عنوان الموضوع : سااااااعدوني وربي تعبت مجابة
مقدم من طرف منتديات نساء الجزائر

سااااااعدوني وربي تعبت



[COLOR=#800080] بسم الله الرحمن الرحيم

ياأخواتي اشهد الله انكم صرتوا اقرب من اهلي لما اجده من اهتمام ونصح منكم في ادق امور حياتي.........واليوم ابي نصيحتكم وارجوا ماتبخلوا علي فيها
انا متزاعله مع زوجي من فتره بسبب ضربه واهانته لي واولادي معاااه وهو الى الان ماتصل فيني ولا سئل علي مسوي فيها انه الحق معااه
وانا كل الغلط فيني وهوماشالله شاطر في الكذب حسبي الله ونعم الوكيل
يقول لاهله انه يتصل علي كل يوم ولا ارد الضااااهر انه خياااااله واسع
المهم يأخوتي انا اشتقت لاولادي..بس حابه اضغط شوي عليه علشان يطلعني في بيت بعيد عن زوجته الثانيه بس المشكله انه زوجي ولاهامه

عياله ووضعهم كذا بدون ام شكله مرتاااح وخليت اخوي يتصل عليه

يتفاهم معه ويقوله اني ابي بيت وفعلا اخوي كلمه بس قدر يقلب راس

اخوي وصدق انه الغلط علي وماقدرت اقول غيرحسبي الله ونعم الوكيل



وماجابت مكالمة اخوي معاه اي نتيجه لان اخوي الله يهديه من الاساس مالزم على موضوع البيت المستقل
قلت معليش مالي غير الوالد هو اللي بيحلها بعد الله وكلمته وفعلا ابوي راح واتصل عليه وقعد يتهاوش معااه علا امور غير اللي انا ابيها ولا جاب طاري البيت فعلا شي يقهر
سكر ابوي السماعه وهو زعلان والاخ من كريم اخلاقه ماهااان عليه زعل الوالد واتصل عليه يراضيه بنفس الليله وتخيلوا يقوله اذا تبي الحين اجي اخذها وابوي يقوله خلها شوي........؟؟؟؟؟؟؟؟
حسيت نفسي لعبه بينهم
وماستفدت من مكالمة ابوي ولااخوي شي ...... ماحد طلبلي بيت
وانا مقرره مارجع بدون مايحط بيت مستقل بعيد عن زوجته

مادري ياخوات رايكم اكلمه خصوصا بيعتبر هالشي اكبر انتصار له
وعلافكره انا ارستله رسايل وضحت له اني ماراح ارجع بدون بيت

وهوولايرد علي مطنشني علا اساس بيأدبني وهو الغلطان والله اشتقت لعيالي وماني قادره علا فراقهم اكثر احس اني ضيعتهم وبالاخص الصغير مدري وش صاير فيه والكبير ياقلبي عليه شال الهم من بدري وهو صغير.... وابوهم الله يهديه معتمد علا الشغاله وعلا زوجته وهو بالاستراحه لاااهي عنهم ولاهو مفكر يجي يراضيني علشان ارجع لعيالي
وش اسوي ارجوكم ابي رايكم ساعدوني

>>>>> ردود الأعضـــــــــــــــــــاء على الموضوع <<<<<
==================================


والله ماني عارفه وش اقلك دام زوجك ماهو مهتم او يمكن ضروفه ماتسمح إنه يفتح بيت ثاني
وإذا كان ضروفه تمام , ماعندك غير إنك توضحي لأبوك مره ثانيه
إن المشكله الأساسيه هي البيت وبس عشان راحتك النفسيه وخلي ابوك يكلمه مره
ومرتين وثلاث ..

وعليك بدعاء في قيام الليل والأكثار من الأستغفار فهو مفتاح لكل باب
الله يهدي زوجك ويسخره ويصلح من حاله ويراضيك عن قريب ياااااارب


__________________________________________________ __________

حبيبتى ارجعى لبيتك واولادك وبالحنيه وبالراحه كل حاجه بتيجى مش بالعند والزعل حاولى تكسبى زوجك وخليه يحبك اكتر ولا تبعدى عنه وعن بيتك ارجعى ع بيتك واجلسى معه وتفاهموا بالراحه وبالهدوء ولا تدخلوا الشيطان بينكم وخاصا انتى عندك زوجه تانيه يعنى هو مش حاسس بفرق لما يحتاج حاجه يروح ليها هى عشان انتى مش موجوده ارجعى ع بيتك وخدى مكانك وشوفى عيالك وبالتفاهم معه وبالرضا يجبلك بيت تانى والله يوفقك ويفرج همك حبيبتى


__________________________________________________ __________

لا والله يااختي دامك طلبتي النصيحه والمنصح مستامن وانا مارح اخون الامانه وانصحك ماترجعي له ابدا الين يطلع لك بيت وحدك واذا رجعتي بدون مايلبي طلبك صدقيني ماعاد بيهتم لا ي شي لو تسوين له حنان الدنيا كله لو انك باقي فبيتك كان باقول يمكن بس خرجتي فلا والف لاوعيالك ماراح يرتاحوا وامهم تنهان وتنضرب وبيتعقدوا وزوجك وحتى زوجته الثانيه مارح يقدروا يتحملوا مسؤليتهم يعني اثقلي شوي عليه وفهمي ابوك وقولي هو لو انه عارف ان وراي رجال مارح يرضوا بنتهم تنهان وانا الحمدلله ربي عطاني انت واخواني وماترضوا بنتكم تنضرب وتنهان وتعيش بلا خصوصيه انا مستعده ارجع له عشان عيالي بس لو مد يده مره ثانيه انا باكلمكم واذا ماصدقتوني ووقفتم معي باكلم الشرطه وزوجك ارسلي له رساله انك تبين عيالك وبس وهو طابت نفسك منه واذا تبي لعيالك الصالح خذلي بيت اعيشهم فيه بكرامه مارح يتحملهم احد لاخدامه ولا زوجة اب بيقسو عليهم وانت روح وزوجتك الثانيه فبيت لحالكم يكون احسن لكم صدقيني ليتصل ويخاف فعلا انكى ماعاد تبيه الرجال يحب المراه الي ماتتعلق فيه وربي يعينك


__________________________________________________ __________

المشاركة الأصلية كتبت بواسطة شواهد
والله ماني عارفه وش اقلك دام زوجك ماهو مهتم او يمكن ضروفه ماتسمح إنه يفتح بيت ثاني
وإذا كان ضروفه تمام , ماعندك غير إنك توضحي لأبوك مره ثانيه
إن المشكله الأساسيه هي البيت وبس عشان راحتك النفسيه وخلي ابوك يكلمه مره
ومرتين وثلاث ..

وعليك بدعاء في قيام الليل والأكثار من الأستغفار فهو مفتاح لكل باب
الله يهدي زوجك ويسخره ويصلح من حاله ويراضيك عن قريب ياااااارب

يعطيكي العافيه حبيبتي وهو وضعه تمام وقادر على انه يفتح بيت ولا كان ماتزوج علي


__________________________________________________ __________

المشاركة الأصلية كتبت بواسطة هبه بوبه
حبيبتى ارجعى لبيتك واولادك وبالحنيه وبالراحه كل حاجه بتيجى مش بالعند والزعل حاولى تكسبى زوجك وخليه يحبك اكتر ولا تبعدى عنه وعن بيتك ارجعى ع بيتك واجلسى معه وتفاهموا بالراحه وبالهدوء ولا تدخلوا الشيطان بينكم وخاصا انتى عندك زوجه تانيه يعنى هو مش حاسس بفرق لما يحتاج حاجه يروح ليها هى عشان انتى مش موجوده ارجعى ع بيتك وخدى مكانك وشوفى عيالك وبالتفاهم معه وبالرضا يجبلك بيت تانى والله يوفقك ويفرج همك حبيبتى

كلامك صحيح بس لو ارجع عمره ماراح يطلعني ببيت