محتاجة حدى يسمعني !!!!!!
عنوان الموضوع : محتاجة حدى يسمعني !!!!!!
مقدم من طرف منتديات نساء الجزائر
محتاجة حدى يسمعني !!!!!!
انا علا علاقة مع شاب منذ أكثر من سنة ونصف ولما قدر يبعت أهله عشان يخطبوني طلبت أمه إنها تشوفني بالبداية والحمد لله شافتني وارتاحتلي بس المشكلة لما إجت على البيت ما ارتاحت لماما وأبوه مو موافق وحكوله إحنا مو موافقين (أهله) بس إلي بدك إياه راح نعمله ،،، وكان إلي بده إياه إنه مقرأ هلأ الفاتحة ويتعرفوا عليَ وعلى أهلي منيح وأنا كمان أتعرف عليهم منيح وأمه وافقت بس المشكلة هلأ مع أبوه !!!!!
أكيد عم تسألوا بما إنه أنا عجبت أمه ليش أهله رفضوا
أهله رفضوا النسب من أهلي لأنه ماما مو مجلببة مع إني مجلببة "حكينا هاي بسيطة منحلها بسهولة وماما الحمد لله عم تتجه للعباي" أما أهم مشكلة إنه بابا إله سنتين قاعد وما عم يشتغل "وشكله مو ناوي يشتغل" وبما إني أنا إلي عم بشتغل يعني أنا إلي بصرف على البيت وعلى "بابا" وهاد الحكي إلي مجنن أبوه وإنه (كيف بده يحط إيده بإيد واحد بنته بتصرف عليه،،، أكيد هاد مو زلمة) وأنا من أكتر من أسبوعين ما عم بحكي مع بابا وكل ما أقعد معه بحاول أحكي معه عشان الشغل وعم بحكي كلام ممكن إنه يجرحه بس للأسف لا حياة لمن تنادي والمشكلة كمان إنه إذا أنا تزوجت ما في حدا يصرف على البيت بما إنه اخواني لسه عم يدرسوا!!!!!!
بعرف طولت عليكم بس والله ما بنام إلا ودموعوا على خدي بدي حل للمشكلة الله يخليكم
حكى الشب لأهله إنه أهم شي البنت وإنها بتصلي وبتخاف الله وإنه بحبني ومستحيل إنه يرتبط بغيري وإنه إحنا غلطنا وبدنا نصلح غلطنا ويصير حبنا حلال ......
في كلام كتيييير لسة بدي أحكيه بس حسيت حالي طولت عليكم
طبعاً اهلي ما بعرفوا هاد الحكي وهوه حكالي وطلب مني ما أحكي لأهلي شو صار
بس والله أنا بحبه وكل ما اصلي استخارة بحس حالي عم بحبه أكتر ومستحيل أعيش بدونه وهو كمان نفس الوضع
مشان الله إحكولي شو أعمل وكيف أحل المشكلة ؟؟؟!!!!!!
>>>>> ردود الأعضـــــــــــــــــــاء على الموضوع <<<<<
==================================
الله يكون في عونك حبيبتي مالك الا الدعاء وكثرة الاستغفاررر
بس ابي اسلك يعني ايش مومجلببه وانت من سوريه او الاردن
__________________________________________________ __________
والله أنا مااؤيد العلاقات والحب قبل الزواج غير انها محرم
__________________________________________________ __________
حبيبتى ربنا معاكى
بس والد حبيببك شكله بيتلكك والدك لا يشتغل لا يعيبك انتى ومفيهوش عيب جامد هوشكله مش حلو بس مش عيب يعيق الزواج
لازم حبيبك يتمسك بيكى جامد دددددددددددد واهلة عندما يجدوا حبيبك مصر قوى اكيد هيوافقوا
ادعى الله فى جوف الليل لاترد الدعوة ابدا
__________________________________________________ __________
مشكورين صبايا على الرد
والحمد لله انا طول الوقت عم بستغفر بنية إنه الله ييسرلنا أمورنا
والله يبارك فيكم
__________________________________________________ __________
الله يسهل أمورك والمفروض الواحد ما يتاخذ بذنب أهله أهم شي الأخلاق والدين
ربي يوفقكم
رد مع اقتباس
