عنوان الموضوع : حالة خوفـــــــــــــــــــــــــــــــ ........... مجابة
مقدم من طرف منتديات نساء الجزائر

حالة خوفـــــــــــــــــــــــــــــــ ...........



السلام عليكم ورحمة الله وبركاته ...

بصراحه مو عارفه من وين ابدأ

مشكلتي مع زوجي ويمكن كثيير منكم يعتبرها انها مو مشكله وشي عابر

بس انا تعبت كتيير ,,

في يوم من الايام كنا سهرانين انا وزوجي فـ شفتة بيسهي وبيغمض عيونة دئيئد وبصحى وبرجع ينام خخخخ

المهم جبت فوقيعه الي هيه بطلع صوت متل انجار

وشعلتها ورميتها عليه ودخلت على غرفتي وعملت حالي نمت

ولا انفرجت الفوقيعه وسمعتوا بيصرخ ههههه بعدين اجى لعندي على الغرفه وصحاني وبيحكيلي شو في

بحكيلوا شو فيه مابعرف ؟؟

شكلك بتحلم ..........

بعدين دخن سيجاره ونام

ومافتحت سيرة الموضوع

ومر 4 ايام وكلشي تمام

وبعدين بدأت الصاعقه كنت نايمه بالغرفه وهوه طفى الكهربه علي وسكر الباب وئعد يطلعلي اصوات مخيفه وانا صحيت والتمست صرت اصرخ وهوه مازال بالاصوات المخيفه بعدين لمن سرت ابكي كتيير اجى واخدني بحضنوا وئعد يراضيني وبيحكيلي شكلك بتحلمي ؟؟؟؟!!!

يوميتها حكيت يمكن بدو يردلي الضربه ومرئتها

وتاني يوم دخلت اعمل دوش الفجر عشان اصلي وعلى بالي نايم والا وانا بتحمم جاب فوقيعه ومن الصوت الاعلى ورماها في الحمام وانا عملتها على حالي من الخوف حكيت بدي اموت والا اجى علي بسرعه وبيضحك وزعلت منو وصالحني ومشي الخال

وبعد كم يوم جايب فناع جلد مخيف وبينزل دم .......

ودق على باب البيت وسألت مين وحكالي انا وفتحتلوا بكل حسن نيه والا مالقي قدامي غير واحد شكلوا مرعـــــــــــــــــــب واهرب داخل البيت واغمى علي في المطبخ من خوف المنظر

واخدني على الطبيب وكان ضغطي نازل واخدني وعشاني بره وباسني وصالحني وندم انو عملها

هلأ انا من هداك اليوم على طول خايفه وبخاف اضلني بالبيت لحالي مع العلم انو هآد الحكي الو اسبوعين

وسرت اروح عند اهلي او عند اهلوا لحد مايروح وماائدر انام لوحدي

وهوه مبسوط وبيضحك علي

وكل مااحكي لحدآ بيضحك علي

انا عنجد ندمانه الي عملتوا لزوجي

وانا من جديد عرفت اني حامل ومو عارفه شو اعمل مع العلم انو صحتي وصحة الجنين كتيير منيحه الحمد الله ..

وانا متزوجه من 3شهور ..........

ساعدوني صار عندي عقده ..................................

>>>>> ردود الأعضـــــــــــــــــــاء على الموضوع <<<<<
==================================


هههههههههههههههههههههههههه ضحكتني مقاااالبك انتي وزوجـــــــــــــــــــــــــك اممممممم يعني ماادري ايش اقووووووولك بس بصرااااااحه انتي اللي بديتي يعني لازت تتحملي مع اني احس انه هوو زودهاا كثيير معناته لازم تتووبي تسووي مقالب مع زووجك لان رااح يرد لك الصااع صااعين بالنسبه للخووف اقرأي الاذكار وخلي ذكرر الله داايمآآ على لساانك ورااح ترتااحي ولا تنسي ((الا بذكر الله تطمئن القلوب))
موفقـــــــه


__________________________________________________ __________

لا تمزحي معاه مزح جااااااااااامد ههههههههه واطلبي منه ما يعيدها موفقه ياقلبي


__________________________________________________ __________

لا تمزحي معه لأنك حامل لا قدر الله الجنين بينزل


__________________________________________________ __________

انتي لازمك قطع خوفه واذا بدك تعرفي كيف كلميني ع الخاص لانه شوي محرج وعيب نحكي هنا ,, لانك لو ما تعالجتي حظلك هيك علطوووول ,, ومره تانيه لاتخوفوا بعض بهالدفاشه هده ,, وخصوصا بالحمام ومره تانيه اول ماتخافي اشربي مي مشان الخوفه ما تتعقد بعروقك ,,


الف مبروك ,,


__________________________________________________ __________

ههههههههه مزحك قوي بصراحه انتبهي البنت ضعيفه اي خوف او شي ياثر فينى
المهم فهمي زوجك ماعاد يعيدها وانتي بعد توبي خخخخخخخ
واكثري من ذكر الله كل وقت ولا تعطي الشيطان مجال يتملكك الخوف