عنوان الموضوع : حبنا الصامت بيقتلني؟؟؟ -تم الاجابة
مقدم من طرف منتديات نساء الجزائر

حبنا الصامت بيقتلني؟؟؟



السلام عليكو ورحمته الله وبركاته

اخواتي العزيزات


اطرح مشكلتي هنا بعد حيره مني وارجو منكم ان تساعدوني في مشكلتي


لاني تعبت وابغا احد يساعدني في حلها فكتبت هنا على الله ثم عليكم


اني باذن الله راح استفيد من اجابتكم لي


مشكلتي هيا اني منذ كنت طفله انا وولد خالي كانت بينا صداقه مثل اي طفل وطفله واخوه لاننا كنا متربين مع بعض


وبعد ماكبرت في المتوسط غطيت عليه ومادري عنه وماخذت ببالي لانو شيء عادي بيننا اخوان وبس

حتى سرت بثانوي وكان همي دراستي وكل املي اتخرج وادخل الجامعه


حتى تخرجت بفضل الله وكانت تلك المده لم اراها بحكم ديرته بعيده عني

تقريبا 7 سنوات ماشفته وبعد تلك السنوات خبرونا الاهل اننا بنروح ببيت خوالي

فرحنا كلنا ورحنا ويوم من الايام وكنت راكبه سيارته ومع خواتي وامي

وشوي اتكلمت مع واحد من اخوانه الا شوي حسيت احد يناضر في عيوني

فطالعت في مراية السياره الاشفته يناضرني ارتبكت في باديء الامر بحكم اني اخجل وماحب هذي الحركات وغطيت عيوني

وماشلت براسي هذي التراهات وقلت في نفسي شاب ومراهق

وبعد ذلك كل ماركبت السياره احسه يحاول يلفت انتباهي باي شيء انو يبيني التفت له ودام 3 سنوات وهو يسوي لي كل مارحنا عندهم وركبت بسيارته

في مره من المرات اخته الصغيره واحنا بسياره قالت انا احب فلان(على اخوها) وفلانه(علي ) ليه مايتزوجو والله في ذااا الوقت مادري وين وجهي خجلت حيل وشوي اخوها يقفل فمها وهو مرتبك وامها تقولها عيب يابنت ادري بتقولون كلام اطفال بس الاطفال مايقولون شيء الا اذا سمعوه من اكبر منهم

مادري وش اقول لكم بس سوالفه معي ماتتعدى بس هو يحاول انو يجذب انتباهي واعرف انو يحبني بس مايتكلم لانه انسان مايتكلم كثير ويستحي ومايحب يخالط بلي حوله وانا ادرى عنه من يوم كنا صغار

المغزي بالموضوع اني حبيته من كثر مايلفت انتباهي له والحين سايره احبه حيل بس وربي العباد ماسويت شيء عشان اهلي مايقولون شيء علي وانهم واثقين في بنتهم متسوي خرابيط واناابغا ابين له اني احبه واني انجذبت له وماني معتبرته مثل اخ لي
في البدايه صح كان اعجاب بشخصيته بحكم انه اخلاقه عاليه ومواصفاته اي بنت تتمناه

بس الحيره بتقتلني حبه صامت وحبي صامت ومحد قادر مننا يتكلم

اصبحت في حيره من امري وابغا المساعده في هذا الامر وانا بذي المده اخاف انخطب من واحد ثاني وهو يتعب ويمرض او يسير في شيء انا سببت له

شاكره لكم تعاونكم ومنتظره منكم الرد السريع لاني تعبت حيل ولااقدر اني اسوي اي شيء وابغا افكار تبين له اني احبه

>>>>> ردود الأعضـــــــــــــــــــاء على الموضوع <<<<<
==================================


انا من رايي لا تتعمقين في التفكير واذا فعلن يحبك راح يخطبك وذا احد خطبكي توكلي علي الله تزوجي ترا البنت مو مثل الرجال لها وقت ومحد يجيها مثل الورده كل ماكبرت تذبل ولا تسوين شي وتدمين عليه لا تقولين ابستناه يمكن يخطبن ترا العمر يروح وانتي ماتدرين عن نفسك


__________________________________________________ __________

عزيزتي ..,,
لاتفكرين وااايد في ها الشخص ..,, لانج راح تتعبين وبعدين اذا اهو صج يباج ييي ويخطبج من اهلج ..
شوفي عزيزتي اذا حد يا وخطبت " غير اللي تحبينه "
ها الوقت اللي بيثبت انه صج يباج ولا لا ..,,
اذا يباج بيي يخطبج على طول ..,,
انتي توكلي على الله ..,,^^,,..
ولا تفكرين واايد تتعبين << نصيحه من اخت لاختها ,,


__________________________________________________ __________

ان شالله يفتح الموضوع ويريحك ونشوفك عروسة للووووووووووووش
ربنا ينولك الي بالك ويكون خير لكم امييييين
بشريييييييييييييينا


__________________________________________________ __________

انا فعلا احترت من عقول الناس


__________________________________________________ __________

هلا وغلا..~~

كيفك؟؟ ان شاء الله تمام وبأحسن حال؟؟.~.~

..~~


بصراحه وبدون مقدمات.. حابه اقول لك كم شغله..~~


اول شي بسألك..~~ انتي على اي اساس حكمتي انه يحبك؟؟؟~~~


ترا لفت الانتباه وبعض الحركات اللي ذكرتيها مو دليل قاطع ع الحب..~~


ويمكن يكون معجب فيك لاخلاقك ول.... شغلات كثيره فيك..~~ يعني بنهاية الموضوع يطلع اعجاب لا اقل ولا اكثر..~~ يمكن هو معجب فيك بس..

تدرين المشكله اننا مانفرق بين الحب والاعجاب.. << هذي اول شغله..



ثاني شي انتي لاتستعجليييين ابدا ولاتروحين بخيالك بعيد وتبدين ترسمين احلام ورديه مثل مايقولون..!!


يعني نفس الولد ماصرح انه يحبك يعني لسى مو اكيده مشاعره تجاهك..!! هي مجرد احتمالات على استنتاجات..!!


فلاتستعجلييييييين ابداااا..!!


ومن كلامك باين ماشاء الله انك مو صغيره واتوقع بعمر زواج..!! فنصيحه برضو لاترفضين على امل ان هذا بيدري تحبينه وبيجي يخطبك.!!


وغير كذا بصراحه اغلب الشباب على ماا سمع و اشوف... يحب هو يمشي ورا البنت وراها وراها يحب يحس انها ثقل وانها مو ملقته بال وقتها يكون معجب بثقلها . ويمكن يكون تحدي بينه وبين نفسه اذا يقدر يعلقك فيه ولاا لا؟؟؟.!! وبنفس الوقت هي راح تعتبر حركاته حب ووووو... وبالاخير ينصدمون الاثنين بانه يمكن اعجاب فقط..!! يعني لو لقى غيرها بيتركها..!! لا ويمكن اذا صرحت بمشاعرها تبدا قيمتها تقل ونظرته لها تتغير..!! فــ راح يعرف وقتها انه معجب بصدودها وثقلها..!!




..~~~



فبلخص لك كلامي بكلمتين..!!


1/ شيلي من راسك الافكار اللي تدور فيه:: كيف تلفتين انتباهه.. وكيف تفهمينه تحبينه..!!

وغير كذا غلاتي ترا البنت عادة تكون متسرعه بعواطفها..!! فكري بعقل مو بقلب..!!

2/ لاترفضين اي شخص يجيك مناسب على امل ولد خالك يجي..!!

ماتدرين يمكن اليوم يحبك بس لما يعاشرك تبان عيوبك اللي ماكان شايفها وقتها بيحسها صدمه وبيقل حبه لك.. وغير كذا زواج الاقارب ما انصحك فيه ابدا..!!

والاهم بكرا يمكن تنخطبين من واحد ماتحبينه وعادي بس مع الايام راح يحبك اكثر وتحبينه..!!


.. غلاتي اجلسي مع نفسك بهدوء ولاتخلين تفكيرك محصور بس كيف تلفتين انتباهه ..!!!

خلي تفكيرك على الموضوع كلللللله من كل نواحيه .. وكيف راح تكون حياتك بعدين..!!

تعمقي بتفكيرك اكثر ولاتكونين سطحيه..!!


..~~



والله يوفقك ويقدم لك الخير بأي شي.. ويحقق لك مرادكـ..~~


..~~

اسفه جدا ع الاطاله ولكن الكلام من القلب واتمنى يستوعبه قلبكــ..ْ~~

دمتي كما تحبين...~~