عنوان الموضوع : عايزة أعرف رأيكم -لصحتك
مقدم من طرف منتديات نساء الجزائر

عايزة أعرف رأيكم



السلام عليكم ورحمة الله وبركاته
أولا يارب تكونوا بخير جميعا , وأنا بحبكم فى الله....

أولا أنا عندى 30 سنة وكان عاقد عليا شخص محترم جدا وراجل جدا جدا من 4 سنين ( يعنى كان مكتوب كتابنا ) ولكن قدر الله وما شاء فعل انفصلنا بعد 10 أيام بس ,, طبعا الموضوع طويل هحاول أختصر ويارب أعرف أوصلكم القصة صح ...

البداية كانت تقليدية جدا هو جه عن طريق معارف والموضوع مشى عادى وسبحان الله حبنا بعض جدااا , وتم العقد على طول بموافقة أهلى . المهم حصل ان فى ناس بتغير منى أو يمكن هم عملوا كده عشان ماففيش نصيب , المهم وقعوا ما بين اهلى وبينه وفهموا اهلى انه المفروض يدفع لبنتكم كتير ويجيب دهب كويس وشقة تمليك وسبحان الله اتأثر عليهم جدا مش عارفه ازاى .( نسيت أقولكم انه كانت إمكانياته بسيطه جدا جدا وأهلى كانوا موافقين ) المهم فضلوا يزهقوا فيه ويطلبوا طلبات غريبه شقة ودهب وكده .... المشكله انى كنت ساكته وسايباهم يعملوا اللى عايزينه عشان هم أهلى وعارفين مصلحتى ,, ووصل الموضوع للطلاق وهو رفض وفى الآخر طلب يسألنى رأى , فأنا وافقت أهلى وأنا من جوايا عايزاه بس مش عايزة مشاكل , المهم هو طبعا عشان كرامته عمل اللى هم عايزينه بالذات لما لاقنى موافقه على كلامهم , ,,وفضل بعد كده يحاول كتييييييييييييير يرجع وأهلى رفضوا , وسكت شوية ورجع تانى كلمنى برضوا عشان يرجع , وأخيرا أنا حصل منى موقف صعب جدا انا كنت مشدودة جدا من اهلى فى البيت عشان هم مش عايزنى ارد عليه لما يتصل ولا ارد على اهله , المهم لما اتصل بيا وكان عايز يفتح معايا موضوع زواجنا تانى رديت عليه وحش جدااااا وقلتله انت بتتصل ليه تانى ؟ طبعا زعل جداااا وقفل ,,, وبعد ما قفلت حسيت انى لخبطت فى الكلام ,, اتصلت بيه بعد شوية قاللى خلاص أنا اتصلت بوالد البنت اللى أهلى بيتحايلوا عليا عشان أتقدم لها , طبعا أنا كرامتى مهمه جدا عندى فقلتله خلاص ده نصيب , بس وفضل كتير بعد كده يتصل قبل ما يتم الارتباط بالبنت عشان يشوف أنا لسة عايزاه ولا لأ؟ وأنا بقة وخدانى العزة وقلتله لأ خلاص ده نصيب اتجوزها ,

المهم اتجوزها فعلا ورزق منها بولدين ولسة عاوزنى وهو دلوقتى فتح معايا الموضوع تانى بس انا بصراحه عايزاه وموافقه,

ملحوظة : -أنا عارفه كويس انه شخصيته قوية ويقدر يعدل ما بينا جدااا عشان كده موافقه على الزواج منه , يعنى مش هيظلمها ولا يظلمنى , بس طبعا لسة مش عارفه أهلى هيقولوا ايه ؟
- كمان احنا مش بنتكلم كتير, يعنى يدوب كل فترة يتصل بس يعرفنى بالأحداث اللى بتحصل ونقفل بسرعة ومش بيحصل أى كلام خارج ولو حسينا ان هيحصل بنقفل على طول
- وكمان انا اتقدم لى كثير ومش لاقيه حد مستريحاله خالص زى ما استريحتله , وهو مفهمنى ان لو فى حد اتقدم مناسب لازم أشوفوه وأوافق وأنا بعمل كده, عشان مش عايز يحس بالذنب من ناحيتى .

وصدقونى والله انا لو اعرف انه هيعملنى كويس وهى لأ. والله مش هوافق بس انا عارفه شخصيته كويس جدا , حتى هو دلوقتى لما بتيجى سيرتها بيشكر فيها جدا وبيقول ان بينهم عشرة بس العاطفه ديه مش بإيديه. وأنا كنت رافضة فى الأول موضوع زوجة تانية بس هو قاللى انتى الأولى , وبصراحه أنا بحبه ومافيش حد حبيته زيه لغاية دلوقتى وهو كمان بيحبنى قوييييييييي .

طبعا أنا بعمل زى ما قالى بشوف اى حد يتقدم مش برفض وخلاص عشان أنا فاهمة ان كل شئ نصيب .

بس محتاجة أعرف رأيكم ضرورى .... ومعلش طولت عليكم بس والله كده اختصرت كمان ههههههه
وشكرا.

>>>>> ردود الأعضـــــــــــــــــــاء على الموضوع <<<<<
==================================


حبيبتي عادي ارجعيله اذا كنتو بتحبو بعض وما فيها ظلم للزوجه الاولى وكل شي نصيب


__________________________________________________ __________

تبى رااى بصراحة لو انا مكانك مااا اوااااااااااافق
اذا كنتو تبو بعض من البدايه ليش ما تحديتى الجميع وتزوجتيه
حرااااااااااااااام يظلم زوجته عشان حبه القديم وليش يتزوجها اصلا اذا كان ما يحبها ومازال يبيك
يعنى الحين اهلك راح يوافقو عليه بعد زواجو وبعد مع خلف ولدين ايضا
حررررام تبنى سعادتك على تعاسه وحدة اخرى
هذا رايئ بكل صررراحة


__________________________________________________ __________

حبيبتي لا
والف لا ومليون لا
كان من الاول قبل متيزوج وتصير عندة مسؤؤلية وزوجة و اولاد

انتي تقبلي لو تزوجتي تجي وحدة تاخذه منج؟؟
حرام عليج وعمر ربنا محيوفقج بلي حتسوي لانج حتظلمي خصوصا انج ذكرتي انة امكانيتة بسيطة جدا جدا وخصوصا هسة صارت مسؤلياتة اكبر

خلي يتقي الله وانتظري نصيبج
الي حتسوي حرام لان انتي تريدين بعد اطفال
وهو حيكون حاير حتى لو كان عندك ثقة انه حيقدر يعدل مابينكم

الغلط منج بالاول وانتي الي سمحتي للموضوع يوصل لهذي المرحلة اصلا هذا يتسمى خيانة
الله يهديج بس

وين عزة نفسج الي خلتج ترفضين بالاول وين عزة نفسج الي تريد تخليج تاخذين زوج من حضن زوجتة و اولادة؟؟

خلي الله بين عيونج
وخلي نفسج بمكانها هي مالها ذنب لمجرد انو عزة نفسج منعتج تقبلين بي بالاول وهسة عزة نفسج سمحتلج ترجعين استغفر الله ياربي

اسفة ياختي لو كان كلامي جارح شوية بس انا نقهرت جدا من كلامج
لان هذا التصرف خاطئ
واسالي اي عاقل عنه سوف يرفض
عمر الحب ماكان بهذي الطريقة وبهذي الانانية


__________________________________________________ __________

وفى نقطة اخرى
كيف متاكدة انه راح يعدل بينكم
ممكن يعدل فى الامور الاخرى الماديه وغيرها
الا فى العاطفة والحب ما راح يعدل
وانا بصراحة فى هذا الزمن لااجد رجل متعدد الزوجات (عادل )


__________________________________________________ __________

اهم شيء انك بتحبيه وهو بيحبك