهزت ببداية زواجنا كنت احاول ارجعها
ورجعت بس مو زي اول..
لاحظت ان قبل مايرجع البيت يتكلم مكالمات طويله جدا واخر رقم الي يتكلم فيه هدي المكالمات الطويله يمسحه..
فهمتو علي !
يعني يتكلم قبل مايجي البيت ويمسح الرقم وتبقى مدة اخر مكالمه..
كمان فاتحته بالموضوع وقلتله انا تعبت وماعاد فيني اتحمل..
وزعلت وماكلمته وجا صالحني وقالي انتي تتوهمي وانا زي الهبله رضيت وما سألته مع مين كنت تتكلم..
سألته بعد فتره مين قالي ولا احد ... لاحول ولاقوة الا بالله..
وع فكره كل الي صار من اول ما اتزوجنا كله وانا حامل..
لان من اول شهر حملت..
نفسيتي تعبت مرررره..
والى الأن احس انو بيتكلم مع احد..يعني بنت..
بس مو قادره افتح الموضوع معه لانه صار يقولي انتي حتى لو ماشفتي شي بتشكي لانك اتعودتي..
بس انا كل مره ماكنت اشك فيه بكون متأكده...
وع فكره صار لما يرجع البيت مدة اخر مكالمه موجوده مع الرقم يعني كانه بطل يتكلم من الجوال..
لانه بمكان عمله في تلفون وهو يستخدمه متى مايبغى..
وكان يشحن جواله كل يوم والان بطل مرات يومين مايشحنه!!!
مرات وانا جالسه جنبه يرن عليه ارقام غريبه يقفل الجوال كله
اقوله ليه قفلته يقول ما ابغى اتكلم مع احد
والأن كل يوم قبل مايروح الدوام في رقم يرن عليه الصباح يفصل الخط ويقوم يروح الدوام..
والمشكله انو اعرف انو يحبني ويموت فيني وانا بعد ما اعيش من دونه واخدين بعض عن حب...
والكل من اهلي واهله يقولو الله يهنيكم بحبكم ..
بس مااحد يعرف اني تعبانه لهالدرجه..
ماتقولولي انو يمكن متزوج لانو من مليون المستحيلات يادوب فاتح بيت واوضاعنا تعبانه ...
واهله كتير كويسين...الحمدلله..
وانا الأن بنص الشهر الثامن وبروح عند اهلي اولد بمدينه ثانيه..
ايش تنصحوني .. تقصير مو مقصره ولابشي..وحب عطيته كل حياتي .. وحامل بجيبله احلى بنوته..
ايش اعمل عشان ابينله اني اعرف الي هو يعمله بس بدون مشاكل
لآني انا صرت اكون متأكده من الي اعرفه وما افتح الموضوع تجنبا للمشاكل..
البنات الي كان يكلمهم قبل الزواج يعرفو انو اتزوج بس حقاره منهم...عادي يتكلمو مع رجال متزوج ماهمهم.. المهم رجال..
ومايرفو ان بيخربو بيتو..وهومايعرف!!
انا تعبت..ونفسيتي زي الزفت لماافكر بدا الشي وانا حامل والله خايفه لايكون أثر على البنوته..
لاقولي حل الله يجزاكم الجنه يارب....

>>>>> ردود الأعضـــــــــــــــــــاء على الموضوع <<<<<
==================================


هذآ آنتي قلتيها زواجنـا كان عن حب وآهلي رفضوهـ لآنهـ من ديره ثانيه
ورفض اهلك كان خيرهـ لك
بس آنتي ماآنتهزتي الفرصه
آنتي فكرتي بقلبك موبعقلك
تـرى الزواج عن حب فااااااااااااااااااااااااااااااااااااااااااااااااا اااااااااااااشل
نــآادرآ مايكون وفيين
وبعدين دامك آنت كنتي قدها في حبك وفي الزواج منه تحملي
والله يعينك يبيلك وقت ع مايعقل
مواكيد يمكن
لان اللي يمشون في هالطريق صعب التخلي عنه


__________________________________________________ __________

انا صراحة أأيد روج في الي قالته ,,
لكن انتي قد ما تقدر حاولي ترخي اعصابك عشان حملك ..
وبعد الولادة وانتي بسلآمة افتحي معاه الموضوع وقوليلو انك سكتي عشان خاطر هالبنوتة وعشان بيتك ..
وحسسيه بكبر مسؤولية البنت لأنه بكدا يمكن يبطل يتكلم مع البنات ...
بس لآزم لآزم تتكلمو ما ينفع تسكتي ترى حتتعبي لو كتمتي في نفسك ..
الله يصبرك ويسخرلك زوجك ويهديه ...


__________________________________________________ __________

ربي يسعد قلبك


__________________________________________________ __________

يمكن لانك حامل أعصابك مشدودة و بتدققي على التفاصيل
بعدين ما في داعي تراقبي موبايله ...شو بدك بوجع الراس
بكرة لما تولدي البنوتة اللي زي القمر ..بيلزق فيكي وبالبنت
انتي اطمني الرجال بعد الابوة بينضج


__________________________________________________ __________

صدقيني بإذن الله راح بتغير بعدماتولدي على خير ولاتراقبي جواله واتغيري معاه خوفيه قوليله: ياليت إلي في بطني ولد أكيد بيسألك ليش؟ قولي زي ماإنت كذا تسوي في بنات الناس أكيد بيجي أحد بيسوي كذا في بنتك (من باب التخويف فقط) الله يسعدلك بنتك يـــــــــــــــــــــــــــــــارب
واتحملي اول سنة زواج وزواج حب كمان لازم مشاكل بعدين بتروقوا...
وطنشيه قد ماتقدري الرجال ماوراهم إلا الهم..عيشي حياتك
الله يهدي سركم