عنوان الموضوع : ضاقت بي الرياض على وسعها -لصحتك
مقدم من طرف منتديات نساء الجزائر

ضاقت بي الرياض على وسعها



السلام عليكم ورحمة الله وبركاته
انا حابه اسمعكم يا نساء سبدتي
يا اخواتي
انا متزوجه من 3 سنين عندي ولد زوجي طيب قلبه ابيض
بس مايراعيني كزوجه اول ما نسير على ناس من خوياه يقولي كيف الحرمه وش لابسه نحيفه والا تخينه في كل مره تذبحني اسئلته تحرق قلبي ويرفع ضغطي وانا ما اجاوبه اقول مدري
ويجلس على التلفزيون ويشوف حريم ويبيني اعلق معه على لبسهم واجسامهم وصرت ما اجلس معاه على التلفزيون ويستغرب مني اذا غرت يقول انتي ليش تغارين اكيد انتي غير
معاد اني ماني مقصره في شي البس في اليوم من 4الى 6 مرات اهتم في نفسي وهو عاجبه وملاحظ هالشي والله اني ما احب افكر في هالموضوع
ومشكله ثانيه ما يحب يسولف معي سواليفه محدوده مايحب نطلع انا وهو لازم احد معانا ماينبسط معاي واذا ربي قدر وطلعنا لالالالالالالالازم الجوال يدق يكلم امه والا اخواته
ابغى من نصائحكم وتجاربك

>>>>> ردود الأعضـــــــــــــــــــاء على الموضوع <<<<<
==================================


الله يعينك
ما ادري شو اقولك انا ما اني متزوجه
اتمنى انو المتزوجات والنساء ذوات الخبره يفيدونك
موضوعك شدني وحبيت امر عليه
الله يشرح صدرك


__________________________________________________ __________

حبيبتي انا مالي خبره في الامور هذي بس بقولك نصيحه وحده

اقعدي معاه وقوليله كل اللي بقلبك قولي انا زوجتك ومن حقي اغار عليك

ومايجوز تطالع حريم غيري (يعني غض بصرك) وبعدين اذا سالك عن الحريم

ولبسهم واشكالهم قولي مالك دخل فيهم(اعرف حريم لما يسالونهم رجالهم يقولون كذا)

الله يعينك ويفرج همك ويسر امرك


__________________________________________________ __________

شوفي زوجك مفروض مايسألك عنهم اسمحيلي زوجك قليل الادب لان هذا مو تصرف الرجااال المحترمه شنو يعني وشو لابسه حرمة خويي وربي شي يقهر قسم بالله >>قهرني زوجك احس ودي اذبحه.. السموحه منك اختي
قوليله ليه تسأل انت شنو دخلك وشو لابسه... ترضى خويك يسأل زوجته عني كيف جسمي وكيف لبسي وكيف شكلي ترضااها؟؟
اذا قالك عاادي يطلع قليل اصل واسمحي لي ع هالكلمه
واذا على الكلام انتي افتحي مواضيع اذا كان مايفتح هو ووتجي السواليف
واذا على الطلعه فأنا زوجي كان كذا يحب دايم يطلع مع جمعه بس انا شفت مره مرتين ماارتحت وكلمته قلت له اذا انت ترتاح مع الجمعه انا ماخذ راحتي نفسي اطلع زي كل اسره انا وزوجي محد غيرنا اخذ حريتي في الكلام ابي اغازلك ابي اقولك كلمه حلوه ابي امسك يدك ابي اسولف معاك بحريه مو احد معانا يقيدنا واذا عودتيه على انه يطلع كل مره جمعات خلاص بعدين ماتقدرين تقولين لا لازم من الحين
وعلى الجوال اللي يدق.. زوجي حتى انا مثل امووت قهر بس كلمته وقلت له لما نطلع طلعه خااصه ياريت تقفل الجواال عشان ماحد يشغلك عني قالي عندي مكالمات مهمه وكذا ويمكن احد محتاج لي قلت له بس كم ساعه مده طلعتنا بعد افتحه واقتنع وهذا حياتنا الحمد لله ماشيا
تعالي له بنقاش والتفاهم بهدوء وليس التهجم والصراخ ترى الرجال مايجي بالصوته يعاند تعالي له من طريق الهدوء وطبعا انتي عايشه معاه 3 سنوات اكيد عرفتي كيف تدخلي له من اي طريق
في رجال مايجيون الا بالدموع
ورجال مايجون الا بالزعل
ورجال ماتجي الا بالكلمه الحلوة
ورجال ماتجي الا بنقاش هادي
ورجال ماتجي الا بالعين الحمرا
ورجال.... الخ
انت اعرف قبل اي طريق زوجك يجي منه بعدين تعرفين كيف تتعاملين معاه
والله يسهل عليك ويصخر زوجك لك


__________________________________________________ __________

الله يصلحه ويهديه ويعينك عليه
بس اذا باقي سالك قولي مادري ولا مابجاوبك واذا عن الطلعات قولي له مثلا اش رايك نطلع نتمشى لوحدنا وبكذا مابيقول لاحد


__________________________________________________ __________

حبيبتى خلى على راحته

واجئي لله ما لك غيره

هو يقدر عليه

والله راح يصير شخص ثانى

ودايما اجئي للاستغفار

وربى معاك