عنوان الموضوع : خايفين من المسئوليه ومش عارفين نتصرف مجابة
مقدم من طرف منتديات نساء الجزائر

خايفين من المسئوليه ومش عارفين نتصرف



السلام عليكم ورحمة الله وبركاته

ازيكم اخواتى ححاول اكتب الموضوع باختصار عشان متملوش منى
الموضوع ان فى واحده جارتى انا واختى هى يتيمه واهلها عايشين بعيد عنها
فى مشاكل جامده جدا بينها وبين زوجها بتوصل للاهانات والضرب ادام اولادها وهى كانت على طول بتلجأ لنا انا واختى لمساعدتها احنا فعلا وقفنا جمبها كتير احنا وناس جيراننا تانيين من حوالى 5 سنين وهى فى مشاكل جامده ونفسها تطلق من زوجها وتربى اولادها فى هدوء
الفتره الاخيره زوجها زود المشاكل اوى لان محدش من اهلها بيسأل عليها طلع عليها كلام انها بتعرف رجاله وبيصرفو عليها
طبعا احنا كنا بندافع عنها ووقفنا جمبها وساعدناها انها من وراءه تروح لمحامى وترفع قضيه طلاق لانه مش عاوز يطلقها بالحسنه
المهم مشت فى اجراءات القضيه من غير زوجها ما يعرف
ولما جه وقت الاعلام المحامى قال لها لازم تسيب البيت لفتره وتبعد عنه عشان ميأذهاش وفتره صغيره وحتقدر تاخد اولادها
احنا هربناها عند ماما تقعد معاها لفتره على اساس كلام المحامى
هى عند ماما نزلت دورت على شغل واشتغلت وفتره صغيره واتغيرت
او منعرفش ظهرت على حقيقتها اصبحت انسانه تانيه
اولا\نست اولادها وقررت انها مش حتاخدهم
ثانيا\عشمت المحامى و2 اصحاب المحلات الى بتشتغل فيها بلزواج بعد الطلاق ودخلت قى 3 قصص حب مع كل واحد
ثالثا \لبسها الضيق وتطلع البلكونه بالحملات وماما عايشه فى منطقه شعبيه
ومش عايزه قرايبنا فى البيت
والاكبر انها حاولت توقع بينى وبين ماما بس الحمد لله مقدرتش
وكمان التأخير يوميا لغايه الساعه 12 و1 باليل
انا واختى اخدنا قرار اننا نطردوها من البيت بس نرجع نقول حرام حتروح تعيش فين
وخايفين نكون ظالمينها بس دى فعلا الحاجات الى بتعملها بالضافه للكذب بتاعها
واهم حاجه احنا خايفين لان احنا مكناش نعرف انها كده وكانت نيتنا انها تطلق وتعيش تربى اولادها مش ترميهم وتتزوج
احنا خايفين ربنا يعاقبنا على اننا هربناها من البيت بس زوجها كان بيضربها فعلا امام الجيران
انا فكرت انى اقول لزوجها مكان شغلها ويروح ياخدها ويرجعها البيت
مش عارفين نعمل ايه بجد
خايفين من المسئوليه
انا اسفه اوى لو فى كلمات مش واضحه بس انا حبيت ابين الموضوع بالضبط
واسفه اوى غلى الاطاله وربنا يخليكو ليا

>>>>> ردود الأعضـــــــــــــــــــاء على الموضوع <<<<<
==================================


محدش رد ليه عليا
والله الموضوع بالنسبه لنا كبير اوى


__________________________________________________ __________

يلي صار صار ماعت تقدروا تعملوا شي مشان رجعتها لزوجها
المهم لازم تعتدوا تحكوا معها وتقوللها انو في قوانين بالبيت امك و تحكوا يلي مش عاجبكم فيها بالعكس لازم تحوا معها فورا احسن ما بكرة تجيب شي مصيبة على البيت بس لانكون خجلنين تحوا معها خصوصي عم تتاخر وطريقة لبسها حسب ما قلتي و استقبال الضيف عنا نحنا العرب 3 ايام وبتتركوها على راحتها بس بعدين مبين لح تسكن كتير عند امك فلازم تعاملها كانها وحدة منكون يلي لازم اذا بدها تعيش معكون لازم تلتزم بالضوابط و شروط اهل البيت اذا حبها
اذا ما عجبها تسطفل من ما بدها تروح هي بالغة راشدة ممكن تروح لعند حدا من اهلها لانو مو معقول مالها اهل بنوب اذا كان من الاسرة او العيلة هيك لازم تحكي اذا خايفة على مصلحة امك او خايفة على سمعتها و سمعتكم


__________________________________________________ __________

مروة قالت لك المفيد ايه اتكلموا معاها
لبتعملوا معاهم دا غلط
واذا اصرت على ذلك اطردوها
لانها غير مسؤولة منكم فانتم ساعدوها بحسن نية
لكن حين اكتشفتم انها فعلا مش منظبة خلاص تروح من عندكم
احسن ما تتفاقم الامور بينكم


__________________________________________________ __________

حبيبتي حاولو اوصلوا لاهلها وخليهم همه يتصرفو معها
يعني اخوانها او عمامها او اي حد من اهلها هو احق فيها يعني تروح تعيش عندهم وانتو اطلعوا من الموضوع
لانها مابتستاهل المعروف الي عملتوه معها .


__________________________________________________ __________

اشكركم اخواتى
احنا فعلا اتكلمنا معاها كتير وحظرناها بس طبعا مفيش فايده
الجديد قبل ماكتب الرد ده على طول جالنا اخبار من صاحب المحل وناس مش عارفين عرفوها منين بحاجات تانيه مكناش نعرفها والله كوارث
بالنسبه لاهلها هما بعيد عنها هما فى بورسعيد واحنا فى اسكندريه وهما بعاد عنها من زمان عشان كانو بيشتكو منها كتير
انا متشكره اوى على ردودكم اخواتى
مروه-قلب فلسطين-صابرين