عنوان الموضوع : وش رايكم في قراري
مقدم من طرف منتديات نساء الجزائر

وش رايكم في قراري



بسم الله الرحمن الرحيم
مشكلتي يأخوات انا زوجي متزوج علي لحظه مو هذي المشكله مع انها اكبر المصائب عند المرأه بس انا متحمله وصابره عشان اولادي(الله يحفظهم ويصلحهم قولوا امين) والله العظيم اني متحمله الضرب والاهانات عشانهم وطلقني مرتين من بعد زواجه ورجعت له عشان اولادي علا فكره انا موكبيره بالعمر ولا شينه بس قرادة حظ لا وبعد بنت مثقفه ومتعلمه وجامعيه ومع هذا صبرت,, الطامه الكبرى انه ساكن في الدور العلوي عند اهله وقاسمه نصفين لي قسم صغير نتفه ولها قسم برضو صغير لان كل البيت اساسا صغير يعني اي حركه او صوت بتسمعه وهي ماشالله من النوع اللي ماتوفر مشغله رادارات مو اذن يعني حتى لو يجوني ضيوف تتنصت علي مع اني اقسم بالله اني اعلي علا صوت ال تي في عشان ماسمع اصواتهم لاني احس باني راح اطق اموت لواسمعهم يضحكون اويلعبون ...لا والادهى والامر الشغاله يوم عندها ويوم عندي مع انو عندي انا مسئوليات كثيره اولادي كلهم يدرسون وانتو عارفين شغل البيت وتدريس الاولاد يعني هلاك وهي ماعندها ااحد يدرس ومرتاحه القسم اللي هي فيه اصغر من قسمي ومع هذا تنازلت علشان تمشي الحياه
بس هالحياه مو راضية تمشي مصره توقف... سافرت زوجته لاهلها وبهالفتره طبيعي الشغاله تكون عندي عشان اولادي ودراستهم وبيوم من الايام اول ماصحا زوجي العزيز من نومه طلب من الشغاله تنظف وتمسح قسم زوجته الثانيه وتبخره بعد.. معلينا ماتكلمنا وخليت الشغاله تسوي اللي اطلبه وجا وشيك علا البيت وبخره زياده وطلع واثاري مبيت النيه يسافر علا شان يجيبها ولا عطانا خبر ثاني يوم من الفجر طلع ورجع وانا نايمه ولبس وسافر بدون حتى لا يعطينا مصروف ولا يقولنا تخيلوا والله العظيم الى العصر واناعلا بالي انه نايم في قسمها واقول لعيالي لاتزعجون ابوكم ولا دريت عنه الالما اتصل علا تلفون البيت موعلا جوالي وقال لولدي قل لامك انا مسافر اجيب فلانه.(لحظه لا تحسبون اهمال مني او غباء مسأل عن زوجي ولا ادري عنه بس هو الله يهديه يزعل ويعصب اذا سألته عن اي شي حتى لو كان شي تافه او ضروري ) سكت وماعلقت قدام اولادي ولا اتصل علينا يسأل ويتطمن الا لما وصل ثاني يوم ولما جا طبعن انا زعلانه من حركته اللي سواها هوطبع جا ينادي الشغاله علا شان زوجته تبيها بدل الايام اللي جلست عندي تجلس عندها اول يومين توصل فيهم من السفر كذا عادتهم وانا ماكنت اقول شي بس ذاك اليوم مدري وش جاني قلتلهم مراح تروح لكم الالما تنتهي من شغلها عندي اللي هو المطبخ وتكمل غسيل الملابس طبعن هووافق بس زوجته مارضت واتصلت عليه تشكيله مني هوهو لانه مايقدر علا لسانها اتصل بيكلم الشغاله تروح بس انا ماخليتها ولما خفت السالفه تكبر قلت للشغاله روحي خلاص زوجي ارتاح باله انه زوجته رضت وسكتت عنه جانا يشقر علينا ويسأل الاخ عن اخبارنا وعن دروسهم قلتله بسلامتك تذاكر لهم صرخ بوجهي وقالي واسكتى ولا اقص لسانك وربي يابنات علا ماقول شهيد ماقدرت اسكت وقلتله يوم وليله كاملين ما تسأل عن عيالك تدرون وش سوى جا بسرعه هائله وقعد يرفسني ويضربني برجله وكأنني حشره عنده حتى عيالي تركوا الغدا خافو من المنظر وانا من العصبيه قعدت اتكلم عليه وحلفت غير اربيه ماكنت حابه تطلع هالكلمه مني بس غصب طلعت في لحظة غضب المهم تركت البيت ولي الان اسبوع وهو حضرته ولا حتى سأل عني و تركت اولادي كلهم عنده والله قلبي محروق عليهم حتى النوم صرت ماعرفه الاغصب عني مع العلم انه اكبر اولادي عمره احدعشر سنه واصغرهم عمره بيكمل سنتين وانا واالله محتاره مدري شسوي بس انا قررت قرار مدري اذا صح ولا غلط انا ماراح ارجع له الالما يطلعني في بيت بعيد عن زوجته لان سبب المشاكل قربنا من بعض واحس انها تفرح لما تسمعنا نتهاوش علشان كذا البعد احسن وراح اترك الاولادعنده حاليا عشان يحس بتعبي معاهم مع اني موقادره استحمل فراقهم زياده بس بقوي نفسي شوي لما اخذ حقي منه مع العلم انو مقتدر ماليا علا البيت ارجوووووكم بنات لا تهملون رسالتي وساعدوني وابي رايكم في قراري

>>>>> ردود الأعضـــــــــــــــــــاء على الموضوع <<<<<
==================================


ياقلبي عيالك اصبري وتحملي انا عارفه ان زوجك قاسي انتي اطلبي من اهلك يقولون له انك تبين بيت بروحك بس لو رفض ارجعي عشان عيالك .ومهما تسوي زوجته الثانيه طنشي اسمعي مني وانا اختك لاتردين او تعصبين عشان لايتعقدون عيالك موشي سهل ان الابناء يشوفون ابوهم يضرب امهم .وان قدرتي تروحين تحفيظ القران العصر تشغلين وقتك زين . بس والله ان عيالك يستحقون التضحيه ودايما ادعي وقولي اللهم اكفنيهم بماشئت على زوجك وزوجته .بس دام ان يده طويله لاتعطينها مجال انه يمد يده اذا عصب عليكي اسمعي مني لاتردين عليه وروحي توضي عشان تهدين لان المويه تهدي الاعصاب . ويارب يكون معاك . والله يحنن قلبه عليكي امين


__________________________________________________ __________

هلا اختي قرارك صائب وافضلك تسكنين بعيد دام مقتدر بس انصحك اهتمي في زوجك رغم كل شي سواه فيكي يمكن هو شايف اهتمام اكثر من زوجته الثانية بل اكيد عشان كذا ما يقدر يزعلها لازم تغلبينها في الاهتمام بنفسك وجمالك وتهتمي فيه وتريحينه خاصة في الفراش لازم تتعلمي اساليب جذب تازوج والمداعبة عشان تكسبينه ولازم ما تكثري شكوى منه ومن العيال الله يساعدك ويهديكي اختي ويصلح زوجك وزوجته الثانية
اهتمي فيه كثير مثل ما خبرتك اقرئي وتثقفي اكثر عن سوالف الزوج والاساليب اللي تريحه وتقربه منك
تحياتي


__________________________________________________ __________

انا كتير تأثرت برسالتك حبيبتي خاصة انو احنا النساء دايما نتحمل فوق طاقتنا و نضحي عشان اولادنا
انا راح اقولك لا تتركي الفرصة للزوجة الثانية انها تستفرد بيه يعني بزعلك ع بيت اهلك هي راح تلاقي
الفرصة انها تتقرب له اكثر و تشمت فيكي عشان يبتعد عنك لازم ترجعي بس تخلي اهلك يتكلمون
عن البيت و لا تتركي اولادك ترى ما في احد راح يحن عليهم من غيرك و اوعي تخلي زوجة ابوهم
تتحكم فيهم اذا طال غيابك راح تصير هي الامر الناهي و راح تتحكم فيهم حبيبتي حاولي تجذبي جوزك و اكثري من الصلاة و الدعاء و الرقية
ربنا يفرج همك وييسر امرك و يفتح ابواب الخير و النجاة


__________________________________________________ __________

الله يهدي زوجك ويسخره لك ويبعدك عنك شر زوجته
والله مدري شنو اقول بس حبيت ارد وادعي لك
الله يسهل اموورك يارب


__________________________________________________ __________

الله يعينك على مصيبتك ويفرج همك ويجمع شملك انتي وعيالك بعيد عن زوجته ويسخر لك زوجك ويحنن قلبه عليك وعلى اولاده
واسال الله العلي القدير انوسكنك في بيت بعيد عنها انتي وعيالك وترتاحين
حبيت ادعيلك واتمنى البنات يفيدونك