عنوان الموضوع : محتاجه احد يسمعني مجابة
مقدم من طرف منتديات نساء الجزائر

محتاجه احد يسمعني



السلام عليكم ورحمه الله وبركاته
بقول قصتي من البدايه انا عشت حياه كلها حرمان مابقول طلابتي لاكن ابسط حقوقي حتي الدراسه انحرمت منها ابوي ماخلاني اكمل والله اني بكيت الدم ابي اكمل دراستي بس مارضي وطلعني بشاهده ابتدائيه رضيت بامري وقلت يلا الله ماكتب لي بس والله ياابنات قلبي يحترق كل مامرت سنه من عمري وانا اخسرها من غير دراسه كان اكبر حلم لي اني اكمل دراستي اناكانت امي تعاملني بقسوه والله يابنات مااكذب وكانت تحرض خواتي علي كله ليه عشان ابوي يدللني طيب انا وش ذنبي لما ابوي يسافر كانت تحبسني بخزانه مظلمه والله المهم جلست بالبيت وكل يوم مشاكل مع امي كل يوم تقول لبوي بنتك كذا وكذا والله انها كانت تظلمني بس خلاص صار عمري 14 سنه وانا لين هالعمر انضرب والله كنت اسكت ومااتكلم كنت اقول انا تعودت على الضرب معاد صارت تفرق معي اتخيلوا صحبات ممنوع وطلعه ممنوع والله حتي التلفون حتي مصروف مايعطوني ولما ابوي يعطيني امي تاخذه مني وتعطيه لختي اللي اصغر مني والله وجلست على هالحال وهي كل يوم ياضرب ياكلام والله يخلي الواحد يكره الحياه كنت اسال زوجه ابوي ليه امي تعاملني كذا كانت تقول مدري وهي اكثر الاحيان تلحقني من بين يدين امي المهم كبرت وصار عمري 18 وتقدم لي ولد خالتي وقبلها صارت قصه اتخيلو مره طلعت عرس مع الاهل وجات واحده سالتني وقالت لي وين امك ودليتها على امي واليوم الثاني هذه تتصل وايه تخطبني وقامت امي تقول مخطوبه وبعد مقفلت اتخيلوا تخاصمني والله وقالت انا اللي رحت لها وانا اللي قلت لها اني ابي اتزوج فيه ام تقول كذا وبعدهاا على طول جاء ولد خالتي وقبل ابوي واسمعوا طبعنا ماسالتني امي وقال ابوي لختي الكبيره روحي اسالي اختك واختي سوت نفسها سالتني وقالت لبوي ايه موافقه والله انا كنت اسمعهم من غير مايدرون قال ووافقت قالت ايه قالت مابتحصل احسن منه يصلي ويعرف ربه وولد خالتها قالت له من غير ماتسالني قلت خلاص يلا مدام يصلي ويعرف ربه مابيقصر معي تزوجت وياريتني ماتزوجت وياليت تنفع هالكلمه وش اقول والله جلست ثلاثه اشهر وحملت وتعرفوا اول واحده تحمل تكون طايره من الفرحه اللي انا قالت لي الدكتوره حامل جلست ابكي تعرفوا ليه الزوج المحترم من يوم تزوجته وهوا يقول مانبي نخلف طيب ربي كتب كذا وهوا والله تقولوا احد مات لما سمع خبر اني حامل وكان كل يوم يجيب اصحابه على الغداء والعشى يمكن عقاب لي المهم كان دوام زوجي من الساعه ثمنيه الصباح لين الساعه 2الظهر ومن 3ونصف لين الساعه12 الليل ولا يوم اجازه يعني هوا بس اتزوج خدامه ملابس واكل واحجاته وبس اما انا من يوم تزوجته لين اليوم والله ماعمره جاب لي هديه او اي شي من خاطره ولدت وقالوا مبروك ولد وهوا عادي ماكن قالوا له شي لين اليوم ولدي عمره سنتين واربعه شهور وربي يابنات ماجاب له ولا لعبه مرت حياتي وانا انتظره باخر الليل عند الباب واسوي العشى وبعدها على غرفت النوم وبعدين يرتمي ينام انا والله صرت معاد تفرق وجوده من غيابه واصلا حياتي كلها معاد تهمني تعرفوا وش اللي يهمني ولدي صار عمره سنتين واربعه شهور وماينطق غير ماماه وباباه بس ولد اختي عمره سنه ونصف ومشاءالله صير تكلم والله اختي تقول ودي ولدك المستشفى بس ولدي مو مريض ولدي يعاني الوحده اربعه وعشرين ساعه وانا واياه لحالنا تصدقوا مرات الاقيه جالس بزاويه الغرفه ويشد اسنانه والله ويطلع صوت مدري يبكي او ايه المهم والله يابنات صوته قطع قلبي اقول له ماماه ماماه ومايرد علي مسكته وسميت عليه والحمد الله رد على وجلست ماسكته وجات مره وعادها هالحركه مادريت وش اسوي حتي لما ابوه يروح والله كان يصيح بصوت عالي واجلس اسكته لكن الحين يقول لبوه بابا باي ياشر له بيده يعني باي ويدخل بالغرفه والله وينزل راسه ويغطي وجهه ويبكي وش اسوي معه قلت لبوه ماهمه قال دوري روضه قلت له فيه روضه قال من بيوديه قلت باص قال مافيه فلوس احس ولدي بيروح قلت اخلف واجيب احد يونسه بس الاخ مايبي اخلف الحين امي واخواتي يقولوا يلا خلفي لحد متي اقول لا ماابي وانا والله ودي اليوم قبل بكره بس وش اسوي ولدي بيضيع مني والله اخاف يصير عنده اكتاب انا ماتفرق معي الحياه اصلا من اول ماانخلقت وانا عايشه بمذله كل همي ولدي ساعات اقول بااخذ ولدي واهج انا واياه نروح بعيد واعيش انا واياه بس افكر بابوي واللي بيصر فيه وبعدين اقول وين اروح وظايفه مابلاقي اول شي ابتدائيه وبعدين كيف بعيش انا وولدي والله والله هذه اول مره اتكلم عن حياتي تعب سكوت حتي اهلي مايدرون عن حياتي مع زوجي كل اللي يعرفوه اني مبسوطه انا اقول لهم كذا ابيكم تدعوا لي ان الله يرحم حالي

>>>>> ردود الأعضـــــــــــــــــــاء على الموضوع <<<<<
==================================


حبيبتى والله دموعى نزلت وقطعتى قلبى يارب فرج همك وهموم المسلمين
ليه ماتغيرى حياتك تعرفى على صديقات سويلك مشروع فى المنزل لالالاتجلسى كذا
بس احسن حل شوفى اقرب تحفيظ قران عندك اسالى وروحى كل يوم مادام جالسه العصر وزوجك ماهو فيه
وفيه فترتين شوفى ايش احسن لك وروحى ومنها ولدك يطلع حرام ولازم يشوف احد يختلط مع الناس حتى لو جيرانك روحى لاتجلسى حياتك كلها ملل اقرئى كتب ثقفى نفسك انا ماكملت ثانوى لاكن احب اقراكثير وحياتك مع امك مهما سوت هذى امك تقربى منها بهديا وحسيها بحبك لها وزوجك اجلسى معه كلميه بهدوء عن معاملته لكى وقولى له لو يوم بالشهر يطلعكى انتى وابنك او ليه ماتكملى دراسه فى بعض مدارس للمنقطعات وفيه حضانه ومنها يختلط باحد لالالاتسكتى وتعيشى حياتك كذا غيرى وعيشى حياتك بالتقرب لله ونصيحه اكثرى من الاستغفاااااااااااااار وقيام الليل والدعاااااااءالدعاء


__________________________________________________ __________

أسأل الله العظيم رب العرش الكريم بأسمائة الحسنى وصفاته العلى أن يفرج همك ويهدي زوجك...حاولي يا أختي أن تغيري حياتك إلى ماهو أحسن..إن شاء الله الأخوات ما بيقصروا معك


__________________________________________________ __________

حبيبتي الله يعينك بس خذي النصيحه مني اذا انتي خايفه على ولدك انتي العبي معاه وونسيه واعطيه ورقه وقلم وخليه يرسم ودائما تكلمي معاه اهم شي ولدك لا يصير عنده اكتئاب ويمكن هذا الولد اللي يشيل ابوه وهو مايبغاه سبحان الله
ربي يخليه لكي ويحفظه ويقر عينك فيه


__________________________________________________ __________

ياعمري قولي الحمدلله
انتي حياتك طبيعيه لاتغرك الدنيا وتقولين ياحظ الحريم الزواجهم جالسين عندهم وعندهم عيال وبنات ومبسوطين

والله والله اغلب النااس كلها مشاكل
انا اعرف واحده بنت عمي
متزوجه وزوجها مدرس يروح الصباح المدرسه ويجي الظهر
اذا جاء تغدى وحط راسه ونااام مايصح الا ساعه ثلاثه بالليل ياكل وجلس ع النت
والفجر يروح للمدرسه
والله ماتعرفه تقول حياتها ملل المشكله لها عشر سنوات ع هالحال ولا عنده اطفال تتمنى ان يكون عنده طفل يسليها
وانتي احمدي ربك عندك ولد يسليك وزوجك بقلعته
بعدين زوجك يعمل لليل ونهار الله يعينه على عمله المفروض توقفين بجنبه ولا تضايقينه
وتكونين له عون
عشان يحبك ويحترمك ويمل قلبه لك
اهم شي دايم سولفي مع ولدك عشان يتكلم
انا بنتي عمرها من عمر ولدك نفس الشي بس تقول ماما وبابا
لان انا بغربه عن اهلي ومااسولف معها والحين بديت اسولف معها عشان تقلدني
الطفل يبي له شهر وانتي تعلمي فيه وتحملي ربي يسخر لك زوجك

وفيه كمان واحده اعرفهاا عندها ثلاث اطفال زوجها بس يطلع ولا يجلس معهم يقول انتي واطفالك ازعاج
تخيلي مايجي الا بآخر الليل عشان ينام
لكن انتي زوجك معذور بعمل
احمدي ربك ولا تضيقين الدنيا عليك اشغلي نفسك بصلاه ولاستغفار واعزمي جاراتك
ع قولت المثل اضحك لدنيا تضحك لك
عيشي حياتك ورمي الهم وراء ظهرك ترى الانسان هو يجيب لنفسه الهم والكدر
واذا جاء زوجك ابتسمي وضحك وقولي الله يعينك يازوجي ع عملك ماترتاح ربي يعينك ويخفف عملك وربي انك تحزني وامسح ع وجهه بحنان ورقه
بيني له انك تحبينه لو انك كارهته
عشان يحبك ويفتخر فيك وقولي ولدك اليوم صار معه كذا وكذا
عادي اكذبي اهم شي خليكي ايجابيه
والله راح يتغير ويصير احسن من اول وربي يوفقك لما يحبه ويرضاه
ويسخر زوجك لك ويحنن قلبه عليك

دعواتك لي


__________________________________________________ __________