عنوان الموضوع : انآ وصديقتي ومعلمآتنآ الطبيب يجيب
مقدم من طرف منتديات نساء الجزائر

انآ وصديقتي ومعلمآتنآ



السلام عليكم
حبيت اطرح عليكم مشكلتي اناأدرس بأول ثآنوي..مشكلتي اني حبيت معلمه أوكي انا الحمدلله متفوقه واخلاق يعني مو ناقصني شي المهم حبيتها في الله وهي جات عندنا انتداب وطبعا لماجات تروح اخذت رقمها ومعآي ايميلها وتقريبا سولفت معها مرتين ع المسن وحبيتهآ اكثر مع ان شخصيتها غريبه الحين هذي مو المشكله المشكله اني بموت من الشوق عليهآ..وطبعا انا باول ثانوي انتو عارفين السنه الجايه ياادخل علمي ياادبي واحنا مدرستنا مافيهآ علمي عشان كذآ بضطر اني انقل مدرسه ثآنيه..طبعآ مافي الا مدرستين حطيتهآ ببآلي اقرب شي لنآ وهي مدرسه كل بنآتهآ دوافير وفيهآ اجانب ومره خايفه لان الي يروح لها ياخذ الاخير من شطآرتهم والمدرسه الثآنيه مدرسه معلمتي الي قلت لكم فكرت انقل عندهآ بس مرره خآيفه صديقتي نصحتني ماروح عندهآ لانهآ بتطفش مني وهيك وبتقول البنت تلاحقني صحيح انآ خفت من كذآ..وشي ثآني عندي رقمها وايميلها ويمكن ان درستني هنآك بتقولي امسحي رقمي او شي يعني احسن الوضع مكركب لان انتو عارفين المعلمات مايعطون ارقامهم لطالبات مدآمهم يدرسونهم وصعب عليهم وهي قالت لي كذآ اول ماجيت اطلبهآ ايآم الدرآسه بس عطتني بآخر يوم..وانآ خايفه اني حتى لو نقلت عندهآ مااتأقلم مع المدرسه والطالبات لاني ماعرف احد يعني لو رحت بروح عشانها بس متردده كثيره مادري وش بيكون رده فعلها توقعون تتضآيق؟انا ماقلت لهآشي بس لما سالتني وين بتروحين لو دخلت علمي قلت لها المدرستين طبعآ المدرسه الي تدرس فيهآ مدرسه...الاولى وفي مدرسه بنفس الاسم بس الثآنيه يعني مدرستين بحي واحد ونفس الاسم بس هذي الاولى وهذي الثانيه وانا ماحددت لها أي وحده ...طبعآانآمره خايفه وفي شي ثآني انا احتمال اني ادخل ادبي مع اني شاطره بس مشكلتي الرياضيات واقفه بوجهي تنزل درجاتي بشكل مو طبيعي وخآيفه منهآ..بس والله اتمنى علمي..ع فكره معلمتي تدرس فيزياء...
وعندي مشكله ثآنيه تشبه هالمشكله بس لصديقتي
صديقتي نفس الشي تحب معلمه بس الفرق هالمعلمه عندنا بالمدرسه وتدرس كل صفوف الثانوي وطيبه وكل شي وصديقتي صآرحت المعلمه وطلبت ايميلها ووعدتها تعطيها ع نهايه السنه ولاحظو(صديقتي كانت تقول بروح العلمي واذا جيت بطلع باخذ ايميلها)والمعلمه وافقت ع اساس صديقتي بتروح السنه الجايه من المدرسه ووعدتها تعطيها .المشكله ياطويلين العمر ان الحين صرنا مترددين انا وهي بين العلمي والادبي وصديقتي خافت لو دخلت ادبي بتضطر تجلس بالمدرسه!وهنامانعرف وش بيكون رد فعل المعلمه يعني اكيد بتحذف ايميلها او تتغير عليهآ ولاشي وصديقتي حسآسه زيي وبتزعل وطول الوقت شايله هم هالموضوع بقوه..
تكفون ساعدوني نفسي اعرف رد فعل معلمتي الي نقلت بالهموضوع وش رايكم انقل عندها ولألأ ولا اقولها مع اني مومرتاحه ترآ...ورايكم بموضوع صديقتي؟
ساعدوني بليز

>>>>> ردود الأعضـــــــــــــــــــاء على الموضوع <<<<<
==================================


ياقلبي

انا من رايي انك ماتنقلين عند المعلمه

لانه انتي بنفسك بيجي يوم وتملين وتندمين انك لحقتيها

ولو نقلتي للمدرسه اللي فيها دوافير على قولك

احسن لك بكثييير لاتحطين في بالك انك بتكونين الاخيره

لانك راح تجتهدين اكثر معاهم وبيرتفع مستواك ان شا الله

وحاولي تفهمي الرياضيات اول بأول وياليت لو تقولين لوحده من زميلاتك

قبل الاختبارات تشرح لك اللي مو فاهمته وتذاكرون مع بعض

راح تسهل عليك

العلمي احسن لك..

اتمنى اني افدتك


__________________________________________________ __________

حبيبتي
أنتي تمرين بمرحلة مراهقة
أتركي عنك كلللللللللللللللل هالسوالف
وخلي همك الأول والأخير دراستك ومستقبلك
لاتفكرين في شي ثاني غير دراستك
أجلسي مع نفسك
وفكري كويس
واستخيري واستشير أمك أو أحد أكبر منك يقدر يساعدك
دوري على مصلحتك وخليها قدام عينيك
الله يدلك على الخير وين ما كان ويوفقك يارب
ونشوفك داعية


__________________________________________________ __________

الله يوفقك وييسر امورك


__________________________________________________ __________

يسلمووو الله يعطيكم العافيه
ياليت الباقين يردوون اعتبروني اختكم؟


__________________________________________________ __________

المشاركة الأصلية كتبت بواسطة السلام عليكم
حبيبتي
أنتي تمرين بمرحلة مراهقة
أتركي عنك كلللللللللللللللل هالسوالف
وخلي همك الأول والأخير دراستك ومستقبلك
لاتفكرين في شي ثاني غير دراستك
أجلسي مع نفسك
وفكري كويس
واستخيري واستشير أمك أو أحد أكبر منك يقدر يساعدك
دوري على مصلحتك وخليها قدام عينيك
الله يدلك على الخير وين ما كان ويوفقك يارب
ونشوفك داعية

...........