عنوان الموضوع : اهديها وهي ماتستاهل ؟؟ الطبيب يجيب
مقدم من طرف منتديات نساء الجزائر

اهديها وهي ماتستاهل ؟؟



السلام عليكم ورحمه الله وبركاته

بأختصار انا مشكلتي مع حماتي هي بنت خالي كنا انا وياها علاقتنا مع

بعض كويسه وامها (زوجه خالي) كانت معنا طيبه كثير ودايم توقف معنا

مثلا ... لما تولد اختي تكون هي اول وحده تجي وترسل اكل لها في

المستشفى ولما مرض ابوي كل يوم تتصل وتسأل عنه

يعني بأختصار ماتقصر معنا دااايم

بس المشكله لها فتره متغيره علينا

بدا تغييرها من بعد زواجي المهم هي اول ماشافت مكياجي يوم زواجي

جلست تسبه وتقول مايستاهل هالمبلغ ومن هالكلام.....

وانا وامي ساكتين ولا ردينا عليهااا

وبعد فتره جات بنتها (حماتي) وسألتني عن مكياجها وجلست اجاملهاا

واقول حلو ويجنن >> ماابغى اكسر في خاطرهاا لان مكياجهاا

كان مو حلو وتسريحتها بايخه كبيره لانها كانت باروكه وهي ثلاث

الوان >>المهم ماودي احش في الأدميه >>حشيتي وخلصتي هههه

وبعد فتره جينا انا وحماتي المدينه اللي نسكنهااا

وامها اذا لقت فرصه تتصل على امي وتجيب طاريه وتسب شكلي

يوم الزواج وامي مطنشتهااا

واخر مره اتصلت امي ماردت عليها وردت اختي وصرفتهاا

وقالت امي نايمه ولا عاد اتصلت هي

وقابلتها امي بعد فتره وكانت زعلانه وماتكلم امي

وحتى بنتها تغيرت معي وتغيرت تعاملها يوم تعاملني كويس ويوم لا

اوووه نسيت اقول لكم انه في زواجها اهديتها هديه تقريبا 500 ريال

وامي واختي اعطوها 1000 ريال بس هي اخذت هديتي وحطتها

من ظمن اغراضها وماقالت لحد اني اهديتها شيء

حتى سالت بنت خالتي شفتي هديتي لفلانه قالت لا ليش انت اهديتيها

اصلا..؟؟ تخيلوا القهر

وهي عارضه كل هدايا اللي جايتهااا الا هديتي

غير كذا هديتها لي كانت بايخه وهي اصلا جاتها هديه واعطتني اياها

وامها جابت عطور من الرخيصه لا وتقول بعد انا جبتها لك من السوق

الفلاني ..سوق قديم مرره وشعبي

معليش طولت عليكم وماعرفت ارتب الموضوع لاني اول مره اكتب مشكله

بس بغيت اسألكم هي (حماتي) حامل بتولد بعد كم اسبوع

وش رايكم اهديها ولا لا

انا اقول مااهديهاا بس زوجي يقول اهديها بس هديه بايخه

وامي وش تسوي تروح والا لا

امي محتاره انا قلت لها روحي بس خذي معك خالاتي عشان ماتجلسين

معاهم لحالك ؟؟ وهي محتاره

معليش بنات ياليت تردون عليه




>>>>> ردود الأعضـــــــــــــــــــاء على الموضوع <<<<<
==================================


يعني الحين هذي تعتبريهااا مشكله

يعني ابتعدي عنهاا ولاتبردي عليهاا

وانتي بادري بالخير وكوني احسن منهااا

وبس

وربي يوفقج ويسعدج

اكيد البنااات مابقصروووووووووووا


__________________________________________________ __________

حبيبتي أسمعي شوري بأذن الله بتنحل شوفي ياعمري أهديها هدية تليق بمستوك وروحي عندها وعاااادي وخلي أمك تروحلها وتهديها صدقيني أسمعي كلام من لاينطق عن الهوى تهادو تحابو والله بترجع زي أول وأحسن كمان الأدمية معدنها نضيف بس الشيطان دخل بينكم
تقبلي مروري


__________________________________________________ __________

يا قلبي مو كل من أهدى احد هديه يعني انه يحبه ....... جيبي لها هديه حالها حال اي وحده تهدينها لانك لو لم تهدينها صعبه تدخلين ويدك فاضيه وهيه قريبتك وانا اشوف اهديلها هديه بنفس هديتها لك يعني ان كانت هديتها من الغاليه جيبي من الغالي وان كانت من الرخيص جيبي رخييييييص موفقه يااختي دعواتك


__________________________________________________ __________

اللي يقدرك قدريه
واللي يحبك حبيه
واللي يطنشك طنشيه
عااملي الناس زي مايعاملونك
ويالغلالالا جاااات على الهديه اهدي لها هديه عاديه بس صعبه تدخلين عليها ويدك فااضيه
وامك كمان لازم تزورها لان ذي من صله الارحام وسوي اللي عليكي وبس ولا تهتمين بكلالامها كيف كان مكياجك داامه عاجبكي ماعليكي باحد خليها تتكلم لليل الحقران يقطع المصراآآن وخلي بينكم السلالالام لوجه الله


__________________________________________________ __________

أنا بصراحة قرأت الردود .. ومشكلتك ولا أعرف ماذا اقول غير عامل الناس كما تحب ان تعامل

لا تعاملينها يالغلا بطريقتها كوني أكرم منها وقدمي الحسنة تدفعين بها من شر نفسها عليك هذا رأيي

وأنا وحدة ماليّ بالحياة تجارب لكن هذا تصرفاتي وتربيتي ..

الله يوفقك ويسعدك دنيا وآخرة يا رب