عنوان الموضوع : جننتنا حسبي الله عليها ونعم الوكيل
مقدم من طرف منتديات نساء الجزائر

جننتنا حسبي الله عليها ونعم الوكيل



السلام عليكم
مشكلتي باختصارعندي اخت عدوه حاقده علينا وانا بالذات متسلطة علي مره
وما احد سلم من شرها مدري وش اقولكم بس والله خلاص احس انا انتهينا
دمرتنا ودهورت نفسيتنا حسبي الله عليها ونعم الوكيل من يوم انا صغيرة
وهي تغار مني ادري ان الاخوات طبيعي تكون بينهم غيره لكن مثلها ماشفت
اي شي حلو عندي تسألني من وين وبكم سعره وبحسن نيه اقولها
وعلى طول تروح تشتري مثلي بس ماتقولي تغبي عني وشفتها بالصدفة وانجنيت صراحه
حاولت معها بشتى الطرق مره اكون حبوبه ومره اطنشها ومره اقاطعها وانا على نياتي طيبه معها واذا صرنا بجمعه
مع قرايبنا واحد يبي يسولف معي ترد بدالي ع طول وانا من غبائي اقولها عن
كل شي سوالفي مع صديقاتي اوريها كل شي اشتريه وانا ما ادري ان نار الغيره
بقلبها تغلي الى ما جا اليوم اللي ربي كشفها ع حقيقتها تخيلوا ذا انخطبت تدري
قبلي لا وتجي تقنع فيني لين اوافق وبعد ما يتم كل شي اتفاجأ ان الموضوع انتهى
بدون سبب وانا ما ازعل بالعكس اقول الحمد لله خيره بس المصيبه هي اللي طلعت
تخرب علي ثم بعد كم شهر تجي تتهزا فيني وتذكرني بذي السالفه وياما انخطبت
وتروح سنه سنتين ما دريت ثم تقولي الفلان خطبوك العام ما قالولك وتقعد تضحك
بذمتكم هذي اخت
والمشكله عندها اطفال مو صغيره سبحان الله بعد ما اكتشفتها دعيت عليها من قلب
وجتها مصيبه وقفنا كلنا معها بس ردت لعافيتها رجعت اشد من اول حسوده ما تبي
تشوف خير معنا واذا صار نقاش معها ع طول ماعندها تفاهم تضرب بأي شي
قدامها حتى لوكاسات والله حتى بالمطبخ ما سلمت منها كنت اسوي دونات وجت
وانا ع نهاية القلي وتاخذ الصحن وترمي الدونات كلها بالارض وكسرت
كل الصحون اللي قدامها مقهوره ليه اسوي قهوه وحلى تنجن لو تشوفني انا وخواتي وامي
جالسين نسولف ونتقهوى تبي تفرقنا وصارت تختلق اكاذيب علينا وكلن يصدقها
والله يابنات كل البيت عايشين برعب منها الله المستعان امورنا متعسره
المهم عانينا منها كثير وحاولت الين ما قدرت وراحت لدكتوره نفسيه وصرفت لها
علاج ارتحنا منها اسبوعين ورجع البيت سلام لكن اليوم رجعت مثل اول
واضربتني وانا والله صايره ما ارد عليها عشان افتك من شرها وصارت
راميه العلاج ورافضه تاكله آآآآه يابنات والله اني خلاص احس بيجيني شي منها
ما عاد بقى فيني صبرعليها حسبي الله ونعم الوكيل

>>>>> ردود الأعضـــــــــــــــــــاء على الموضوع <<<<<
==================================


ياختي الله يكون بعونك
وانااقرى مادري ابكي والالاضحك
والله اني انسدحت من الضحك اسلوبك بالوصف فكاهي مرررررررررررره
الله يسعدكي
بس اختك هاذي من جد الله يعينك عليها قولي لامك لاتعطيها اسراركم فهمتي
دوري على الي يقول لها اسراربيتكم وفهميه لوتموت ماتدري بشي
اسالي خواتك امك
اهم شي خلوها اااااااااااااااااااااااااخرمن يعلم
جننييييييييييييييييييييييييييييييييييييييييييييييي ييييييييييييييييييها
يمكن تتعدل
بس كنها تعبانه الله يشفيها بس ولو اسراركم لاتقولونها لها


__________________________________________________ __________

حبيبتي الله يعينك بس يمكن حالتها النفسيه تعبانه دام تقولي انها تاخذ أدويه من طبيب نفسي نصحوها لا تعصبو عليها يمكن محتاجه حق حنان ورعايه منكم ما حصلتها عند زوجها وتشوفك انتي مستانسه وفرحانه عند أهلك وهي محرومه من الي عندك صدقيني لو عاقله ما راح تسوي الي تسويه الحين ،أنا عندي أربع أخوات الله يخليهم لي صحيح نتناقر ونتضارب زمان بس لما كبرنا كل وحده فينا تحب الخير حق الثانيه حبيبتي الدم عمره ما يصير ماي أكيد اختك مريضه مو طبيعيه ولازم تتفاهمو معاها بحب مو بصراخ ونجره


__________________________________________________ __________

هههههههههههههههههههههههه
اختك حاله وربي ههههههههههههههههههه

لاا لاا لااااا مو طبيعيه ابدا

انتي لا تحتكي فيها

والله يفكك من شررهااااا

هههههههههههههه

انا كمان متخاصمة مع اختي المتزوجه
دووم تتكلم عن اسراري اللي اقولها لابوي وامي
استااااااااهل
واللحين هي عندنا تبي اصالحها من اسلوبها
لكن ابدا
اللي سوته مو قليل
سوت لي مشاااكل مع ابوي
لها اول مالها اخر

انا اللحين ما اكلمها ولا راح اكلمها ابد
اصلا حذفتها من قائمتي


__________________________________________________ __________

ياحبياتى .. صاحبة المشكلة وروزاليندا ..

لاتقاطعوا رحمكم مهما كانوا قاسين عليكم .... بعدين انتوا لا تعلمونها بسوالفكم ... سلموا عليها وتكلموا معاها عن مواضيع عامة فقط ....وان شاء الله مايصير الا الخير ..

لصاحبة المشكلة فقط ..
اختى ... اختك هي نتيجة نشئتكم وانتوا صغار .... يمكن انتى كنتي محبوبة عند الكل .. يمكن انتى دايم تسرقي الاهتمام منها ......الخ ..

حل المشكلة سهل وبسيط جداا ..

اولا : لاتتكلمون معاها عن اموركم الخاصة ..

ثانيا : حسوسوها دايما بالاهتمام .. لما تجلسون مع بعض كلموها تجلس معاكم ... لما تروحون السوق اشترولها هدايا ... لما تجلس معاكم حاكوها اكثر وحدة في الجلسة واضحكو معاها ..

ثالثا : امورك الشخصية مثل الخطبة ...الخ تكون بينك وبين امك وابوك ... ( عالجوا اموركم بالكتمان ) ..

رابعا : لازم احد يروح مع اختك للدكتورة وتأخذ علاج .. هي واضح انها مريضة الله يشفيها ...

والله يعينكم ...وعليكم بالدعاء لها ...

اللهم صلى على محمد علية افضل الصلاة واتم التسليم ..


__________________________________________________ __________

سعودية بالنسبة لي خلاص ما عندي خوات ابد
هي خانتني
وطلعت كل اسراري
قالت لابوي كلام ما ينقال
وجرحت مشاعري وكرامتي على سبب تااافه جدا
الان مهما سوت ومهما اعتذرت
ابدا لن اكلمها
حتى يوم عررسي
حسبي الله عليها
كنت احبها من قلبي وارحمها هي وبناتها
لكن خلااص
هالايام الحذر اولا من اهل البيت قبل الغرباااء

سوير عشانها المستحيل نسر كل شي ورمته عرض الحاااااائط
جيم ااوفر