عنوان الموضوع : بحب زوجي وبحب غيره 000000 -لصحتك
مقدم من طرف منتديات نساء الجزائر

بحب زوجي وبحب غيره 000000



السلام عليكم يابنات
انا مشكلتي بحس انها صعبه
من وقت ماكان عمري 16سنه وانا تعرفت على شاب معرفه بعيده جدا يعني كنت ماشيه مره بالطريق لوحدي وانا من بلد متحرر شوي يعني عادي البنات يمشو لوحدهم بالطريق
المهم ماشيه لوحدي واعترضلي شاب بالطريق بسلم على مرحبا قلت اهلين
قال ممكن اتعرف عليكي
انا وقتها تركتو ومشيت لانو متلو كتير شباب بالمجتمع يعني كلهم كلام فاضي
وبعدين مالقيت الا وحدا بيتصل على تلفون البيت وبترد عليه اختىي وبقلها عطيني اكلم اختك فلانه
اختي استغربت وقالتلي حد بيكلمك وبعدين كلمتو وكان مسوي نفسو انو شخص من مدرستي عشان في عندي مشكله بالشبيبه
يعني ماده صعبه شوي
المهم انا عرفت صوتو وحسيت انو هو
وصار يكلمني كتير عالبيت بس انا اشوف الكاشف وما ارضى ارد وماما انتبهت علي انا ماكان بدي اكلمه ابدا بس كان بيضطرني والا بيفضحني عند اهلي بدون سبب
ونحن عند اهلي ملتزمين وصحيح ببلدنا في تحرر شوي بس كنا ملتزمين وخصوصا بابا متوفي من وقت كنت صغيره وماما هي كانت تحافظ علينا كتير وخاف علينا من نسمه الهو
المهم صرت بالاول اكلمو غصب بس كلام جارح يعني مو كلام معسول وهالحاجات بس كنت بتخانق معو وبنتصارخ ليش هو بسوي كذا معي
وبالاخير عرفت انو معجب فيني وبحبني وبيعرف اني صعبه المنال ومافي حدا بيقدر ياخد مني شي ولاحتى كلمه حلوه
وقرر يجيني من باب التهديد
بس انا قدرت وقفو عند حدو وماتمادا معي كتير باكلام
وصار كل فتره والتانيه يتصل علي من تلفون شكل
وبالاخير عرفني على اختو كمان عبر التلفون وكانت كتير مؤدبه معي
وصرنا شبه اصحاب
وصارت بعدين تكلمني كتير واحيانا تقلي بس اخوي بسلم عليكي
واعتذر مني وكلمني بس والله ماكان يحكيني كلمه وحده بتجرحني او كلمات اباحيه ابدا مجرد سلام وبيعرف اخباري بس
واستمرينا تقريبا هيك سنه وكنت شوفو كتير بالشارع وهو يشوفني ومن بعيد نبتسم لبعض بس
يعني ولانتكلم بالشارع ولانقترب من بعض بس ابتسامات
ولم كنت ارجع البيت يتضايق لاني بروح السوق او عند ناس صاحباتي او اقاربنا
يعني كان بغار على كتير وكتير كان يعصب علي منشان موضوع الطلعات كان بدوياني اهتم بدراستي بس وهو كان بيدرس محامي بالجامعه
ومرت الايام وبقيت علاقتنا سطحيه لدرجه كبيره وكان يبعتلي شباب بدهون يتعرفو علي يعني بدو يجربني وانا طبعا كان عندي مبادئ ومابحب هالشغلات وصراحه بخاف منها لانو نحن عائله كبيره وسمعتنا كتير طيبه بين الناس وكنت بقول لحالي البنت مالها الا سمعتها وبس
وفجاه تقدملي ولد عمي وهوحالتو الماديه كويسه وشخص مؤدب ومهذب وفيه كل الصفات يلي بتحلم فيها اي بنت
وبيشتغل بدوله من دول الخليج
انا وقتها اتفاجات انو كان الموضوع منتهي بالنسبه لاعمامي واقاربي لانو كان ابوي متوفي متل ماقلتلكم
ووافقت بدون مافكر لانو الموضوع مو بأيدي كان
وانخطبت ووقت عرف اني انخطبت زعل كتير وكان رح بيجن وبعدهاماعاد كلمني ابدا ابدا ولاسمعت صوتو
وطبعا انا واخته بقينا اصحاب ومابعرف شكلها ولاهي بتعرف شكلي واتزوجت وكنت كلما ارجع على بلدي اكلمها كتير وتحكيلي عن اخوها انو لحد الآن ماتزوج ولا بيتزوج عشاني
وانا لحد الان صرلي 5سنين متزوجه وعندي ولدين ودايما افكر فيه ولابروح من بالي لحظه وبتمنى يكون هو الي متزوجته الآن
انا كتير بحبو وكل يوم بحلم اني اذا تطلقت من زوجي الجأ له وخاصه انو اخباري كلها عندو اخبارو عندي ولسه هو بيعشق الارض يلي بمشي عليها
وعفكره انا كلما بسافر بدي بشوفو وهو مابيعرفني لاني صرت حط نقاب على وجهي بس كلما بشوفو بحس قلبي بيخفق كأنو كل الماضي ماكان ولسه موعوده انو يجي يوم ويكون من نصيبي
شو اعمل انصحوني ياخواتي
والله رح جن بسببو
ولاتقولول انساه لاني حاولت اقنع نفسي آلاف المرات وبقول لنفسي انا اتزوجت خلص كل مين راح بطريق
وهو مو من نصيبي بس بيرجع قلبي بدقلو كلما بشوفو او بسمع صوت اختو وكتيير بتردد اني قول لاختو تعطيني اكلمو
بس مابدي صورتي تنهزادامو لانوبيعرفني انا مابخون حدا
شو اعمل مع اني ملتزمه الحمدلله بالصلاه والصيام والنوافل والتسبيح والاذكار بس
قلبي له مو لغيره
واخاف آخذ اثم من حبي له بس هالشي مو بأيدي

>>>>> ردود الأعضـــــــــــــــــــاء على الموضوع <<<<<
==================================


حبيبتي مافي عند غير تقطعي علاقتك باختو لأنها هي الي بتذكرك فيه وصدقيني مافي شي مابيتنسى

يعني كل شي بالاول صعب بس وعد مني صدقيني ربك راح ينسيكي ياه للأبد لانك اخلصتي لزوجك ومنعتي نفسك تأخذك بالطريق الغلط (وانا مابطلب منك شي مستحيل بس انتي طلبتي مساعده لأنك حاسة بالذنب وحاسة انك مو سعيده بحياتك لهيك لازم يكون في شي حل ولازم تقبليه )

وزوجك مثل ماقلتي تحلم فيه كل بنت وانتي عندك ولدين يعني حبك لزوجك راح يكون جزء من حبك لأولادك وانتي طبعا تريديهم يعيشو في بيت متماسك ومترابط كلو حب وراح تأذيهم كتييررر بدون ماتقصدي لو ضليتي على حالك وهذا لأنك مازلت ضعيفه الاراده ومنغير ماتحسي راح تتسببي بأذى اولادك ولعلمك الاطفال هم اكتر الناس ادراك للبيئة الي حولهم وبنصحك تقربي من زوجك والي راح يفيدك اكتر انك في بلد ثاني يعني هذا شي صــالحـــــك .

هذه نصيحتي الك حبيبتي اذا تحبي تتخلصي من مشكلتك وتربي اولادك
ابدأي بأول خطوة

اقطعي علاقتك باخته بأي طريقه وبأي عذر

المهم تبعدي عنها وحاولي ماتعرفي اخباره ابداً

مشان ماتتعقلي كلما تعرفي انه ماتزوج ولعلمك هو ماتزوج يمكن لأنه مجروح بس انو اذا اطلقتي (لاسمح الله )راح تلجأي اله فهاي افكار شوي طفوليه لأنك عندك ولدين وانتي بهاي الحكاية نسيتي قطعه منك تماما واتفرغتي لأحلامك

فكري بنور عيونك ( اولادك ) اشتري سعادتهم وراح تلاقي سعادتك معهم


الله معك ويوفقك


__________________________________________________ __________

مثل ما قالت لك الاخت لقبلي فكري شوي بعقلك
لانه حتى لو اتطلقتي مارايح يتزوجك لانه هو عازب انت مطلقة وعندك ولدين
قبل ما تفكري بانانية فكري ببيتك وزجك وخصوصا اولادك
فالمخلصة تكون لزوجها ومع انك كما قلتي ملتزمة وتصلي وتصومي لكن رايحة تخربي على نفسك وحياتك واخرتك


__________________________________________________ __________

السلام عليكم ورحمة الله وبركاته

اختي الحبيبة مشكلتك حلها بيدك وسهل جدا اولا اتقي الله عزوجل واقطعي علاقتك به اولا خوفا من الله وتذكري قوله تعالى ومن يتق الله يجعل له مخرجا ويرزقه من حيث لايحتسب تاكدي اخيتي اذاتركتيه خوفا من الله فان الله سبحانه وتعاى سوف يرزقك محبت زوجك وسيكون اغلى شي عندك زوجك كما سيرزقك الله عز وجل سعادة في حياتك الزوجية صدقيني هذه التجربة مررت بها انا لكني عزمت وقررت قطع علاقتي بع تاملى للاية الكريمة التي ذكرتها لكي بادري عزيزتي باسرع وقت بقطع علاقتك باخته وتاكدي لو كانت تريد لكي الخير لما طالبت باستمرار العلاقة باخيها بعد زواجك راجعي نفسك اخية واخبرك انا علاقتي قطعتها منذزمن بعيد جدا ورزقني الله سعادة بالحياة الزوجية


__________________________________________________ __________

اختي العزيزه بصراحه انا دخلت لاجد حلا لمشكلتي لكن صدق المثل لاتشكيلي وابكيلك لكن حنى ياالحريم ما لنا الا بعض ومثل ماقالو لك الاخوات اجعلي تقوى الله بين عينيك ولا تخوني زوجك واطفالك اما عن مشاعرك تجاه ا لشاب فاعتقد انه مجرد حنين لتلك الايام ونصيحه دام ان زوجك يحبك فهذا الاهم ولاتتبعي قلبك


__________________________________________________ __________

نصيحة واحدة تفك كل المشكل
اقطعي صلتك باخته هي سبب ما انت فيه