عنوان الموضوع : الله يخرب بيت النت واللى بيجى من وراياه الا المصايب يارب اغفرلى وتب على -تم الاجابة
مقدم من طرف منتديات نساء الجزائر

الله يخرب بيت النت واللى بيجى من وراياه الا المصايب يارب اغفرلى وتب على



السلام عليكم ورحمة الله وبركاته
الحمد لله حمدا كثيرا طيبا مباركا فيه والصلاة والسلام على اشرف المرسلين
اللهم صلى على سيدنا محمد وعلى اله وصحبه وسلم
احبتى فالله انا بكتب لكم قصتى النهارده لانى خلاص زهقت من حياتى زهقت من ذنوبى كل مااتوب ارجع تانى انا بكتب لكم علشان كل واحده تدعيلى وان ربنا يسهلى طريق التوبه
قصتى بدات من سنتين انا بنت عمرى عشرين سنه والحمد لله بدرس فكليه علميه بدرجات عاليه
واهلى ناس محافظين وكلهم بلااستثناء دكاترة ومهندسين ومراكز مرموقة اوى
حكايتى بتبدا بوصلة نت
اخويا دخل نت البيت طبعا لانه بقى من ضروريات الحياة واكيد كل اللى عالنت عارف اهميته
انا استخدمت النت دا وحش انا ادمنت الشات من 4 سنين كان عندى 16سنه
المهم اتعرفت على واحد بعد سنتين عمره 19 سنه وانا كنت وقتها 18 سنه
حبيته اوى كان بيشتغل فالدى جى وشغل افراح
اتكلم معايا ولاقانى مختلفه عن اى بنت لاقانى اول بنت احتقر شغله ومهمنيش المبالغ اللى كان بيقبضها هو من محافظه تانيه
بفضل الله قدرت اثر فالشاب دا خليته عنده هدف كان مدمن خمر وسجاير وقرف
واعترفلى
وقالى محتاج لحد يشدنى وانتى الوحيده اللى لقيتك كدا كنت دايما بخليه يصلى وبدا يصوم معايا النوافل
حبنى جداااااااااا وانا مثلت عليه انى بدات احبه
وفى يوم قلتله انا مش عاوزاك تانى انت كدا تمام بقيت بتصلى وسبت شغلك وروحت لشغل احسن انا مش هقدر اكمل
قالى فين حبى ليكى وحبك لى قلتله انا من الاول قلت لك انى مش هتجوز عن طريق النت ولا الحب انا هتجوز جواز صالونات زعل وقعد يصالحنى وعلشان خاطرى ويبعت فمسجات المهم اختى شافت رسايله كان موضوعه دا محدش عارفه خالص
فعرفت منى الحكايه وقالتلى واخرته قلتلها باذن الله هيتجوزنى
فاختى راحت قالت لماما بنتك جالها عريس وقعدوا يسالونى مين مين حكيت بس مقولتش انى اعرفه عن طريق النت
المهم ماما كلمته وطلبت انها تشوفه لو عايز يتقدم قال انه لسه مكونش نفسه وطالب وامى تفهمت الوضع ومتاكده ان محدش هيرضى بيه لكدا لان اخويا اكبرمنه سننا ولسه مخطبش حتى
كان نفسه يشفنى غبنا 4 شهور نتكلم وفجاه لقيته اتصل بامى انا محتاج ازوركم واشوفك طبيعه البيت ان اخويا وابويا مسافرين دايما وهو مش هيقدر يدخل قالتله خلاص اشوفك فمكان عام تقولى عايز اى
قالتله انت شفت بنتى فين مرداش يرد ولما سالتنى قلتلها فالجامعه
هو طلب منها ان ميشفنيش انها تروح لوحدها للعلم انا كنت شوفتله صورة وكانت مش واضحه هو قالى انا متعلق بروحك مش شكلك وعايزك انتى كمان كدا
ماما قالت انتى مش جايه
وقالت لاختى مش هاخدها
اختى قالتلها ازاى دا عمره ماشفها
ماما استغربت قالتلها دا شفها فالكليه
قالتلها لا دول عرفوا بعض من النت وعمرها ماقبلته
بعد كدا هو ذاد فنظرها وماما راحت قبلته وخدتنى معاها بس قالتلى الاول شوفيه عجبك وحسيتى انك ارتحتى هجى اقعد معاكم مش عجبك خلاص واعتبريها تجربه
وحصل فعلا وشفته
لقيته انسان وسيم جدااااااااااا اجمل منى انا حتى مع انى الحمد لله ربنا ادانى نعم

المهم ارتحت طبعا معاه لانى كنت بات انى احبه بجد وزاد حبه لما شفته
المهم وعدنى كتير اوى انه يبقى انسان تانى ويصلح نفسه وبقى عندنا حلم وطموح عايزين نحققه كبير اوى انا بقيت كويسه فالدراسه وهو انتبه لشغله المهم ان ساب دراسته سنه
وقالى ان هيحول معهد غير كليته علشان يديلع فرصه بعيده عن الجيش علشان يعرف يكون نفسه
انا اتضايقت وقلت لماما وامى قالت ان دا مينفعش لازم يكون معاه شهادع علشان يجى يخطبنى
المهم
عدت علينا سنتين من اجمل السنين فحياتى عيشت فيها ايام حلوة معاه حسسنى ان مفيش بنت غيرى فالدنيا وانا حبيته اوى
بدانا نشوف بعض ونتقابل كتير ممكن كل 5 شهور او شهرين مرة
فالمقابلات دى كان ممكن يلمسنى او يبوسنى بس الحمد لله موصلناش للفاحشة العظمى
اخر مرة طلبت اقابله قلتله مينفعش كدا احنا لازم نحط لنا حد انت لازم تشتغل وتشوف حالك قالى انا بشتغل مصور
بيصور مسلسلات وبرامج فرمضان بيقبض اكتر من 700 ج فالاسبوع
انا تعبت اوى واتخانقت معاه الفلوس دى متنفعش حرام ارجوك ابعد عنها
قالى خلاص وفعلا ساب الشغل وقعد فترة مش بيشتغل
قلتله احنا اخر ميعاد لينا لما اخلص كليتى زى الايام دى لازم تحضر نفسك
بدا يزعق لى وانتى قاهرانى واهلك مش هيرضوا بى انا مش هعرف افتح بيت لاعندى شقه ولا وظيفه ولا تعليم اعمل اى اضرب الاض تتطلع بطيخ
قلتله انا اى ذنبى تربطنى بيك انا بيتقدملى ناس كتير ومراكز كلهم وبرفضهم دا جزاتى علشان بحبك
واتخانقنا ساعتها وقلنا اننا هنسيب بعض
رجع صالحنى وقالى انا اسف وهعمل كل اللى اقدر عليه
فبدايه رمضان انا قولت هاخذ رمضان حاجز بينا وفعلا قلت بلاش كلام وحب وكدا بس للاسف انا رجعتله تانى مقدرتش ابعد عنه
من اسبوعين جالى عريس كان محترم وعنده شقه وعربيه وبيقبض كتير
قلت انا هاقوله على العريس دا واشوف رد فعله
لقيته بيقولى ف60 داهيه انا مش هازعل عليكى انتى كرهتينى فدنيتى بعدت عن الناس علشانك اتشحططت علشان
المهم كان مسك شغل فبلد بس الشغل دا تصوير انا معارضه الفكرة جدااااااااااااا بس مش قادرة اقول لا بين نارين قلبى وعقلى
قلتله اخبار الشغل اى قالى سبته ومش هرجعله انا عايز انسى ذلك لى
انا هشرب مخدرات
علشان انسى حياتى
فضلت اعيط جدا واقوله بلاش تاذينى لما بتاذى نفسك قالى خليكى معايا بلاش تبعدى
قلتله حاضر
بس رجعت فكرت فالعريس دا لانهم كل شويه يتصلوا
قلت انا اخاف مااقعدش معاه يطلع واحد كويس وربنا يعاقبنى بعد كدا طول عمرى
المهم جبت العريس وقعدت معاه لقيته حاجه تانيه خالص وينفعش عريس اصلا
وحش بجد وكان بيدور على خدامة لامه يتجوزها ويسبها فمصر ويسافر والخدامه دى ممنوعه من كل متع الحيااااااه
رفضت طبعا
بس قلت فنيتى لو العريس دا اترفض مش هرجع لحبيبى تانى
وفعلا قعدت 3 ايام مش برد على اتصاله فالاخر رديت وقلت مش هنكمل
اتعصب بقى
وغاب يشتمنى
وانتى خاينه ودا طبعا لما عرف ان جبت عريس غيره وانتى مش صابرة على رزقك انا خلاص هفتح المشروع بتاعى كمان اسبوع مش قادرة تصبرى
ووووووووووووووووووووووووووووووووووووووووووووووو
قلتله انا مش عاوزاك ابعد عنى
قالى انا هتجوز اجنبيه النهارده
ومش هكلمك تانى
كلمته دى قهرتنى وحسستنى اد اى بجد انا جرحته اكيد ممكن انتى تحسيها لو جوزك قالك انا هاتجوز عليكى او لو عرفتى انه حتى بيفكر فغيرك
قلتله ماشى واتجوز اجانب علشان تصادف ان يجيلك مرض من اى واحده ودعيت عليه ساعتها
وقفل معايا وفضلت اعيط وقلت خلاص مش هنتكلم تانى ابدا تانى يوم رن على
3 يوم اتصل انا مخنوق ومحتاجلك لو مش هتكونى حبيبتى هتكونى صحبتى قلتله مينفعش قالى المرة دى بس افضفض معاكى كلمنى ويارتنى ماكلمته عاتبنى تانى وافتكرنا ايامنا كلها سوا مع بعض
وقالى انه كان نفسه يخونى ويتجوز بس مش قادر لانه مش سهل ينسانى زى ماعملت وان كنت انا قدرت فهو مش قادر
قالى ان حلمه كلها خطوه ويتحقق ويجيب اهله وهو كان واعدنى مدام انا مش راضيه عن فلوسه هيعمل معايا مشروع ضمن تخصصى اول ماتخرج وانا هشتغل فيه وفلوسه تبقى لى اتصرف فيها
فكرنى بكل دا وعيط فالتليفون قالى لو مكنتش بعضقك كنت زمانى مع 1000واحده مش مستنى التليفون اسمك ينور عليه بس انتى قسيتى وبعتينى
انا حنيتله اووووى وحنيت لكلامه واتاسفتله انى بجد غلطت فحقه بس انا عملت كدا لانه بدا يهملنى وانه قالى هشرب مخدرات قلى انا كنت بستفزك علشان متبعديش عنى
دلوقتى المشكلة فانى مش قادرة اسيبه حبى ليه بيجيب ذنوب
مش عارفه انا مريضه بيه اذا بعدت هو يقرب اذا بعد انا بقرب
العشر الاواخر من رمضان داخلين ومش عارفه اتوب منه لغايه دلوقت
انا عارفه انى غلطانه بس ذكرياتى معاه بحس انها حلوة وارجع استغفر
نفسى اتووووووووووووووووووووووووووووووووووووووووب
الذنب بيقتلنى
مش عارفه ابعد عنه
ليله القدر جايه ولسه مستعدتش لها
بالله عليكم
ادعووووووووووووووووووووووووووووووووووولى
ادعووووووووووووووووووووووووووووووووووولى من قلبكم ربنا يقلل حبى فقلبه ويبعده عنى لو كان وحش او يهديه ويصلح حاله ويباركله فرزقه باللحلال ويجعله من نصيبى
ادعولى بحسن الخاتمه وان ربنا يهدينى
ويباركلى
بالله عليكوا تدعوا ان ربنا يغفرلى كل اللى فات من ذنوبى واللى جاى ويبدل سيئاتى حسنات
ادعولى ان ربنا يبلغنى ليله القدر ولا يحرمنى اجرها
بالله عليكم محدش يخرج اللى لو دعالى
جزاكم الله خير
احبكم فالله
اللهم انك عفو تحب العفو فاعفو عنى
اللهم انة اسالك من الخير كله اجله وعاجله ماعلمت منه وما لم اعلم واعوذ بك من الشر كله ما علمت منه وما لم اعلم اللهم انى اسالك من كل خير سالك منه سيدنا محمد صلى الله عليه وسلم واعوذ بك من كل شر استعاذك منه سيدنا محمد
وصلى الله وسلم وبارك على سيدنا محمد وعلى اله وصحبه وسلم

>>>>> ردود الأعضـــــــــــــــــــاء على الموضوع <<<<<
==================================


اختي والله قصتك وحكاايتك جدآآ اثرت في ..
عمري حيااتي اختي اسمعيني زيييييين ..
إذا يبيك صدقيني راح يشتغل ويدور عمل ويكون نفسه ويخطبك ..لااايمااطل وخليك قويه وجاااده وخلي امك في الصووره خليها تعرف وين وصلتي معه وانتبهي زيييين على نفسك ولا تقاابليه بمكان عام ..
كرري هذا الدعاء((اللهم اني استودعتك قلبي ونفسي وجوارحي))
وادعي ان الله يكفيك الاذى .
صدقيني احنا بزمن ماافي اماان ولا صدق الا من رحم الله.
استغلي الشهر الفضيل خير استغلال واكثري من الدعاء ..

الله يحفظك ويحميك ويكتب لك الخير سواء معه او مع غيره اهم شيء يكون خير لك دينك ودنيتك...


__________________________________________________ __________

حبيبتي لا ادري بماذا انصحك فا ن احسستي بجدية هذا الرجل وصلاحه كازوج فحافظي عليه وانتظريه حتى يوفقه الله وياتي لخطبتك اما المكالمات والطلعات فلن تجني منها الاالعار والذنوب والفتن قولي له انا لن اخونك ولن اتزوج غيرك ولن ابتعد عنك وسانتظرك حتى تاتي لخطبتي لكن لن اخرج معك ولن تكون لي معك اي علاقه غير شرعيه وها انا في بيت اهلي انتظرك حتى يجمع الله شملنا بالحلال ولا تنسي ان تحسني ما بينك وبين الله وان تتضرعي له سبحانه بادعاء بان يهياء لك من امرك رشدا ولن يخيبك ربك جل في علاه اسال الله سبحانه ان ييسر لك الخير والصلاح وينير طريقك بحبه وقربه سبحانه ويلهمك الصواب انه قريب سمع مجيب الدعاء0


__________________________________________________ __________

حبيبتي لا ادري بماذا انصحك فا ن احسستي بجدية هذا الرجل وصلاحه كازوج فحافظي عليه وانتظريه حتى يوفقه الله وياتي لخطبتك اما المكالمات والطلعات فلن تجني منها الاالعار والذنوب والفتن قولي له انا لن اخونك ولن اتزوج غيرك ولن ابتعد عنك وسانتظرك حتى تاتي لخطبتي لكن لن اخرج معك ولن تكون لي معك اي علاقه غير شرعيه وها انا في بيت اهلي انتظرك حتى يجمع الله شملنا بالحلال ولا تنسي ان تحسني ما بينك وبين الله وان تتضرعي له سبحانه بادعاء بان يهياء لك من امرك رشدا ولن يخيبك ربك جل في علاه اسال الله سبحانه ان ييسر لك الخير والصلاح وينير طريقك بحبه وقربه سبحانه ويلهمك الصواب انه قريب سمع مجيب الدعاء0

كلامك سليم 100%

لا املك لك سوى الدعاء في ظهر الغيب
الله يفرج همك يا رب


__________________________________________________ __________

الخيرة فيما اختاره الله
اختي الحب هذي الايام اي كلام حتى لو تزوجتوا رح يجي يوم ويمل منك ويمكن يرجع لعوايدة من الدخان والشرب
اذا جاء انسان يستاهلك وافقي
لا توقفي نصيبك انتبهي
واحذري منه فما اجتمع رجل وامرأة الا كان الشيطان ثالثهما
لو كان جاد كا اقل شي خطبك بعدما عرفت امك
لا تسوي شي من ورا اهلك حذاري
الله يوقفك ويغفر لي ولكي
يوم لا ينفع الندم


__________________________________________________ __________

اختى الحبيبة انا عوزة افهمك الفرق ما بين الحب الحقيقى و الحب الوقتى و انتى عليكى المقارنة و تعرفى النتيجة الوحدك لو عرفتيها لوحدك تكونى كدة عرفتى تعملى اه بصى الحب الحقيقى كالاتالى :
التضحية العمل من اجل اللاخر واسعاده لكن مش على حساب نفسة يعنى مش يشتغل شغل يبعده عن ربنا والقرش الللى بيجيبه يكون حرام المفروض يكون عارف كده لوحده
الحتراااااااااام واحد خط تحتيها علشان ده اهم شى الحترام المتبادل اه بيخلى الحب بيذيد اكثر فكثر
التسامح علشان الحب يكمل لزم يكون فى تسامح وطلمة فى احترام يبقى فى تسامح على طول مهما كن فى زعل او غضب
العقل لذم احكم عقلى علشان نوزن اللامور بلعقل كدة احب واحد كان بيتعاطة مخدرات وكمان ترك دراسته ونتى بتقولى انكى بتدرسيى فى كلية عالية طب تيجى اذاى اه الى يجبرك على كدة حتى لو هو ملك الجمال ميلزمناش
ارجوكى حكمى عقلك علشان يترتب عليه حياتك مهماكان الحب فلعقل اولا ثم العقل ثم العقل ثم القلب
و اخير متزعليش منى انا عوزة مصلحتك و ربنا يوفقك
ب الوقتى ده ممكن يكون شهر سنة سنتين وبعدين ينتهى على حاجة هيفة علشان كد بقو عليه حب وقتى
ربنا يوفقك ويهدليكى الحال معلش طولت عليكى ارجو اكون افتك .