عنوان الموضوع : الهجر بين (الصبر أو الطلاق) مجابة
مقدم من طرف منتديات نساء الجزائر

الهجر بين (الصبر أو الطلاق)




السلام عليكم ورحمة الله وبركاته

انا اول مرة اشارك في منتدى بحياتي لاني عجزت اشكي لحد اعرفه قلت اكيد بلقى هني خوات وبيساعدوني لاني مدمرة نفسيا فوق ما تتصورون الله لا يحكم مكاني قولو امين
شكوى لغير الله مذلة شكيت الله في حالي كثير وناجيته بكل وقت وحين واليوم انا بينكم خواتي انصحوني وشورو علي انا متزوجة عمري 24 سنة تزوجت من شاب متزوج وحنا عايشين مع بعض صار لنا الحين 4 سنوات ومبسوطين ناكل مع بعض ونسهر مع بعض ونطلع مع بعض والمبيت ليلة بليلة وامورنا ماشية تمام الحمدلله
عندي ولد عمره شهرين الحين ومشكلتي مع زوجي انه هجرني فجاة من دون سابق انذار او سبب مقنع بدأت معاشرته لي تقل مع تقدم الحمل يعني من الخامس وفوق بدأت تقل تدريجيا لين دخلت التاسع انقطعت نهائيا وكنت اتهاوش معاه خاصة انه يعاشر حرمته الاولية كل ما تكون ليلتها وهالشي اللي اثر على نفسيتي وايد وكنت ابكي كل يوم يقولي اشياء ما تدخل العقل مرات مالي مزاج مرات تعبان مرات خليها مرة ثانية حشا خلصت الاعذار وهو ما خلص اعذاره لين استسلمت ووكلت امري لله وقلت باجر اولد وتختفي هالكرشه لعلها اهي السبب في انه ما يحب يعاشرني واقتنعت بهالشي 100%.
ولدت ورحت على بيت اهلي 40 يوم ما شفت رقعة وجهه ولا زارني كالعادة بزنس وما بزنس وكاي انثى بعد الاربعين جهزت نفسي وكاني عروس صبغة وعدسات ونقش اسود وحرمته ما قصرت خلت لنا البيت تدري بنار الشوق ولهفة فراق شهر وشوي تخيلو ما عاشرني ؟؟
والله بت الليل اصيح وخليته ناين وطلعت ابكي ونمت على دموعي
وثاني يوم تناقشت معاه قام قالي انا مب مجبور اسوي هذا الشي ؟ وهالشي على هواي ومزاجي؟ ولا تحسسيني انه شي ضروري ؟ ومب لازم نتهاوش عشان هذا ؟ وانتي شو ما تشبعين ؟ الا اجيب لج صناعي احسن ووووو لين انا بروحي وقفته وقلت له خلااااااص مابي اسمع اكثر
هل اجرمت يوم طلبت حقي؟ قلت له انا صار لي 3 شهور وتقولي ما تشبعين هل انت بتصبر على شهوتك 3 شهور؟ لاكن اناني عنده زوجته الاولية يفرغ فيها شهوته وانا طز فيني الله يسامحه ياما تعوذ الرسول صلى الله عليه وسلم من قهر الرجال وشو عن قهر النساء؟
والله يا جماعة الخير اني مرات اتخيله وانا واعية وانا نايمة واشتهي حضنه وبوسه ومشتاقه يرقد معاي هل في وحدة عايشة بهذه المشاعر وزوجها موجود يعني لا مسافر ولا هو ميت في بيت واحد وما يذلني على الجنس والله اني ابكي الحين من القهر انا محتسبة ومفوضة امري لله واقول يا رب لا تغضب عليه ابو ولدي
والحمدلله لا فكرت اعمل منكر او اتعود عللي يسمونه بالعادة السرية انام بحسرتي وبدموعي كل ليلة ولا قدرت انسى
والحمدلله انا بنت كشيخة بيضه وحلوة بشهادة الكل وما اقصر بعمري من ناحية الملابس وخاصة ملابس النوم
شوركم وهداية الله فديتكم

>>>>> ردود الأعضـــــــــــــــــــاء على الموضوع <<<<<
==================================


الله يعينك اختي ويهديه لك
ويسخره ان شاء الله البنات
يفيدونك


__________________________________________________ __________

محد بيحس فيك كثري والله

حسبي الله ونعم الوكيل



امكن مسحور زوجك ؟؟؟؟!!!!

انا اشوف انك تتكلمين معه ووتقولين اما انك تطلقني او تتعدل وتعطيني حقي

وماشاء الله انتي بعدك صغيره فلاتسكتين ترى العمر يركض ...


وياليت توضحين لي سبب زواجك منه ...؟؟ لانك صغيره و داخله على حرمه ورضيتي تكونين زوجه ثانيه

ليه ؟؟؟؟؟؟؟؟؟؟؟؟؟؟؟؟؟؟؟؟


__________________________________________________ __________

الله يكون في عونج اختي الغالية

اكثري من الاستغفاااار

وحاولي تنبهه انج لج حق والرسول امر بالعدل بين الزوجااات

الصراحه مااعرف شو اقول بس يمكن تأثير الزوجه الاوله ويمكن شئ ثاني

الصراحه وايد فرضيااات في بالي

والله المستعااان عليه

حاولي تتقربي منه اكثر

بس لاتغضي عليه اكثر من كذاا

الله يكون بعونج ويسهل امورج


__________________________________________________ __________

لا حول ولا قوة الا بالله
ليه يزوجون ثانيه اذا هم مايعرفون العدل
ويستغربون احنا ليه مانحب نزوج من زوج مزوج مع ان الرسول حلل اربع لانهم اغلب الرجال مايعدلون مافي الا جزء بسيط يعرف العدل
يالله يصبرك والله انا حاسه فيك حييييل
لان المرة لهااا بعد رغبه زي الرجاال
هو يقوليك انتي ماتشبعين اجيب لك صناعي قولي له متى اخر مره جيتني عشان تقول ماتشبعين وتسمعني هالكلام
وربي مو عارفه شنو اقولك غير الله يصبرك
اقري سورة يس والصافات يوميا وداعي الله يرجع لك حقك


__________________________________________________ __________

الله يكون في عونك وعوني
انت ياختي عنده زوجه بالحلال يفرغ شهواته
لكن انا ماعنده زوجه غيري
بس يفرغها مع زانيات مثله
نصيحتي للك ياختي
اذا ضروفك تسمح بالطلاق وتقدرين تعيشين مطلقه
اطلقي
لانك بتعيشين عمرك كله محرومه من حقك
وبتحيسين بالقهر والحرمان مثلي
واذ انتي قادره تصبرين عمرك كله محرومه ومتعذبه
اصبري فان الله مع الصابرين
الله يوفقك وينصرك
ويسعدك ويسعدني ويسعد كل حزين وتعبان