عنوان الموضوع : طلقني واتجوز سعودي مجابة
مقدم من طرف منتديات نساء الجزائر

طلقني واتجوز سعودي



اخواتي ساعدوني او حتى خففو عني
قصتي طويلة بس اعذروني
انا تعبانة نفسيا ومش عارفه اعمل ايه
مشكلتي اني بحب جوزي وهو عمرة ماحبني
مشكلتي كبيرة وهي تقريبا انتهت خلاص بس انا لسه متأثرة وتعبانة منها

انا اتجوزت واحد هو من قرايبي بس يعني مش يقربلي كتير يعني حاجه من بعيد جدا
اول ماجاه يتقدملي كنت حطير من الفرح لانه وسيم وخلوق ومش بتاع بنات
والكل يمدح فيه دا غير ان مبسوط ماديا جدا
لما اتجوزته الكل كان يحسدني لدرجة ان بعض صحابي كانو يقوللي
يابختك اتجوزتي واحد زيه دا مافيش رجالة زي كدى
المهم عيشت اول سنة معاه كانت اجمل سنين حياتي
وحملت وجبت ولد
وبعد مرور سنة وشهرين من جوازي حسيت انه بداء يتغير عليه
يعني دايما يسرح مابيهتمش فيه مابيخرج معاية
حتى الرغبة الجنسية سوري ع اللفظة دي بس قلة عنده
مع انه كان مابيعديش يوم الي وبيعملها معاية
المهم انا شكيت يكون اتعرف على واحده او حب واحده
بس كنت بكدب وبقول لا لا دي مش اخلاقة
ودا بيصلي وبيخاف ربنا ومابيدخنش ولا كان له علاقات قبل الجواز
ازاي حيحصل بعدها
لاني عارفه لو حصل حاجه زي دي تكون مصيبة لاني اعرفه مش بتاع بنات
وكنت اخاف انه يوقع في الحب
خاصة واننا اتجوزنا جواز تقليده حسب رغبة والده
المهم
انا الي كنت متجننة عليه هو كان عادي يعني يحبني حب عادي جدا جدا
لكن بعد سنة من جوزنا اتغير عليه
وبداء يعمل مشاكل ومابيحبش يقعد في البيت ولا بيناديني في الفراش الا مرة كل اسبوعين واحس وهو معاية كانه حاجه عايز يعملها ويخلص بس
المهم
بعد سنيتن من جوزانا جالة عقد عمل بالسعودية
وراح
ومارضيش ياخدني معاه بحجة انه المصاريف حتكون عليه كتيرة المهم قعد
سنتين هناك ورجع
ولما رجع لقيتة مش هو خالص ابدا
راجل تاني لا بيحب يتكلم معاية ولا يحب يضحك ولا يهزر
ومع الايام اكتشفت انه بيجي اتصال من السعودية وكل مايجي الاتصال دا
يروح واخد بعضة وينزل تحت يتكلم بالساعات
ويرجع اخر اليل
لما اسأله يقولي اصحابي
واخيرا في يوم دخل يستحمى رن الموبايل بتاعة رقم من السعودية
فتحت الخط سمعت صوت بنت
رحت قفلت على طول
وبكيت وانهرت
ولما واجهتو قالي لا دي مرات كفيله الي بيشتغل معاه وهيه عايزاه في شغل
انا شكيت فيه
وكدبته بس هم ماحولش انه يقنعني وكانه بايعها اصلا
على فكرة وملحوظة مهمة
انا عارفه انه هو عمره ماحبني من اول يوم في جوزانا
عمره والله ماقلي بحبك او واحشتيني
لما كنت اقوله ليه ماتقوليش كدى يقولي الحب بالمعاملة مش بالكلام
وبعدين منعته ينزل السعودية وقلتله مافيش شغل هناك
قالي اخبطي راسك في الحيط حروح غصب عنك
انا انهر وجبت اهله كلهم وحكيتلهم وقلتلهم انه على علاقة بواحده
وكنت فاكرة ان دي بداية لعلاج مشكلتنا ماكنتش اعرف انها بداية النهاية
بيني وبينه
تعرفو عمل ايه
ساب البيت وماجاش 4 ايام
وقفل موبايله
وبعدها اتصل على اهلة وقالهم انه بيشتغل في مصنع في شرم الشيخ
وفهعلا راح هنا ك سنة كاملة المم يبعد عني ومايشوفنيش
وكأني ذنب في حياته
هو عمرة مااساء المعاملة معاية او شتمني بلعكس كان بيعملني بأدب
حتى وهو بيخوني
وفي يوم جاه والده وقاله انت لازم ترجع لمراتك زي اول وتنسى اي علاقة بينك وبين اي بنت وتفكر في بيتك وابنك
وضغط عليه وقاله منتش ابني ولاعرفك لو مارجعت لمراتك ونسيت كل حاجه
وفعلا قطع علاقته بيها شهر ونص ورجعلي وخلال الشهر دا انا حملت
اول لما قولتله اني حامل كاني طعنتة بكسين وقالي مش اتفقنا انه مافيش حمل
منك لله وقعد يشتم ويسب فيه ودي كانت اول مرة يشتمني فيها ويشتم اهلي وكان عصبي جدا
وساب البيت ومشي وكل اخر اليل يرجع وينام في اوضة ابني
لحد ماولدت ماجاش زارني في المستشفى الا تاني يوم
جاه سلم على ابنة ومشي
وحالته كانت مذرية لا بيتكلم ولا بيضحك لانه بيحبها بجنون ومش متخيل حياتة بدونها
رجع يكلمها تاني

المهم انا بعد ماولدت بقالي دلوقتي3 سنوات وشوية وهو ماقربش مني خالص خالص
ولما كنت اقوله ليه دا حقي وكدى
كان يقولي حاسس اني عندي عجز جنسي ومش قادر لازم اروح اكشف وانا صدقته
وواخد تاشيرة ورجع السعودية وهي ماكنتش تعرف انه متجوز من كتر مابيحبها مارضيش يقولها عشان ماتسبوش
بس اخرتها عرفت واستمرت معاه

ومن ساعات ما نزل السعودية مابيتصلش فيه خالص
ولما يحب يطمن على اولاده يتصل في امه او بابته عشان احنا ساكنين في نفس العمارة
واخر مرة من شهر اتصل عليه وعمل مشكلة وطلقني
انا قعدت ابكي وحاولت اوسط اهله مافيش فايدة
ومن يومين سمعت انه خطب في السعودية وعايز يعيش هناك
وسمعت من صحابة ان هو مبسوط وفرحان وانا مش قادرة ع الخبر دا
حموت مش قادرة انام
لازم اعمل حاجه عايزة افسد جوزاه عايزة اخرب عليهم مش عارفه اعمل ايه
بعتله مسج قلتله فكر في الموضوع انا ام اولادك ودي مجرد نزوة
راح بعتلي رسالة وقالي الحب عمره ماكان نزوة وانا بحبها من 7 سنوات
وحاولت احبك ماقدرتش وحاولت احافظ على بيتنا ماقدرتش
وانا طلقتك عشان تشوفي حياتك انتي كمان لاني عمري ماحسيت تجاهك باي حب
انا كنت حموت من الرسالة دي ياريتني مافتحتهاش ولا بعتله
قمت بعتله تاني رسالة وياريتني ماعملتش
قلتله طيب اتجوزها ورجعني مالوش لزوم تطلقني
راح بعتلي مسج تاني يوم وكتبلي
سامحيني واغفرلي الجرح الي سببته ليكي بس دا مستحيل انا ماستهلكيش
انسيني يابنت الناس انا خونتك وحبيت واحده من بعد سنة من جوزانا
دا بيدل على اني عمري ماحبيتك ولا عمري حاحبك خرجيني انتي كمان من قلبك

اتصلت فيه ليل نهار
مية مرة ماردش
وفي الاخر غير رقمه
ومش عارفة طريق ابدا
اعمل ايه انا بمووت بتقطع بحبه جدا مش متخيلة حياتي بدونة
مع انه عمره ماحبني
اعمل ايه يابنات ساعدوني
اسيبة يعيش حياته مع الي يحبها
ولا احاول ارجعه
ارجعه ازاي ؟؟؟!!

>>>>> ردود الأعضـــــــــــــــــــاء على الموضوع <<<<<
==================================


اختي خلاص عيشي حياتك واتزوجي وربي يعوضك بواحد افضل منه وماينفع تعيشي مع واحد مايحبك ..!

اختي احمدي ربك طلقك يعني ماخلاكي معلقه او يخونك وانتي ماتدري ..!!!

هو اعطاكي الحريه وانتي عيشي حياتك وانسيه وربي كريم

اختي قدر الله وماشاء فعل

تحياتي


__________________________________________________ __________

او لا السلام عليكم ورحمة الله وبركاتة. اختي العزيزة اقسم بالله انقهرت وانا بقرء بقصتك ؟ هو المفروض الله يسامحة من اول عمل هيك احسن ما انك تخلفي منو وتتعذبي اكتر . حبيبتي هلاء هو عمل الشي اللي كان لازم يعملو من اول حتى ما يظلم نفسة ويظلمك لانو ابغض الحلال عند الله الطلاق وانتي حبيبتي لساتك صغيرة والحياة وقدامك ونصيحة انك تنسية لانو خلص اتجوز وبتقولي انو طلقك معناتو سؤالك عنو بيكون على حساب كرامتك والوحدة منا بلا كرامة ما بتسوى. وانتي هلاء روقي واهدي واحمدي ربك على كل شي وانشالله بيجيلك نصيب احسن منو ويكون بيقدرك وبيعرف قيمتك وبتعيشي معاه الحياة يلي كل بنت بتتمناها. وبتمنى ما تزعلى من ردي .تحياااااااتي لعيونك


__________________________________________________ __________

الله يعينك ويصبرك وحاولي تكثري من الدعاء والاستغفار وقيام اليل لعل الله يستجيب دعائك ويرجعلك زوجك
وماتعرفيش ممكن تكون نزوه ويرجعلك
انا بدعيلك من كل البي يارب يرجعلك زوجك باقرب وقت ويكون احسن من الاول كمان
وحاولي في الوقت الحاضر تشغلي بالك بالدعاء والصلاه وتربيه ابنائك والله ربنا حيعوضك ان شاء الله خير


__________________________________________________ __________

اشكركم على ردودكم
بس مش متخيلة حياتي مع راجل تاني
انا بنام وبشوف صورته قدامي مش قادرة استحمل بعده

في حاجه نسيت اقولها
هية لما عرفت انه متجوز سابته وقالتله انا مستحيل اخرب بيت واحده
وقفلت موبايلها شهرين
وهو قعد يبكي زي الاطفال ويترجى اخته انه تكلمها وتسامحه
لا بيخرج مع صحابه ولا بيضحك وكل ليلة يقعد في الاوضة يبكي كأنة حد مات له
ولما اكلمة مابيردش عليه وبينظرلي نظرة غريبة نظرة واحد يائس من الدنيا
وان انا سبب يائسة في الحياة
مع ذلك بحبة ومش قادرة على بعده
ادعوووووووووولي حموووووت


__________________________________________________ __________

السلام عليكم يااختى . انا حاسة بيكى الحمد لله ان ربنا خلصك منه وانا عايزاكى فى الفترة الحالية تعيشى لنفسك وابنك انا عارفة ان الموضوع صعب انك تنسيه .معلش حاولى وبمرور الأيام هتنسى .انا عايزاكى تحسبيها كويس لو فرضنا انك عايشة معه وعارفة انه بيحب زوجة تانية وعايش معاكى كتقضية واجب صدقنى كنتى هتتالمى كل ما يذهب
اليها .انتى وضعك الآن اهون . اشكرى الله . خالى بالك على نفسك وعلى طفلك . وربنا يرزقك بزوج احسن منه .